البارت الثلاثون...
ريم.. يابنتي القضيه اللي انتي مسكاها اليومين دول علي بال ماتخلص هتختفي...
روكا.. قضيه ايه....
سما.. حادثه التجمع مسمعتيش عنها ولا ايه..
روكا.. لا خالص. انا فاصله اصلا اليومين اللي فات دول..مش متابغه حاجه ولا انا ليا فالاخبار دي خالص..
سيلا... دي جريمه قتل حصلت في ڤيلا.. رجل الاعمال هاني عزام...بنته وصحبتها اتقتلو
روكا.... بخضه... هاني عزام. رجل الاعمال بنته بنته...مين تقصدي سهيله..!!!!😳
سيلا.... انتي تعرفيها؟!!!!
روكا... ايوه اعرفها...انتي بتتكلمي جد يا سيلا..متأكده
سيلا.. يابنتي انا اللي ماسكه القضيه دي فالجريده..
بس قوليلي تعرفيها منين...
روكا... دي من اهم الكلاينت عندي.. دي كانت لسه قريب عندي بتختار فستان لعيد ميلادها.. ده حتي عيد ميلادها كان اليوم اللي كنا فيه مع بعض عند نوني.. كانت عزماني بس مرضتش اروح عشان كنا اتفقنا نروح عند نوني ..
سيلا... انتي عارفه ان ده نفس اليوم اللي اتقتلت فيه..
روكا.. ايه اتقتلت يوم عيد ميلادها...😱😱
سيلا.. ايوه ده نفس اليوم اللي كنا فيه مع بعض..
روكا.. انا مش مصدقه..بجد.. طب عرفو القاتل..
سيلا.. للاسف لا.. القضيه معقده جدا.. وابتدت سيلا تحكيلها كل حاجه......
روكا...غريبه فعلا.. بس ازاي مفيش اتصال بينهم عرفو يوصلوله.... في حاجه غلط🤔
سيلا.. اللي عمل كده حد واصل يا ياروكا.. ويمكن يكون كان مأمن نفسه ومحرج عليها تتصل بيه اصلا يمكن كانو بيتواصلو بأي طريقه تانيه غير الموبايل..
روكا.. استحاله...انا متأكده..
سيلا.. تقصدي ايه..
روكا.. سهيله جاتلي قبل عيد ميلادها بيومين كانت بتعمل بروڤا عالفستان اللي اختارته..لعيد ميلادها...وكانت بتتكلم مع حد فالموبايل.. وبتزعق شويه.. كان معايا تليفون مهم.. مكنتش مركزه اوي.. بس هي خلصت وكان باين عليها التوتر.. وعينها كانت مدمعه صحبتها كانت بتحاول تهديها.. وسمعتها بتقولها...
فلاش. باك
سهيله... انا هوديه في ستين داهيه ..ولازم يعترف ويشيل معايا المصيبه دي...انا قولتله ان اول مابابي ومامي يجو من بره انا هحكيلهم كل حاجه.
مليكه... ده واصل ياسهيله ومش سهل.. وبعدين تفتكري.. ان بباكي هيصدق عليه حاجه.. ده بيثق فيه ثقه عميا
سهيله.. لازم يصدق..
باااك....
سيلا.. وهو خلص عليها قبل ما اهلها يجو وتحكيلهم...
روكا.. صح..
سيلا... تفتكري.. ممكن يكون مين
روكا.. معرفش.. بس ده حد قريب اكيد.. باين من كلام صاحبتها ..لانها بتقولها ممكن محدش يصدق واضح انه حد قريب وجدا..كمان..
سيلا....ده كلام.. مهم جداا.وحقيقي اول مره اشوف قضيه زي دي....انتي لو شوفتي البنتين والطعنات اللي واخدينها هتموتي علبهم..
روكا... انا قلبي وجعني عليهم من غير ما اشوفهم.. حقيقي كانو جمال اوي.. وسهيله دي لطيفه بشكل.. ياحبيبتي اخر مره جات كان باين عليها الزعل..
سما... ربنا يرحمهم يارب..
روكا... يارب...بس خدي بالك ياسيلا... حل اللغز ده في ايد البواب..
سيلا... ربنا يستر عليه...انا حاسه انه هيتقتل..
روكا.. مش عليه.. حراسه.
سيلا.. عليه ومانعين اي حد يدخل عليه لانه اصلا حالته خطر ده لسه مافقش.. واصلا احتمال انه يعيش.. ضعيف.. ربنا يقومه بالسلامه..
سما.. يارب...
ريم... بقولكم ايه كفايه كلام عن القتل انا اعده لوحدي وبخاف.خلونا نشوف هناكل ابه..
روكا.. اتنيلي ده انتي تخوفي يلد..وبعدين ما انا والغلبانه دي علي طول لوحدنا..
سيلا.. خلاص غيرو السيره دي انا اصلا اعصابي تعبت من الكلام فيها..تعالو نطلب الاكل...
روكا.. يلا هتاكلو ايه...
تختارو اللاكل وقالو الاوردر للويتر....
وبعد مده بسيطه... جاب الاكل وابتدو ياكلو....
روكا.... احكولي...عاملين ايه مع المزز محدش فيهم اتحرك...ونطق
ريم.. بعيون بتلمع... انا..
