كده ده مظبوط الحمد لله لو كان اللي قريتوه كده يبقي هو كان معلق في موبايلي لاكن لو ناقص ده الصح 😍😍😍😍😜
البارت الثاني والثلاثون...
اعدت سيلا تكتب المقال....
**المقال**
يقول الله عز وچل في كتابه العزيز...
كل نفس ذائقه الموت.....كلنا ألي الله راجعون. فمهما تعددت الاسباب فالموت واحد....
ولكن .ايضا قال الله تعالي...من قتل نفس بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا)...
باختصار... لا يوجد بشر علي وجه الارض سيظل مدي الحياه....ولكن....من الذي. يحق له ان ينهي بيده حيات بني ادم.. من هو الانسان الذي يحق له ان يقتل بتلك الوحشيه والغير آدميه... عفوآ !!!!لا يحق لي تلقيبه بالانسان لانه لا يمس للانسانيه بأي صله..ففي حادثه التجمع الشهيره استطاع القاتل ان.يتخطي كل الحدودو الادميه...لم يكتفي بقتل سهيله وصديقتها وطعن الحارس ولكن كان يمتلك... عقل شيطاني..واستطاع بذكاءه ان يخفي كل شئ يكون دليلآ لادانته امام رجال المباحث...لم يترك شيئآ لجعله خيط يصل من خلاله رجال المباحث للقبض عليه...
ولكن...في رأيي الشخصي... علي قدر ذكاء هذا القاتل..إلا وانه خائف....من الوقوع في المصيده....والتي اراها قريبه منه بشكل كبير
فلقد.. قام ظابط المباحث المسؤوول عن حادثه التجمع... باصدار قرار بعمل تحليل dna..لمطابقه التحليل علي كل من كان قريب من سهيله.....ومن معلوماتي الخاصه.. في هذه القضيه.. ان القاتل... اخذ الهاتف الخاص بسهيله ومحي اي تسجيلات خاصه بينه وبينها... ولم يجدو رجال المباحث اي تسجيل يدل علي علاقه سهيله بشخص اخر..ولاكن في رأي الخاص.. بأن القاتل..شخص لهو نفوذ فقام بمحو اي تسجيلات خاصه بينه وبينها او ان سهيله لها رقم اخر.. باسم هذا الشخص.. وهذا ذكاء من القاتل...من البدايه.. حتي لا يعلم اي شخص بعلاقتهما...وفالنهايه. اوجهه كلمه للقاتل ليس كل مانتمنتاه يسير مثلما نتمني..ولا كل شئ نخطط له يكون كامل.. فغلطت الشاطر.. بألف مثلما يقولون....ومعي خيط البدايه
انتظروني في اخبار جديده...
****بقلم سيلا المهدي****
خلصت سيلا المقال... وقامت شالت الورق ودخلت تاخد شاور..
............
.......اما عند روكا... فضلت تجيب الرقم وتمشيه مش عارفه تتصل بعامر.. ولا لا تبعتله مسدچ ولا مش طريقه شيك.. حاولت كتير تتصل مش قادره.. خايفه لما تسمع صوته يبان علي صوتها. انه وحشها....واخيرا حسمت امرها
روكا... انا هتصل وخلاص هعزمه واقفل هيحصل ايه يعني
مسكت روكا الموبايل جابت رقمه... وداست عالرقم اتصال... وحطت ايدها علي قلبها......
....................
اما عند عامر... كان خلص شغل. وبيجهز نفسه عشان يمشي...دخلت عليه ريم....خبطت..
عامر....ادخل....
ريم.... ممكن ادخل.
عامر... طبعا..
ريم.. انت ماشي..
عامر... اه انا خلصت خلاص ومش قادر..وانتي ايه خلصتي ولا ايه.
ريم.. انا كمان خلصت وهمشي بس قولت الحقك قبل ما تمشي.
عامر.....في حاجه ولا ايه.
ريم... لا خالص. بس كنت جايه اعزمك..
عامر....علي ايه🤨🤨🤨
ريم.... عيد ميلاد سيلا..
عامر....ايه ده بجد كل سنه وهي طيبه. طب معزمتنيش هي ليه تصدقي لما اشوفها هزعلها...
ريم....لا ماهي متعرفش وغالبا مش فاكره اساسا..
عامر... يعني ايه..امال بتعزميني علي ايه..
