البارت.الحادي والعشرون....
بعد ما روكا.. وعامر.. سابو صحابهم.طول الطريق عامر ساكت.. روكا بتحاول تكلمه مبيردش. بتحاول تخليه يهدي السواقه مش بيرد...
روكا. عامر انا بكلمك ممكن ترد عليا..
طيب .. هدي السواقه شويه احنا كده هنعمل حادثه..
روكا.. بعصبيه.. عامر انا بكلمك رد عليا...
عامر.. سايق.. بأقصي سرعه... وبيشرب سجاير..وكأنه مش سامعها...
واخيرا.. بعد وقت قليل وصلو ڤيلتها...
روكا... ممكن.. افهم انت ليه بتعمل كده..
عامر... ركن العربيه... ونزل منها..
نزلت روكا.. وهي متعصبه...ولفت راحت عنده.. انا بكلمك علي فكره...
عامر.. وطي صوتك في ناس حواليكي..
روكا.. والله انت لسه فاكر ان في حوالينا ناس..
قلبت وشك في بيت بدر.. مكنش فيها ناس..صوتي اللي اتنبح وانت سايق عشان منخبطش حد مكنش في ناس..
عامر... بعصبيه . قولتلك وطي صوتك...
روكا... خدت نفس طويل وحاولت تهدي نفسها....رمي عامر السيجاره من ايده وداس عليها ..ومسك ايد روكا وهو ضاغط عليها بكل عصبيه...وشدها وراه. عالڤيلا جوه .
روكا... ااه ايدي.... عامر. اقف من فضلك.. عامر ايدي..
وقفو ادام الباب..
عامر.. سابها. افتحي ..
طلعت روكا المفتاح من الشنطه. وفتحت الباب.. ودخلت وهو دخل وراها ورزع الباب.. اتهز جسم روكا.. من رزع الباب. وحست بخوف...لاول مره تحسه من عامر..
عامر... مقولتليش ليه قبل كده..
روكا.. بتوتر.. علي ايه..
عامر.. باعلي صوت. انتي هتستعبطي..
روكا.. عامر من فضلك ممكن تهدي..
عامر... ملكيش دعوه بيا.. انطقي مقولتليش ليه انك كنتي متجوزه يامداااام..
روكا .. حست انها اتوجعت.....ومالك بتقولها وكأن دي حاجه تعيبني..
عامر... انتي شايفه ان الحوار عادي كده..
روكا... اه شايفه انه عادي ..وشايفه ان عصبيتك دي ملهاش اي لازمه.. وابتدت تحس انها اتعصبت وصوتها يعلي.
وشايفه ان كلمه مدام اللي انت بتتك عليها دي في إهانه وانا مش هقبل بيها..
عامر.. انتي كمان ليكي عين تتكلمي..
روكا... عامر.. اتكلم معايا كويس..
عامر.. تمام وعيزاني اتكلم معاكي ازاي هه..يعني طول الفتره اللي فاتت وانتي مخبيه عليا.. واتفاجئ زي زي اي حد كان اعد.. ان حضرتك كنتي متجوزه وبقيتي مطلقه. لا فعلا انا اوڤر اوي ايه اللي انا بعمله ده...صراحه مليش حق...وفضل يقرب لحد ماوصلها وقرب طرف صوابعه وفضل يخبط علي وشها...طب بتقربي مني ليه هه.. طب.. بتعلقيني بيكي ليه..بتكلميني ليه بتسبيني اتكلم معاكي بالساعات ليه هه ..ومسك وشها بايده بعصبيه.. وروكا.. مغمضه عينها بتحاول تسيطر علي غضبها. .
عامر.. خلتيني احبك ليه... روكا فتحت عينها...😳كانت اول مره تسمعها منه صريحه.. ويوم ما سمعتها سمعتها فالموقف ده ..
نطرت.. روكا ايده...
انا مضحكتش عليك في اي حاجه .