روكا... وساكته انطقي يابت..
سما...بصو هو وانا بس لسه هتأكد.
روكا.. ازاي...
سما...طريقته معايا وكلامه وكل تصرفاته بتقول ان في حاجه...واخر حاجه امبارح قاللي انه عايز يقابلني بكره عايز يتكلم في حاجه معايا...
روكا... يبقي هينطق يابت..
طب احكولي كل ده حصل في يومين..
سيلا... وانا كمان🙄
روكا.. لا مش ممكن بدر نطق..ده ايه التغيير ده كله اغيب يومين عنكم يحصل كل ده..
ريم.. وشك.. كان وحش علينا😁
روكا.. اتلمي ياجزمه...
ريم..وجهت كلامها لسيلا وسما...وبعدين ياجزمه انتي وهي..ازاي متحكوليش..
سما..وسيلا..ڤي نفس واحد..نعععم يعني هو انتي كنتي حكيتي...
روكا.. جبتيه لنفسك..
ريم.. ياساتر اقفلو بوئكم ايه ريا وسكينه..
روكا.. بتضحك .. اتحولو عليكي..
سيلا... انا كنت هحكيلكم بس كنت مستنيه اقابلكم والله.
سما.. انا اتشغلت مع مامي.والله بس بردو لسه مفيش حاجه قالها كنت مستنيه اقبله..
روكا..الله الله يا ابله نظيره بقينا ندي مواعيد ونخرج لوحدنا كمان...
سما...لا والله مش كده بس..
سيلا... بس يابت ياروكا.. كسفتي البنت..
سما.. مفتريه اوي مبعرفش ارد عليها😔
ريم.. وانا والله بردو كنت مستنيه اقابلكم دي خاجه متتحكيش في التليفون..
وابتدت ريم . تحكي....وبعدها سما حكت
روكا... انا صراحه كنت متوقعه ليكم كلكم بس بدر.. مستغربه انه نطق مع انه كان باين في عينه.. بس اللي يشوفه هو وسيلا يقول عليهم قط وفار نطقتيه ازاي ده يابت قولي...
سيلا....هو واضح كده مش انا اللي نطقته....مراد..
روكا... مراد... ليه..وايه اللي جاب مراد لبدر..
سيلا.. هحكيلكم...وابتدت سيلا تحكيلهم كل حاجه حصلت بعد حادثه انفجار المول...والكاميرا اللي نسيها المصور....وكل حاجه حصلت مع مراد....
روكا....الله الله ده طلع واقع يابت ياسيلا..
سما...بس هو انا ممكن اسأل سؤال..
سيلا.. اسألي..
سما... هو انا ليه حساكي مش مبسوطه..
روكا... صح يابت . ياسما.بتفهمي..
ريم...وانا كمان شيفاكي بتحكي بس حساكي مضايقه..
سيلا... بالعكس انا مبسوطه بجداا بس ممكن يعني اكون مضايقه شويه.
روكا.. من ايه ان شاء الله..
سيلا.. يعني اصل🙄..بدر.. زعلان مني..
روكا.. يخربيتك انتي لحقتي زعلتي الراجل..يابومه..
سيلا...والله مش زعلته
روكا.. امال ايه هيتقمص لوحده كده..
سيلا.. المفروض اصلا انا اللي ازعل طريقته معايا من امبارح بارده وبيتكلم بطريقه. جامده ويادوب الكلمه علي اد الكلمه..
سما.. طب قولي حصل ايه مش يمكن انتي غلطانه .
سيلا... بصو...امبارح بعد ما مشيت من معاكم...روحت عالقسم عشان احاول اعرف اي اخبار جديده خصوصا ان كان في تحقيقات شغاله...وانا داخله قفلت الموبايل عشان محدش يتصل...وطبعا خدت وقت وكل ده الموبايل مقفول...
روكا.. طب ليه مكلمش حد فينا.. مش عارف انك معانا..
سيلا.. ماهو عمل كده بس انتي موبايلك كام مغلق.. وست ريم وسما مشغوليين وبيحبو...
رسم.. وسما بصو لبعض🙄🙄
سيلا.. وطبعا اتجنن..وهو قبلها كان ديما يقولي علي باب الڤيلا عشان كل ما يجي يلاقيه مفتوح..انا بنساه والله اوش٣ سعات بسيبه لما حد فيكم يكون جي هو جاي يعدي عليا...بسيبه عشان لو انا فوق تبقي الحنينه مفتوحه... ازاي بقي اسيبه .. يقولي انتي لوحدك..ومفيش بواب ولا شغاله.. وسيبيه مقفول حتي لو هأعد ساعه مستنيكي...بس..انا معترضتش..
بس هو من امبارح قافش...وطريقته معايا مش حلوه .
روكا... بس هو من رأيي يعني مش غلطان ياسيلا...
سما .. وانا بصراحه حقه هو خايف عليكي... يا سيلا. انتي اعده لوحدك وده خطر مفيش حد شغال فالڤيلا..افرض حرامي دخل عليكي...هو بيتكلم جد بصراحه..
ريم.. وصراحه بردو انتي ماشيه امبارح متأخر من معانا كمان روحتي القسم..طبيعي يقلق الوقت متأخر.. والموبايل مقفول ومش عارف يوصل لحد فينا...