ريم... ماتفتح مخك معايا ياعامر الله يكرمك...
احنا عاملينلها مفجأه...
عامر... اه طيب تمام.حلو ده امته بقي وفين..
ريم.. بعد بكره...وعند روكا..فالبيت🙄
عامر... عند روكا... اشمعني...
ريم... احنا قولنا نعمله عندها ترجع تلاقي الڤيلا متظبطه ونعملها مفجأه بس ديما بترجع علي خمسه واغلبنا هيبقي لسه مش خلص شغل وهي هتبقي راجعه مرهقه وبلبس الشغل مش هينفع فاروكا قالت اوك انه يتعمل عندها. بس..
عامر... اه اوك تمام ..
ريم... هتيجي صح..
عامر... لو كان اي مكان تاني كنت جيت بس الوقت الوضع مختلف مش هينفع...
ريم... ليه كده ياعامر.. اولا ده كان اقتراحي انا وبصراحه عشان انت وهي تبتدو تتجمعو وترجعو تاني...
عامر... بالعكس لو كان اي مكان كان هيبقي افضل لاكن ده في بيتها وانا معنديش استعداد اروح وهي مش متقبله ده خصوصا بقي ان عشان اروح لازم روكا تكلمني.. وألا هيبقي شكلي مش حلو وروكا مش هتعمل كده.
ريم... لا روكا قالت هتتصل بيكم كلكم وتعرف بدر ونوني وكلكم..
عامر.. هتعرفهم كلهم وانا لا والدليل انك جايه تقوليلي اهو..
ريم... لا والله مش كده طب مانا قولت ليوسف وهي كلمته..
عامر... لما هي كلمته مكلمتنيش ليه.
ريم...🙄🙄🙄هتكلمك اكيد.
عامر...لو كلمتني صدقيني هروح غير كده مش هقدر لو اي مكان تاني صدقيني كنت روحت لو متكلمتش بقي غصب عني وانا هبقي اشوف سيلا عشان اقولها كل سنه وهي طيبه..
ريم... هتكلمك ..وهتيجي ياعامر غصب عنك..
عامر... ان شاء الله يلا قومي روحي عشان الوقت ميتأخرش
ريم.. حاضر مش عايز حاجه..
عامر..لا شكرا ياريمو. انا هجهز انا كمان وهقوم ....
ريم.. اوك... يلا سلام اشوفك بكره..
عامر... باي خلي بالك وانتي سايقه.
ريم..حاضر باي.
عامر...باي....
خرجت. ريم....من المكتب. ومشيت من الشركه...
فضل عامر... سرحان...وحاسس انه مضايق.. بس حسن امره وقال لو متكلمتش مش هيروح..كان بيشرب سيجارته عشان يقوم ..فجأه رن موبايله.. مسكه من غير اهتمام...ولاكن اتفاجأ من الاسم... روكا...
رد... بصوت هادي عامر... الووووو
روكا..بصوتها المايع اللي بيطلع غصب عنها..ازيك ياعامر..
عامر... بخير ..انتي عامله ايه...
روكا...الحمد لله بخير ..اسفه لو عطلتك..
عامر...متقوليش كده . انتي تتصل بيا اي وقت تحبي..وبعدين انا مبسوط اني شوفت رقمك..
روكا... بتحاول متضعفش...انا الحقيقه كنت هبعتلك مسدچ بس لقيت انها هتبقي رخمه اوي فعشان كده اتصلت...كنت عايزه اعزمك علي عيد ميلاد سيلا بعد بكره... هيكون عندي فالڤيلا لانها متعرفش احنا هنعملها مفجأه ..وطبيعي كلنا نكون موحودين لو فاضي يعني.
عامر... اولا كل سنه وهي طيبه..
روكا..وانت طيب..
عامر... ثانيا لسه ريم قيلالي حالا قبل ما تمشي...كانت بتعزمني هي كمان..
روكا... طيب كويس يعني عندك خلفيه.....
عامر... اه.. بس
روكا... بس ايه.
عامر... يعني مش حابب اكون بزعجك ياروكا انا عارف انك عشان تعملي كده وتتصلي بيا جيتي علي نفسك اوي. والدليل انك كنتي حيرانه تتصلي ولا تبعتي مسدچ.. يعني اتصلتي عشان ميبقاش شكلها مش حلو انك تكلميهم كلهم وانا لا..خصوصا ان العيد ميلاد في بيتك ..