عامر.. والله طب.. واللي حصل ده تسميه ايه...كنتي مستنيه تعرفيني امته
روكا.. عامر.. انت بتضحك عليا ولا علي نفسك...
احنا اول يوم انهرده من ساعت ما عرفتك نتكلم عن حياتنا الشخصيه.. قبل ما تزعل وتتعصب اوي كده.. قولي كده.. امته.. سألتني عن حياتي امته سالتني عن اهلي. هه ماتنطق.. امته اتكلمت في اي حاجه تخص حياتي اللي فاتت. امته قولت حاجه غير انتي فين بتعملي ايه كلتي ولا لا.. هشوفك امته. انتي فالشغل انتي روحتي..امته خرجت انا وانت لوحدنا عشان نتكلم في اي حاجه تخصنا.. انا من يوم ما عرفتك وكل خروجنا بيبقي معانا صحابك وصحابي او بنتقابل في بيت بدر.. او تعدي عليا فالشغل قولي مره سألتني فيها عن حياتي وانا توهت ولا خبيت..مفيش غير انهرده لما نوني سألتنا كلنا واظن اني مكدبتش ولا خبيت..صح ولا غلط. انطق متبصليش كده..
عامر.. انتي كدابه ياروكا اه كدابه عارفه ليه.. عشان لما انتي ابتديتي تحكي قولتي ان اهلك قاطعوكي عشان غلطه.. عملتيها..وبعدين كملتي كلامك عادي.. ولولا ان يوسف فضوله قتله زي ما قالك.. وسألك ايه هي الغلطه.. دي مكنتيش رديتي..انتي مشوفتيش نفسك ارتبكتي ازاي لما سألك ..
روكا... انا مكنتش هعديها ولا حاجه بس يمكن ارتبكتب زي مابتقول.. لاني مكنتش حابه اتكلم في حاجه زي دي..ولان دي كانت اول مره هحكي حاجه زي دي ادامهم وادامك انت بالاخص. فا طبيعي اني ارتبك .
عامر... وكنتي ناويه تقوليلي امته ان شاء الله هاا لما علاقتنا تطور اكتر من كده طب لو كنت جيت وعرضت عليكي الجواز ياروكا.. كنتي هتقوليلي ولا كنتي هتسبيني زي الحمار.. واتفاجئ واعرف بنفسي ..يوم جوازنا
روكا.. عامر من فضلك..
عامر...ايه اضايقتي طب لو حصل نفس الموقف بس بالعكس.. وانا اللي مكانك وعرفتي بالصدفه اني كنت متجوز ومطلق..مكنتيش هتضايقي..
روكا... حتي لو كنت هضايق بس ميتهيأليش كنت هوصل للعصبيه اللي انت فيها كنا هنتكلم بالعقل..
عامر. .بصوت عالي عقل ايه انتي مجنونه.. اتفاجئ انك كنت متجوزه واطلقتي وعادي كده تقوليلي عقل..
روكا .. انت ليه محسسني انك عرفت اني طالعه من شقه مفروشه.. عامر انا كنت متجوزه علي سنه الله ورسوله.. يعني ولا عملت حاجه غلط ولا عيب ولا حرام .
عامر.. بس كدبتي..
روكا. بعصبيه. مكدبتش بقولك.
عامر... انتي للاسف مش مغلطه نفسك.. ياخساره بجد ..ياريتني ماشوفتك ولا قابلتك..
روكا . ودموعها في عينها ولاول مره.. تتهز. وتحس انها ضعيفه.. يعني ايه..
عامر.... يعني خلصت ياروكا...
وفاللحظه دي روكا دموعها نزلت
روكا... خلصت.. هي كانت ابتدت عشان تخلص ياعامر..
عامر... انتي اللي خلصتيها بدري اوي بايدك...
روكا... بتحاول تجمع نفسها... انت صح.. هي خلصت ولازم تخلص عارف ليه..
عامر.. كان بيسمعها وهو موجوع عليها طلع غضبه كله فيها وهو مش قاصد هو كل الحكايه انه اتصدم .بس كان عارف انه هيهدي شويه ويرجع يكلمها..