سيلا.. انا عارفه انه مش غلطان. بس خلاص مانا اعتذرت
روكا... يابت ادلعي.. عليه.. سوري ياحبيبي متزعلش ياروحي..هيتراضي بسرعه مش مقموصه عشان هو مقموص..ده ايه الشلل ده مبتتعلموش حاجه ابدا..
ريم... اتعلمي من الخبره...دي..
روكا.. خبره في عينك..
سيلا... ماشي.. طيب اعمل ايه بردو..
سما... خلاص عدي الموضوع اتعاملي عادي هو شويه وهيفك لوحده بس هو صح يا سيلا.. لازم تخلي بالك من نفسك الدنيا مفيهاش امان وانا نفسي حذرتك اكتر من مره من حوار باب الڤيلا ده..
سيلا.. ماشي...طب.. وانتي بقي ياست روكا..هتفضلي كده
روكا.. وهي بتاكل ..انا انا ايه انا زي الفل..
سيلا.. متستعبطيش..ياروكا..
روكا.. يابنتي في ايه انا مالي مانا تمام اهو.
سما... لا ياروكا.. سيلا بتتكلم صح... انتي مش تمام.. احنا سبناكي الكام يوم اللي فاتو دول.. عشان تقدري تفكي وترجعي زي ما كنتي..
روكا...واديني فكيت اهو ورجعت زي الاول واحسن كمان..
ريم.. لا ياروكا.. انتي بتحبي عامر..
روكا.. سابت الشوكه...وبان علي ملامحها الزعل...
سيلا... ايوه ياروكا.. انتي بتحبيه وهو كمان بيحبك.. انا اول مره اشوفك كده واشوفك فارق معاكي راجل وده عشان انتي بتحبيه...وبصراحه بقي انا مش. شابفه اللي انتي عملاه ده ليه لزوم..
روكا... ده علي اساس ايه انا اللي قولتله ننهي العلاقه..
ولا انا اللي قولتله خلص الحكايه من قبل ما تبتدي...
سما.. وانتي عيزاه يعمل ايه ياروكا.. انا مش شيفاه غلطان..حتي لو عبر بطريقه مش لطيفه بس بردو في رجاله تانيه بتعبر بطريقه اكبر من كده وبردو معاهم حق..
روكا... لا والله ...وبتدين لو الرجاله كلهم بيعبرو بنفس الطريقه فانا الاحسنلي مرتبطش بأي حد..
سيلاا.. انتي هتستعبطي ياروكا..ماهو اعتذرلك وجالك اسكندريه...وكان بيدور عليكي زي المجنون...ومع كل ده هو مش غلطان واظن سبق وانا وانتي اتكلمنا لما سألتك قولتيله ولا لا...وقولتلك لازم تقوليله مينفعش.
وانتي اللي قولتي مش فاضيه عشان العرض واتشغلت وان هو مسألش..وبيتهيألي ان مينفعش انك تستنيه يسأل ماهو بردو هيعرف منين.. او هيجي في باله ليه انم ممكن تكوني كنتي متجوزه....
سما... فعلا هيجي في باله ليه اصلا....
روكا.... عامر جالي انهرده فالشركه..
سيلا.. نعم وحصل ايه ..
سما.. وساكته ياقلبك.
ريم .. مقاليش يعني انه خارج من الشركه🤔🤔
روكا.. بصتلها بت انتي اتلمي انا مش طيقاكي عيزاه يستأذن جنابك كمان انه يجيني ..ولا تكونيش انتي اللي متفقه معاه يجيلي🤨..
ريم..والله ما اعرف😔طب قولي حصل ايه اتصالحتو صح😁😁
روكا.. لا يا اختي اتبطي..
ريم. ليه يابومه..
روكا. بومه في عينك.. قومو البت دي من جنبي مش طيقاها العميله دي..
ريم.. انا عميله😱
روكا .اه.
سيلا... اعدو ساكتين بقي شويه بس ياريمو والنبي..قولي ياروكا حصل ايه...
روكا...يعني كلام كتير وانا مش موافقه وقولتله اني مش بحبه..اصلا وقاللي ان هو بيحبني وهيسبني شويه وهيرجع تاني..وكلام كتير كده..
ريم.. والنبي انتي بت مفتريه والراجل ده خساره فيكي
روكا... هو اللي خساره فيا.. وبعدين بت انتي انتي بتدافعيله هو مين فينا اللي صحبتك..
ريم... والله بيحبك ياروكا.. ده هيتجنن ويعملك اي حاجه عشان ترضي عنه برغم ان هو اللي مضايق.
سيلا.. فعلا والله.فكري ياروكا..عشان خاطري.
روكا.. غيرو .السيره دي بقي..
بت ياسما هتقابلي مهاب بكره..
سما. المفروض...
روكا.. البسي حاجه كده سيكسي بلاش تقفيل يا ابله نظيره.
سما.. ياخربيت قلت ادبك مش هتتغيري..
سيلا... مش هتقومو بقي.. الساعه بقت 11
ريم.. اه يلا بقي انا مش قادره وكمان عشان عندي بكره شغل كتير ومش عايزه اتأخر عشان عامر ميزعلش🙄
روكا😒😒😒مبطقكيش..