روكا... اولا انا مجتش علي نفسي ولا حاجه... وبعيدآ عن اي خلاف بينا ياعامر...احنا كلنا صحاب ومينفعش ايآ كان الخلاف اللي بينا اننا ميبقاش في بينا تعامل ..ومتقلقش انا بعرف افصل كويس بين حياتي الشخصيه وبين صحابي..ولا انت شايف حاجه غير كده
عامر...ماشي ياروكا..
روكا... هستناك.
عامر... وانا هاجي..
روكا... ميرسي ياعامر.. باي...
عامر... باي ياروكا
قفلت روكا... وهي بتاخد نفس جامد كأنها كانت في معركه وفرحت انها سمعت صوته..اما عامر... فكان مبسوط. انه سمع صوتها وانها كلمته...وانه هيشوفها في عيد ميلاد سيلا.......
.............روحت سما... كانت طايره من السعاده ومبسوطه جدا. لاكن كانت محرجه ازاي هتفاتح باباها ومامتها في طلب مهاب.
دخلت سما.... لقت باباها ومامتها اعدين..بيتفرجو عالتلفزيون.. مساء الخير عالحلوييين ...
ابراهيم..والدها.. مساء الخير علي القمر..
فريده.. والدتها... مساء الفل شكلك مبسوطه..
سما.. باحراج.. يعني..
فريده.. يعني ايه.. ايه اللي مفرحك كده متقوليلنا وفرحينا..
سما.. بتفرك ايدها في بعض...وموطيه راسها وقلبها بيدق مش عارف تقولهالهم ازاي...
ابراهيم. ياااااه هو الموضوع كبير اوي كده..
فريده.. انا الاعده دي عرفاها قولي في ايه..
سما... مامي بابي .. انا يعني كنت عايزه اقول.. ان..
ابراهيم... ماتقولي ياسما ان ابيه...
سما....في حد متقدملي وعايز يجي يقابل حضرتك..
فريده.. بفرحه.. مش قولتلك.. انا الاعده دي عرفاها.. بجد ياسما..
سما. بابتسامه بتهز دماغها..
ابراهيم.. بفرحه.. مين ياسما انا اعرفه..
سما.. لا يابابي ده واحد من الشباب اللي قولتلكم اننا اتعرفنا عليهم فالرحله
ابراهيم... اسمه ايه...وبيشتغل ايه...
سما... اسمه مهاب.. وهو ظابط برتبه مقدم فالحمايه المدنيه..مامته متوفيه وعايش مع باباه في الڤيلا بتاعتهم..
ابراهيم طيب انتي مرتاحه ..
سما.. سكتت وحست بالاحراج..
حسين.. سما حبيبتي انا لازم اسألك عشان علي اساسه نحدد معاد
فريده... وهي لو مش مرتاحه كانت عينيها لمعت كده وبان عليها الفرحه ولا حتي كانت جت قالتلنا ماكانت رفضت من برا برا..
ابراهيم. عارف يا فريده بس بردو احب اسمع منها..
سما... اه يابابي مرتاحه جدا ..هو شاب محترم بجد..
ابراهيم.. ده اللي يهمني انه يكون كويس ويتقي ربنا فيكي ... خلاص لو بعد بكره مناسب.. اديله معاد..عشان بكره انا عندي كذا مشوار...
سما.. لا بعد بكره مش مناسب خالص.
فريده.. ليه..
سما.. عشان عيد ميلاد سيلا واحنا عملينهولها مفجأه...في بيت روكا...
ابراهيم.. خلاص .. يبقي بعد عيد ميلاد سيلا...بلغيه اني هستناه..
قامت.. سما باست باباها ومامتها....
فريده.. مبروك يابنتي ده احلي خبر في حياتي كلها اني اشوفك عروسه..
سما.. بابتسامه الله يبارك فيكي يامامي..
ابراهيم.... مبروك.. يا احلي عروسه .مع انه مامته داعيه عليه عشان هياخدك مني...
سما..وهي بتبوس باباها.. هو في حد يقدر ياخدني من القمر ده...
فريده.. يابكاشه..
سما.. لا طبعا مش بكاشه بابي قمر...هي فين اسيل..