روكا... عشان انا غبيه .اه والله. زي ما بقولك كده...انا فضلت بعد مازن قافله علي قلبي خمس سنين.. ولا بحب ولا عايزه اتحب.. كانو بيجو يترمو تحت رجلي وانا ارفض.. كانو بيتمنولي الرضا ارضا وبردو مكنتش بوافق.. كنت عايزه اخد هدنه من الارف اللي انا شوفته.. والموقف اللي اتحطيت فيه مع حبيبي اللي اخترته بنفسي وعاديت اهلي عشانه وفالاخر خاني مع سكرتيرتي ..علي سريري.. .كنت عايزه افصل ومحسش اني جالي عقده من الرجاله اللي كلهم خاينين وانانيين. مكنتش عايزه حد يعرف اني مطلقه.. عشان انت عارف النظره اللي هتتبصلي ساعتها ودماغهم هتروح فين من ناحيتي .. لاكن مش عشان اخبي ولا اكدب ولا جوازي يعبني في حاجه ولا حتي اني مطلقه يعبني..في حاجه عادي بتحصل انا خبيت عشان الرجاله كلهم زباله والمطلقه بالنسبالهم.. تسليه..مش اكتر..
عامر.. وانا كنت وسخ ادامك عشان كده خوفتي وخبيتي عليا..
روكا.. لا. بس محصلش فرصه بينا تخليني اقولك...بس الحمد الله اهي الفرصه جت.. وعلي فكره انت مفرقتش عنهم ياعامر.. في اللي طلع خاين واللي طلع وسخ وفي انت ياعامر النوع اللي بيفرق معاه .الست من البنت..
عامر...انا مفرقش معايا انك مش بنت ياروكا..
روكا... بسخريه. في مرايه وراك.. بص علي شكلك فيها وانت تعرف ايه اللي فرق.. بس هقولك حاجه انا مبسوطه ان ده حصل واني عرفتك صح..
عامر... انا مش مصدقك انتي كمان زعلانه.. انتي ازاي مش حاسه بيا..
روكا.. انت اللي مش حاسس انت عملت فيا ايه.. انت زيك زي مازن متفرقش عنه حاجه..
عامر... روكا خلي بالك من كلامك و شوفي انتي بتقولي ايه.. مش ان اللي اتقارن مع واحد وسخ وخاين
روكا.. انتو كلكم واحد ياعامر بس الفرق الموقف. انا مش عايزه اسمعك من فضلك سبني الوقت .
عامر... نعم..
روكا.. انت قولتها خلصت.. وانا كمان بقولهالك هي فعلا خلصت اطلع بره مش عايزه اشوف وشك. تاني..
عامر.. روكا...
روكا.. اطلع بره بقولك...
مشي عامر .. من ادامها.. وهو واصل لاعلي درجات غضبه.. وروكا . كمان كانت متعصبه.ومنهاره.. ولاول مره تحس انها فعلا ضعيفه...فضلت تصرخ وتعيط وتكسر اي حاجه تقابلها...روكا.. كانت عارفه انه اتصدم بس ماتخيلتش انه ممكن يوصل للمرحله دي ..ويكون رد فعله كده
فضلت عالحال ده تكسر اي حاجه ادامها...ووقعت عالارض تعيط.....
.............
وصلت سيلا وبدر... الڤيلا.
كانو بيحاولو يكلمو روكا..وعامر..بس مكنوش بيردو..
سيلا.. بردو.. مبتردش..
بدر... خلاص سيبيهم يمكن بيتكلمو..
سيلا...طيب حتي يكنسلو..
بدر. سيلا سبيهم بجد الوقت خليهم يحلو امورهم بنفسهم..
سيلا.. بس انا قلقانه علي روكا..
بدر.. متقلقيش يعني هيعملها ايه عامر هياكلها..
سيلا.. هو بردو عامر مكنش ينفع يتعصب كده.