ريم.. بضحك.. وانا بموت فيكي والله..
روكا...😏😏😏وانا للاسف
سما.. طب يلا اطلبو الحساب خليني اروح عشان متأخرش علي مامي.
سيلا.. علي مامي ولا علي رغي بليل مع سي مهاب.
سما... كده ياسيلا تيجي منك انتي 🤨
سيلا... لا خلاص😜
دفعو البنات الحساب...وقامو عشان يمشو...
وبعد ما ودعو بعض.. مشيت مل واحده فيهم...
اتصلت سيلا.. ببدر...
سيلا... الوووو
بدر...الووو.
سيلا... انا خلصت مع البنات ومروحه عالبيت...
بدر...اوك..خلي بالك من نفسك ..
سيلا.. حاضر..
بدر...كالتي.
سيلا ..ايوه..
بدر... تمام..
سيلا.. انت روحت..
بدر... انا لسه عندي مشوار هعمله وبعدين هروح..
سيلا... مش هشوفك..
بدر... ميتهيأليش مش هعرف..
سيلا...بحزن اوك.. خلي بالك من نفسك
بدر..لما تروحي عرفيني...
سيلا.. حاضر..سلام.
بدر... سلام..
.........
قفل بدر.. مع سيلا... واتصل بروكا..
بدر... الووووو.
روكا.... عاش من سمع صوتك يا سي بدر .كده متسألش عليا.
بدر.. بابتسامه.. ازيك ياروكا..
روكا.. الحمد لله بخير..
بدر... اولا خقك عليا بس والله كنت بعرف اخبارك من سيلا..وكنت سايبك تهدي خالص..عشان طبيعي اي حد بيبقي مضايق بيبقي حابب يفصل..
روكا.. ماشي ياعم عفيت عنك خلاص مع اني كنت ناويه اتخانق معاك..
بدر... لا قلبك ابيض..
روكا... بابتسامه.. المهم انك بخير..
بدر... انتي فين..عايز اشوفك لو ينفع
روكا.. باستغراب..انا كنت مع البنات ومروحه..لو كنت كلمتني من خمس دقايق كنت لسه معاهم...
بدر... مانا عارف وسيلا لسه مكلماني وقالتلي انها مشيت عشان كده كلمتك..قولت اكيد كده خلاص فاضيه..
روكا.. انا فاضيه فعلا.. بس طمني في حاجه ولا ايه..
بدر.. لا خالص بس حابب ادردرش مع اختي الصغيره شويه في مانع..
روكا.. لا ياباشا مفيش...انا اطول بدر . باشا عايز يقابلني..
بدر.. ماشي يابكاشه.. اشوفك فين..
روكا... انا مروحه عالڤيلا تعلالي هناك...
بدر... طب مانخليها بره الڤيلا..
روكا.. ليه انت بعيد ولا ايه.
بدر.. لا مش حكايه بعيد بس الوقت متأخر ومينفعش اجي لوحدي في وقت زي ده..
روكا... هستناك يابدر... ده بيت اختك علي فكره. يعني تيجي اي وقت..
بدر... مفيش فايده تمام... هروح الوقت علي طول..
روكا.. تمام انا تلت ساعه بالكتير واكون هناك..
بدر.. اوك تمام.. هشوفك..
روكا.. باي.
بدر.. باي...
......عدي.. وقت حوالي نص ساعه كانت روكا وصلت...
الڤيلا.. وشويه ووصل بدر....
خرجت روكا.. فتحتله....
روكا... ازيك يابدر..واحشني والله..
بدر.. انتي اكتر ياروكا.. عامله انا تمام بخير.. تعالي اتفضل.. تحب ناعد هنا فالجنينه.. ولا نأعد جوه..
بدر... لا هنا تمام اوي..
روكا.. اوك اتفضل..
اعد.. بدر...واعدت ادامه روكا....وقاطعهم صوت اتصال سيلا علي بدر...
بدر...دي سيلا...
روكا.. طب انا هقوم اعمل حاجه نشربها لحد ما تخلص تشرب ايه..
بدر.. قهوه مظبوط..
روكا.. تمام..
مشيت روكا عشان تسيبه يتكلم براحته...
بدر... الوووو.
سيلا.. ايوه يابدر..انا وصلت..
بدر... اوك.. ياريت مننساش الباب..
سيلا.. حاضر...
بدر... هتنامي..
سيلا.. لا عندي شويه شغل هخلصهم..وبعدين لما اطمن انك روحت..
بدر.. انا لسه ادامي شويه مش عارف هروح امته...نامي انتي
سيلا... بنرفزه...خلاص يابدر.. اللي يريحك..
بدر...انتي بتزعأي ليه..
سيلا.. مفيش اصل بقولك هطمن عليك وانت زعلان اوي خلاص حاضر هنام حالا..
بدر...انا مش بقولك كده عشان مش عايزك تطمني عليا انا بس عايزك ترتاحي..
سيلا.. اوك تمام انا فهمت غلط...
بدر...سيلااا.. اتعدلي شويه..
سيلا.. هو انت شوفتني عملت حاجه بقولك خلاص فهمت غلط...
بدر... تمام..
سيلت..باي.