فريده.. في اوضتها... فوق اطلعي فرحيها...
سما.. ماشي هطلعلها حالا...تصبحو علي خير..
ابراهيم وفريده.. وانتي من اهل الخير يابنتي..
طلعت سما...
فريده.. اخيرا هشوفها عروسه..
ابراهيم.. اللي يسمعك كده يقول انها عندها ميت سنه دي لسه 22 علي اد مانا فرحان بيها وبفرحتها دي علي اد ما انا حاسس اني مضايق انها كبرت بالسرعه دي...
فريده... وانا كمان. بس نفسي اشوفها لابسه فستان فرحها..
ابراهيم... ربنا يسعدها...انا واثق في اختيار سما..اكيد ابن حلال زيها..
فريده.. يارب....
.........
طلعت سما قالت لاسيل اختها الصغيره..
اسيل. بتحضنها وبتتنطت.. ايه ده بجد يعني هتبقي عروسه.. وفضلت تتنطت انا فرحانه اوييييي.
سما... بس يامجنونه.. انا غلطانه اني بقول لمجنونه.. انا ماشيه..
اسيل.. استني راحه فين...خليكي معايا.
سما.. مش قادره عايزه اغير هدومي واكلمه اعرفه اني قولت لبابي وانه هيستناه....
اسيل.. ماشي ياستي الله يسهلو.. وافتكري اني قولتلك قبل كده اني حاسه ان الصناره هتغمز..
سما.. يابت انتي بتچيبي الكلام ده منين بتفكريني بريم..
اسيل... دي ريم عسل..زيي😒😒
سما... عسل اسود عليكي وعليها. يلا بابت امشي..
اسيل.. ماشي ياقلبي مبرووووك
سما.. وهي بتبوسها عقبالك ياقلبي..
اسيل.. يارب
سما..ادعي اوي ياجزمه...تصبحي علي خير
اسيل..وانتي من اهل الخير ...
.............
خدت سما شاور واستنت يكون مهاب روح...وكان مهاب روح فعلا بس اعد اتكلم مع والده.....وفهمه كل حاجه....
مهاب... بس يا حاج.. هو ده كل اللي حصل..
حسين.. والده...اخيرا هشوفك عريس وارتاح منك..
مهاب.. ايه ياحاج انت عايز تلعب بديلك ولا ايه...
حسين. كان زمان بقي..
مهاب.. لا بقولك ايه انت لسه شباب...
حسين....خلينا فالمهم...انت هتعيش معايا..
مهاب.. ياحاج انا لو عليا مش عايز اسيبك.. بس مش عارف هتوافق ولا لا...
حسين... ياابني انا اعد في ڤيلا طويله عريضه ...لوحدي...اخو ومراته والدنيا وخداه...ومسافر
حتي انت كمان عايز تسبني ..
مهاب...خالص والله مش كده بس قلقان ميرضوش..
حسين.. بص اعرض عليهم وافقو كان بها مواففوش طبعا قرارهم يحترم..واللي عايزينه هنعمله...ولو وافقو ياسيدي تيجي تشوف الڤيلا واي حاجه عايزه تغيرها نغيرهالها..
مهاب.. اللي فيه الخير يقدمه ربنا..المهم هي بس تقول لبابها وتاخد منه معاد...
حسين.. علي خيره الله..
ورن.. تليفون مهاب....
مهاب... اسيبك انا بقي ياحاج عشان جت عالسيره اهي...
حسين.. طيب يا اخويا روح اتكلم...
مهاب.. هرجعلك تاني..
حسين... لا انا طالع انام...تصبح علي خير..
مهاب.. كان فتح الخط.. خليكي معايا..
مهاب.. بتزوغ مني ياحاج عشان مغلبكش دورين طاوله قبل ماتنام..
حسين... اتلهيي انا علي طول بغلبك.
مهاب.. بتغلب مين بس صلي عالنبي انت بس عشان ابويا مبرضاش ازعلك.
حسين.. لا زعلني يا اخويا وافلح مره واغلبني حتي دور...
مهاب.. بقت كده بتسيحلي انك بتغلبني..
حسين... ايوه بسيحلك..
مهاب.. ماشي ياسحس..مش هتتعشي..
حسين.. لا انا كلت يلا تصبح علي خير..
مهاب.. وانت من اهله يا سحس...
...........