بدر.🤨باي ياسيلا...
قفلت معاه سيلا ورمت الموبايل عالسرير...وفضلت تعيط زي الاطفال...
........اما عند بدر وروكا...
روكا....اتأخرت علبك..
بدر... لا خالص..
روكا...اتفضل..
بدر.. شكرا...
روكا.. طبعا حظك حلو انك طلبت قهوه دي الحاجه الوحيده..الي بعرف اعملها..
بدر.. اه ماسيلا بتقولي انك بتحبي القهوه اوي..
روكا... جدا
بدر.... ماشي ياستي نتكلم بقي فاللي انا جايلك فيه..
روكا... نتكلم..
بدر... عامر...
روكا...اشمعني...
بدر...لا بقولك ايه هتدخليلي آفيه... هقتلك فيها ميغركيش الذوق الانا فيه ده ..
روكا.. بضحك...براحه عليا ياسياده النقيب انا غلبانه..
بدر...بابتسامه...ماشي يبقي نتعدل. كده...اولا انتي ممكن متكونيش عارفه غلاوتك عندي...
انا بعتبرك انتي وريم وسما اخواتي الصغيرين...بس يمكن تكوني انتي اغلاهم... عشان بحسك كده جدعه وبنت بلد زي ما بيقولو...ريم.. عسوله هي طاقه حبتين بس طيبه وسما كمان بحسها العاقله بتاعتكم بس بحس انها بتتكسف كده فا مش بنتكلم كتير.. لاكن انتي بحسك قريبه كده..
روكا.. دي شهاده اعتز بيها يابدر.. ويعلم ربنا ان انت كمان غالي عندي اوي..وانا معنديش اخوات ولاد وفعلا بحسك اخويا الكبير بجد وكملت بخبث بس قولي انت مذكرتش سيلا في جو الاخوات ده يعني..
بدر... ضحك وهز دماغه شمال ويمين. انتي مشكله والله بتصيعيي عليا انا ماشي هعديها سيبك من سيلا الوقت خلينا فيكي..
روكا.. بضحك ماشي خلينا فيا..
بدر...المهم.. انا جايلك انهرده مش بصفتي صاحب عامر جاي بصفتي اخو روكا..الكبير ..اللي يهمني مصلحتها..
روكا... بدر.. انا..
بدر.. متقاطعنيش اسمعيني وهسيبك تتكلمي..
روكا..حاضر..
بدر... اولا انا مش من طبعي ابدا اني اتدخل في خيات حد.. واول ما انتي اختفيتي وبقينا ندور عليكي كنت بدور معاهم عشان اطمن انك بخير..بس لاكن مش عشان اتدخل في اي حاجه تخص حياتك..ولما انطمنت انتي اكيد ملاحظه اني مكلمتكيش لان وقتها مكنش في كلام يتقال. كان كفايه بس انك بخير...
بس الوقت دوري كا صاحب واخ اني اتدخل
طبعا... انا مش هدافع عن عامر.. يمكن يكون مقالش كل اللي حصل بينكم. يمكن مقالش ايه السبب اللي خلاكي قافله كده..بس نتكلم بصراحه شويه...ولا هتزعلي..
روكا... اكيد مش هزعل منك يابدر..
بدر.. انتي غلطتي من الاول ياروكا... اولا فالبدايه بخصوص جوازك دي حياتك انتي حره فيها وسواء بقي انتي من الاول غلطتي او لاء دي مش بتاعتنا احنا محدش فينا يقدر يحاسبك علي غلطك بما فينا عامر نفسه..بس الفكره ان الماضي يمكن يكون بتاعك والمفروض اي راجل يجي في حياتك ميخصوش ماضيكي بس ده لو كنتي بتحبي مرتبطه بالكتير مخطوبه.. لاكن لما تدخلي في علاقه مع عامر.. وتفضل العلاقه تاخدكم واحده واحده ويبقي حب يبقي مينفعش ميعرفش ده ماضي لازم يتعرف ياروكا.. كان في جواز وعشره.. وتفاصيل بينك وبين حد تاني... وزي ماقولتلك لو حب كان تمام لاكن ده كان جواز.. واللي حصل بينك وبين عامر كان طبيعي انا لو مكانه ميتهيأليش ان ده كان هيبقي رد فعلي كان هيبقي اقوي مش هقدر احكم عشان مكنتش في نفس الموقف بس حكمي كراجل زيي زيه. الوضع مش حلوو انتي فاهمه يعني ايه عامر يكون اعد في وسطنا واعدين اعدت صحاب ودردشه ويتفاجئ زيه زي غير بحبيته انها كانت متجوزه...طب تقدري تردي عليا وتقوليلي لو كنتي قولتي انك كنتي بتحبي شخص او حتي كمتي مخطوبه قبل كده كان ده هيبقي رد فعله...اكيد لا صح..
روكا.. صح..
بدر... يبقي لازم اولا انتي تعذريه... ثانيا تتمسكي بيه لان الراجل اللي يعرف حاجه زي دي وفالاخر يركن زعله علي جمب ويسافر وراكي في عز الليل عشان يوصلك ويشوفك ويطمن عليكي ويتكلم معاكي.. يبقي اكيد بيحبك...وعايز اقولك حاجه....ده مش عامر.. اللي اعرفه عامر اللي اعرفه من قبل ما يعرف روكا.. كان راجل هلاس وبتاع بنات ومدورها زي ما بيقولو ..كان مفيش حاجه في حياته غير شرب وبنات وتهلييس مكنش بيعمل حاجه صح غير شغله..فلما عامر يتغير التغيير الجذري ده يبقي حبك ياروكا من قلبه... عامر بيحاول يبين انه عادي بس هو مش عادي.. عامر.. لما رجع من عندك في اسكندريه.. كنت بكلمه فالطريق.. كنت بدعي ربنا انه يوصل بالسلامه عشان الحاله اللي هو كان فيها كانت وحشه جدا ويمكن دي اول مره في حياتي اشوف عامر كده عامر بحس انه برنس في نفسه مش سهل انه يتعصب وانا اعرفه من واحنا عيال عمري ماشوفته عامل كده عشان بنت...كل ده يدل علي حبه ليكي.. انا لو عارف ولو 1٪انك مش بتحبيه زي ما هو بيحبك مكنتش جتلك...بس عارف انك بتحبيه..
روكا... بص يابدر... كل اللي انت بتقوله ده انا عرفاه..
..بدر انا عندي 25سنه يمكن يبان سني صغير... بس انا الفتره اللي انجوزت فيها وبعدي عن اهلي وتحملي مسؤوليه نفسي كامله.. غيرو شخصيتي فوق ما انت تتخيل.. خلوني حد تاني. يقدر يواجهه يقدر يعتمد علي نفسه يقدر يقف ادام اي حاجه وهو م خايف.. يمكن قبل كده كانت روكادي الدلوعه اللي بتشاور علي اي حاجه تيجي في وقتها. البعد عن اهلي علمني كتير اوي. طول السبع سنين دول يابدر..وانا كل يوم في حياتي بتعلم درس جديد.. عرفت افرق بين الناس الصح والناس الغلط الناس اللي بتحب بجد.. والناس اللي بتضحك في وشك واول ماتديهم ضهرك يتكلمو عليك عرفت افرق بين الناس اللي ممكن متتكلم معاهم ايام واسابيع بس بيحبوك واول ماتتصل بيهم يتكلمو معاك كأنك كنت معاهم امبارح وبين الناس اللي يفضلو بعيد بس يسألو اول ما يكون ليهم عندك مصلحه.. عرفت افرق بين الرجاله.. الكويسه والمحترمه. واللي جواهم في حاجه وحشه من ناحيتي.. عرفت افرق بين قلبي وعقلي. الاول قلبي كان هو اللي بيفكر وينفذ وكنت لاغيه عقلي تماما الوقت. عقلي اللي بيفكر بس اكيد ملغتش قلبي..بس علمته يختار صح ويحب صح. ..كنت الاول مندفعه في تصرفاتي بقيت اهدي شويه بقيت مسؤوله يعني اني اوصل في سني ده للمكانه اللي وصلتلها في شغلي دي حاجه افتخر بيها...بس انا طول عمري عندي كرامه وكرامتي فوق اي حاجه فالدنيا... وعامر جه علي كرامتي... يمكن انا معنديش شك ولو بسيط في انه مش عنده حق بالعكس عارفه انه عنده حق وعارفه ان رد فعله من صدمته. بس كان يعمل اي حاجه او يقول اي حاجه غير انه يقولي انه مش هيكمل او ان كل حاجه خلصت بينا.. ماشي كان رد فعل وجالي اسكندريه واعتزر وقاللي انه مڨصدش ده بس انا ايه ضمني ان لو كملنا مع اول مشكله تحصل بينا ميجبليش سيره الموضوع ده ميحسسنيش انه جه علي نفسه واتفضل عليا وكمل معايا مش انا يابدر.. مقدرش اتنازل عن كرامتي... خصوصا ان والله العظيم يابدر.. انا مقصدتش اخبي لان انت عارف ان دي حاجه متستخباش ده جواز..بس اللي حصل ان انا وعامر كنا صحاب اه كما قريببن من بعض من بدايه العلاقه.. بس انا شخصيته كانت عجباني وهو كمان فجأه العلاقه بقت تطور لوحدها.. حبيته من غير ما اقول وهو كمان كأننا بنتسحب من غير مانحس.. مكنش في فرصه اقوله انا فجأه لقتني بحبه وهو كمان ولما اعترفلي مكدبش عليك خفت اضيعه مع اني كنت عارفه اني لازم اقوله.. هو فاكر اني كدبت خبيت بس لما فجأه لقتني في علاقه بجد مع عامر.. مبقتش عارفه اتصرف لاول مره احس اني مخي واقف عن التفكير..انت مستعوب اللي بقوله ده
بدر...ليه مقولتلوش كده قبل ما تتخانقو يا روكا..ليه متكلمتيش معاه بالعقل وفهمتيه اللي بتقوليلهولي ده..