مهاب.. ايه ياحبيبي معاك..
سما... انكل شكله دمه خفيف اوي..
مهاب... ده مسخره لو شوفتيه هتحبيه بجد.
سما.. انا حبيته خلاص. وبعدين شكلك بتتغلب كتير..
مهاب.. اه اسكتي والله بعرف العب بس اجي ادامه وهوووب هو يغلبني..
سما.. بابي كمان بيحب الطاوله جداااا
مهاب... خلاص يبقو يلعبو مع بعض بس لما تحني علينا وتاخدي معاد.
سما... حصل.
مهاب.. حصل ايه خدتي معاد...طب احلفي..
سما.. بابتسامه اه والله.
مهاب.. امته .
سما.. هو قالي بعد بكره بس.. قاطعها مهاب..
مهاب.. حلو اوي .
سما.. استني هنا هو ايه اللي حلو.. مش قولتلك علي عيد ميلاد سيلا..
مهاب.. اه نسيت طب بكره حلو..
سما.. بكره هو مش موجود طول اليوم وبعدين خلاص هو قاللي خلاص بعد عيد ميلاد سيلا... يعني بعد 3ايام..
مهاب.. لسه 3ايام وانا ناقصك ياسيلا.
سما.. لا بقولك ايه ملكش دعوه بيها..
مهاب.. طيب ياحنينه...
بقولك ايه انا هطلع اخد شاور وابلغ سحس بالمعاد واكلمك..اوك
سما.. تمام..
مهاب.. يلا باي.
سما.. باي...
.............
عدي..اليوم من غير اي تفاصيل.. وجه يوم جديد .ولسه بدر وسيلا زي ماهما... وسيلا متوتره بس مرتاحه ان مجلهاش مكالمه تهديد تاني...ومرتاحه ان ظابط المباحث كلف اتنين بحمايتها...ونزل المقال الجديد.....
اللي بعد نزوله قلب السوشيال ميديا....
عدي اليوم التاني من غير اي تفاصيل مهمه عند ابطالنا ولاكن.. عامر كان ليه النصيب الاكبر من تفاصيل اليوم....
بعد ما خلص شغله وريم روحت... كان بيجهز عشان يروح....
خبطت.. عليه.. السكرتيره..
عامر.. ادخل..
السكرتيره.. مستر عامر...في حد عايز يقابل حضرتك...
عامر... حد مين الساعه 9انا المفروض امشي..
السكرتيره.. هو بيقول انه عايز يقابل حضرتك...
عامر.. اوك دخليه......
وانتظر عامر... الشخص المجهول اللي عايز يقابله...
.......
كانت سيلا مضايقه جدااا من تجاهل بدر ليها.... روحت.. الڤيلا...وهي مش طايقه نفسها ولا طايقه الڤيلا وعايزه تغير جو حاسه بخنقه
كلمتها.. روكا...
سيلا... ايوه ياجزمه
روكا.. يابت بطلي قلت ادب..انا اكبر منك بردو...
سيلا.. اعترفتي اخيرا يا اختي بسنك..
روكا.. اتلمي يابت سن في عينك...وبتدين مالك مبوزه كده ليه..
سيلا.. بس ياروكا عشان انا مش طايقه نفسي.
روكا.. بدر لسه قافش ولا ايه..
سيلا.. اه قافش..وطريقته زفت وانا زفتين وحاسه اني مخنوقه لا طيقاه ولا طايقه نفسي ولا طايقه الشغل ولا طايقه الڤيلا..انا لسه واصله والله معايزه ادخل واقفه اكلمك فالجنينه .عايزه اخرج واغير جو..
روكا...ايه كل ده ماسوره واتفتحت في وشي..طب تعاليلي...
سيلا... لا خلاص بعد ما وصلت لو كنتي كلمتيني قبل ما اجي كنت جيتلك..
روكا... طب انتي ليكي عندي خروجه بكره حلوه ايه رأيك تيجي معايا والنبي عشان العيال الجزم محدش فيهم راضي يجي معايا..
سيلا.. فين...وبعدين هو انتي ملمتيهم ولما مرضيوش جيالي انا طب مش جايه😒😒
روكا...يابت افهمي مش كده خالص.. ريم كانت بتكلمني والله قولتلها قالتلي لا مش فاضيه. قولتلها خلاص هكلم سما وسيلا قالتلي سما ميتهيأليش عشان مامتها بردو خصوصا انها خرجت وسابتها مع مهاب امبارح...فقولت اشوفك..