روكا.. مدانيش فرصه. يابدر...اخنا مشينا من عندك كان سايق زي المجنون كنا هنعمل ميت حادثه.. حاولت اكلمه كتير فالعربيه كان مبيردش وكأنه فقد السمع..ولما وصلنا.. شدني من ايدي زي المجنون.. وفضل يتكلم ورا بعض ورا بعض .واخر كلامه نهاه بأنها خلصت قوللي يابدر كنت اعمل ايه اوطي علي رجله ابوسها واقوله استني اسمعني.. لا مش انا اللي اعمل كده يابدر.. انا كرامتي فوق اي حاجه ..كان المفروض عالاقل اروح ويسألني وانا اقوله يديني فرصه ادافع بيها عن نفسي وبعد كده عجبه الكلام اوك معجبوش.. خلاص ينهي العلاقه.. بس هو نهاها من قبل ما يسمعني..ولما اعد مع نفسه وحس انه مش قادر جاي يتملم.. بعد ايه طب لما تتكلم وانا اوافق تضمنلي ان الموضوع ده بعد كده ميبقاش سبب في مشكله بينا طب بلاش.. تضمنلي ان اي مشكله ميذكرليش فيها اد ايه هو ضحي وجه علي نفسه. ..ماهو وارد اننا نتخانق او يحصل بينا مشكله ما الحياه عمرها ما هتمشي وردي كده...
بدر... عندك حق.. ويمكن الاول كنت مغلطك او بمعني اصح.. كنت شايف ان سبب زعلك ملوش مبرر.. خصوصا انه جالك بس لما سمعتك اتأكدت ان زي ماهو ليه حق يزعل انتي كمان ليكي حق...عشان كده بقولك انكم لازم تأعظو مع بعض وتتكلمو وتفهميه ويفهمك.. وتأعدي ياستي وتحطي رجل علي رجل.. وتتشرطي كمان.. وانا اللي هقفله وفي اي حاجه تحصل بعد كده.. بس لازم تاعدو مع بعض ياروكا...مينفعش تخلص علي كده...خصوصا ان عامر.. مش فارق معاه انك كنتي متجوزه ودي حاجه انا واثق فيها.. بس الطريقه اللي عرف بيها هي اللي فارقه فهمتي..
روكا...هو جالي الشركه انهرده علي فكره..
بدر...عارف وعارف كمان انه خرج.من عندك...زي مادخل...
بصي خدي وقتك خالص بس متطوليش عامر جدع وراجل وبيحبك. صدقيني..لو انا غالي عندك.. وبتعتبريني اخوكي بجد.. فكري.. ومش هقولك اتنازلي عن كرامتك لا خالص. انا مش مع المقوله اللي بتقول الحب مفيهوش كرامه بالعكس الحب لازم يكون في كرامه عشان يعيش ماهو لو طرف فالقصه دي اتنازل عن كرامته الحب مع الوقت هيقل وهيبقي في تنازلات كتير وفي طرف فيهم ديما هيبقي بيتنازل والطرف التاني هيعتبر التنازل ده حق مكتسب..ومع الوقت الطرف اللي بيتنازل هيزهق والحب هينتهي... بس في قصتك انتي وعامر..الكرامه ملهاش وجود او بمعني اصح محدش فيكم جه عليها كل الحكايه سوء تفاهم و انكم مدتوش بعض
فرصه انكم تسمعو لبعض...
روكا.. صاحبك هو اللي مدانيش .
بدر..صاحبي او انتي فالاخر النهايه واحده مشكله كبيره حصلت...اوعديني انك تاخدي وقتك وتهدي وتاعدي مع عامر وبلاش تصديه بصي طلعي عينه انا اللي بقولك.. بس مش اوي الواد صاحبي برده..
روكا.. بابتسامه... دافعله اوي..
بدر.. عشان بيحبك والله. وانتي كمان بتحبيه..
روكا... طب خلاص سيبنا من الموضوع ده خلينا في سيلا..
بدر... مالها سيلا..
روكا... مزعلها ليه..
بدر..انا 🤨
روكا.. اعملهم عليا بقي واعمل نفسك طيب اه انت البت مش فالمود واكيد بسببك.
بدر.. ده انا غلبان.
روكا.. اوي ياخويا كلكم غلابه واخناواللي مفتريين.
بدر..صدقتي والله..
روكا.. انا بتريق علي فكره...
بدر.. بابتسامه.. هي اللي مزعلاني مش انا وبعدين انتي هتعمليهم عليا ما اكيد حكتلك انتو مش صحاب..
روكا...اه حكتلي من كتر مازنيت عليها بس هي اعتذرت ..مجتش غير عالعبيطه دي.وتزعل منها.
بدر...ماهي عشان عبيطه لازم افضل قالب علبها عشان تنشف شويه..مشكلتها انها عنيده ولازم تعيدي الكلمه ميت مره وفنفس النقطه..روكا.. اعدت سيلا لوحدها قلقاني عليها.. مفيش شغاله معاها مفيش بواب ديما الباب مفتوح سيلا شغلها.. حساس كل شغلها جرايب وحوادث وفشغلنا ده الحرص مطلوب خصوصا ان ممكن حد من اللي بتكتب عنهم ده يأذيها..ومهما تقولي بردو بتنسي.....
وبترجع متأخر اه عارف انه شغلها ومقدر ده ببقي علي اعصابي بس بقول معلش وارد يحصل ده فالشغل بس اللي بيبقي مصبرني التليفون ببقي معاها عالخط..بطمن عليها.. تقوم قفلاه بالساعات طب اوصلها ازاي اروح البيت ملقيهاش اكلم ريم وسما مشغول انتي مقفول طب قوليلي اوصلها ازاي ولما تحن علي اهلي وترد تقولي.. اصل قفلته لما دخلت عشان القسم والشغل وممنوع والكلام ده طب مقولتليش ليه قبل ماتدخلي نسيت واتشغلت .بزمتك حقي ولا لا..
روكا.. بصراحه حقك.. خصوصا زي ماقولت بخصوص الباب ده طول عمرنا نقولها اقفليه. وهي ديما سيباه هي بتتعامل بطيبه.
بدر...بس ده غلط ياروكا مينفعش..
روكا.. عندك حق خصوصا زي ماقولت شغلها حساس جدا..بس بردو براحه عالبت يا خويا دي صحبتي بردو..
بدر...انا مش زعلان منها وعارف انها طفله في نفسها بس عايزها تعرف اني زعلت وخدت وقت فالزعل عشان متكررهاش تاني..وعشان تخاف علي نفسها شويه..
روكا.. في دي بقي عندك حق.. عايزه اقولك اني مبسوطه بجد ليكم عشان ارتبطو
بدر...عقبال ناس ماترجع لعقلها..
روكا...ماشي ياسي بدر..
بدر...هقوم بقي طولت عليكي انا اسف اني جيت فالوقت ده بجد بس كان لازم اشوفك..
روكا.. متقولش كده يابدر انت اخويا تيجي اي وقت..
وصحيح عايزه اقولك علي حاجه...
بدر..قولي..
روكا... سيلا عيد ميلادها فاضله كده بقي 3ايام.. اتفقت انا والبنات انهرده قبل ما سيلا تبجي اننا نفاجأها ونعمله واتفقنا اننا هنعمله هنا عندي..اكيد هتيجي صح..
بدر..طبعا هاجي..كويس انك قولتيلي اصلا انا معرفش ولا هي جابت سيره.
روكا..هي اصلا ناسيه..وكل سنه بنفاجأها دي عندها زهايمر اصلا..
بدر.. تمام يعني هيكون عندك هنا..
روكا.. اه قول لنوني بقي عشان تيجي.. وانا بردو هكلمها وهقول لچو ومهاب..يعني نحتفل بيها كده...
بدر...وعامر..مش هتقوليلو.
روكا.. لا انا مالي😒 ريم قالتلي خلاص هي هتقوله..
بدر..مش هيجي. هو بيتك ولا بيت ريم
روكا🙄هو حر..يبقي هو اللي مش عايز يجي.
بدر.. هو ماهيصدق يا اختي.. بس اسمعي مني...قوليله انتي. عشان انا عارف صاحبي لو مقولتلهوش مش هيجي لو كان اب مكان تاني كان ماهيصدق اي حد يقوله كان هيجي بس عشان ده بيتك وفي بينكم مشكله مايتهيأليش هيجي غير لو انتي اللي كلمتيه وإلا هيقول انك مش عيزاه..
روكا... تفتكر..
بدر..ولله ده رأي وكمل بخبث🙄ولو انتي عيزاه يجي قوليله انتي...
روكا... امشي يابدر يلا انكل علي الله..
بدر.. بصحك.. بتطرديني عشان خايف علي مصلحتك..ماشي
روكا.. بضحك. سلملي علي نوني كتير وبوسهالي..
بدر.. حاضر يوصل...
روكا..راحت توصله...ولسه هتدخل..
بدر...تعالي يامسطوله زي صاحبتك اقفلب الباب..والله ماكدبش المثل اللي قال ماجمع إلا لما وفق.
روكا.. بضحك.. نسيت والله...
وراحت قفلت وراه ومشي بدر..وروكا..دخلتتت..
بعد.. مده..وصل بدر..البيت..وقبل ما يدخل. كلم سيلا...
بدر...الووو
سيلا..الوو.
بدر...نمتي..
سيلا...لا..
بدر..انا روحت
سيلا..ماشي
بدر...لسه وراكي شغل ولا هتنامي..
سيلا...لا انا خلصت خلاص..
بدر..اوك يلا نامي بقي انا كمان هطلع انام.
سيلا..اوك..تصبح علي خير
بدر..وانتي من اهل الخير..
سيلا.
سيلا...نعم.
بدر..قافله الباب بتاع الڤيلا..
سيلا..ايوه متقلقش.
بدر..اوك.. يلا سلام.
سيلا.. سلام....
.........قفلت سيلا وشالت ورقها . ونامت عالسرير وقفلت النور..وفجأه سمعت التليفون...
سيلا..بصت عالرقم ايه ده برايڤت نمبر...(رقم سري)
ردت.. سيلا..الووو
.....سيلا المهدي..
سيلا..ايوه حضرتك مين
....بصي بقي.. انا مبعرفش اهدد ومش متصل عشان اهدد بس هديكي فرصه قبل مانفز... حاولي متلعبيش معايا عشان انا اللعب معايا خطر...واظن سهيله جربت تلعب معايا مره. واديكي انتي عارفه حصلها ايه..ماشي ياحلوه...بلاش فضولك.. يوديكي مكان متحبيش تروحيه ..سلام..
سيلا... الووووووووو😱