سيلا... صحيح عملت ايه مع مهاب...
روكا... حكتلها روكا عاللي حصل..
سيلا...ايه ده الله بجد يعني خلاص هيتخطبو.
روكا... اه المفروض بعد بكره هيروحو عندها....هي مكلمتكيش ولا ايه.
سيلا... اتصلت عليا مره قولتلها اقفلي وهكلمك تاني اتشغلت كان عندي شغل. هكلمها...بقولك ايه احنا هنكون معاها اليوم ده ولا ايه
روكا... بصي انا مرضتش اسألها قولت يمكن الاول الموضوع تعارف اهل. ولما يتفقو يبقي في حاجه اكيد هنبقي معاها بس لو هي طلبت اكيد هنكون معاها طبعا..
سيلا.. فعلا صح كده نشوف هي هتقول ايه عشان متحسش بالاحراج.
روكا.. بصوت عالي المهم با جزمه هتيجي معايا صح يا قلبي..
سيلا.. مش لما اعرف فين...
روكا... بكره.. في حفله... صغيره لمصمم لسه مبتدأ بس عزمني وصراحه هتبقي بايخه لو مروحتش لازم اشجعه ومش عايزه اكون لوحدي.
سيلا.. طب ماشي بس البس ايه...
روكا... سيبي حكايه اللبس دي عليا بقولك ايه انا هعدي عليكي الوقت فاضيه...
سيلا.. طبعا فاضيه الله بقالك كتير مجتليش..
روكا... طب يلا يا اختي. اطلبيلنا حاجه ناكلها انا هموت من الجوع بس بلاش بيتزااااا ابوس ايدك..
سيلا... بضحك. طب والله كنت هطلبها...
روكا... لا والنبي تعبت من البيتزا اللي بتطلبيها كل ما اشوف وشك...
سيلا.. طب تاكلي ايه..
روكا... اي حاجه انشالله فول والله انا راضيه بس بيتزااا لا😭
سيلا.. ماشي يلا متتأخريش...
... فقلت سيلا معاها.. وطلبت الاكل...وكلمت بدر...
سيلا.. الووو
بدر ..ايوه ياسيلا..
سيلا. انا وصلت الڤيلا..
بدر... كنت بكلمك مشغوله مع مين.
سيلا.. دي روكا...جيالي..
بدر.. جيالك الوقت
سيلا.. اه.. هتيجي تاعد معايا شويه.. وهنتعشي سوا..
بدر.. طيب كويس .انا كمان خلصت شغل ومروح البيت.. كنت رايح لعامر. بس لقيته لسه هياعد شويه.. فا هروح احسن عشان بكره بعد الشغل عندي مشوار مهم عايز امون فايق لاني هرجع من الشغل.. مش هنام بادوب هغير واروح..
سيلا.. مشوار ايه..
بدر... شغل ياسيلا..
سيلا.. بحزن.. اوك. ربنا معاك..
بدر... حس بزعلها بس مش عايز يحرق المفجأه..
سيلا.. انا كمان عندي بكره مشوار مع روكا...
بدر.. مشو ار ايه
سيلا.. عندها حفله لمصمم جديد وطلب انها تحضر ومفيش حد من اللبنات فاضي وهي مش عايزه تروح لوحدها...فا هروح معاها خصوصا اني مخنوقه ومودي مش تمام...
بدر.. اوك.. تمام..
سيلا.. اوك لما تروح طمني.
بدر.. اوك يلا باي...
....
قفلت سيلا وهي حاسه ببرود في علاقتهم وتغيير هي مش موافقه عليه حاسه بحزن حاسه ان بدر متغير..
اما بدر.. كان كان بيحاول يتجاهلها عشان يقدر يفاجئها ويفرحها بس كان مضابديق انها زعلانه....
.......
نروح... لعامر...
الباب... خبط....
عامر... ادخل...
دخل الشخص... مكتب.. عامر... قام عامر وقف..
مد ايده الشخص... ازيك يا عامر...
عامر...مين حضرتك .. انا مش عارفك...
الشخص.......هاشم رؤوف النجار..
عامر..😳
هاشم...والد روكا.
عامر😳😳😳😳😳