بدر.... سيلا.. هنتكلم كلام ناس عاقلين ولا لا.. روكا غلطت..وعامر.موقفه طبيعي اي راجل في مكانه هيحصل فيه كده.. انتي اكيد لاحظتي الفتره اللي فاتت انهم اتعلقو ببعض جدا. يعني المفروض ادام هي حست بحاجه منه او هي نفسها حست انها ابتدت تقرب منه كانت حكتله..
سيلا... ماهي اكيد كانت خايفه...
بدر... مفيش حاجه اسمها خايفه هي معملتش حاجه غلط وبعدين يعني اللي وصلوله الوقت ده كويس..لو كانت قالت من البدايه كان حصل ايه كان هياكلها بس كان عاللقل يبقي عارف..المشكله ان انا واثق ان عامر حب روكا..وباين من عيون روكا انها هي كمان حبيته.. يعني الوضع الوقت بقي رخم.. يمكن الاول لو كانت قالت حتي ياستي لو كانو محبةش بعض.. كان الموضوع هيبقي عادي لاكن هي استنت كتير
سيلا.. طب هنعمل ايه هنفضل كده نتفرج ..
بدر.. لا هنسيبهم يهدو شويه.. وهما يحلو امورهم بهدوء.. ولو لزم الامر ندخل اكيد هندخل بس الموضوع يكون هدي..
سيلا.. طيب..
بدر... يلا اطلعي بقي وانا هروح..
سيلا.. خليك شويه..
بدر... بابتسامه..ليه..
سيلا.. عادي يعني مش جايلي نوم.
بدر... اع ما انتي نايمه من ساعت مارجعتي من شغلك ليكي حق.
سيلا.. والله منمتش علي طول بس فعلا مش عندي نوم
بدر.... انتي مش عندك شغل بكره.
سيلا.. عندي بس مش عارفه هروح ولا لا.
بدر... ليه ان شاء الله..
سيلا... مانت عارف ليه.. مش عايزه اختك بمراد مش عايزه اشوفه بيتكلم معايا بطريقه متعجبنيش وخايفه ميقدرش يفصل بين الشغل وبين الموقف اللي حاصل .
بدر.. طب خليه كده ميفصلش وشوفي انا هعمل معاه ايه..
سيلا... لا بلاش مشاكل بقي..
بدر... انتي خايفه ولا ايه.. وراكي ؤجاله علي فكره....
سيلا... لا مش خايفه بس مش عايزه المشاكل حقيقي بتوترني..
بدر... لا متقلقيش مش هيحصل حاجه المهم لو حصل اي حاجه اياكي تخبي عليا..
سيلا.. حاضر...تشرب قهوه..
بدر... انا هروح بقي عشان عندي شغل بكره..
سيلا.. بزعل طفولي طيب براحتك..
بدر... ياساتر عالقلبه.. طب يلا اعملي بس هشربها وامشي .
سيلا.. بفرحه.. ماشي..
دخلو سوا عالڤيلا..ووقفت روكا تعمل القهوه..وخدوها وطلعو اعده بره فالريسبشن عالكنبه...
اعدو يتكلمو شويه..وبدر فضل يتكلم معاها في كذا حاجه .سندت سيلا.. عالكنبه وفوسط مابدر بيتكلم راحت فالنوم...
بعد ما بدر .. سكت وخلص كلامه.. لاحظ سكوتها.. بص عليها لقاها نامت....
بدر.. سيلا.. سيلا..
سيلا... معاك.
بدر.. معايا ايه ده انتي طرتي..
سيلا.. لا لا معاك.
بدر.. لا يلا قومي اطلعي نامي.. وانا هروح
سيلا.. خليك شويه..
بدر.. لا شويه ايه الوقت اتأخر ويادوب الحق انام شويه قبل الشغل..وانتي كمان اطلعي ارتاحي.. عشان شغلك وبكره اول ما تصحي تكلميني..
سيلا... ليه.
بدر.. عادي يعني.. الولك متكلمنيش.
سيلا.. لا خلاص خلاص ياساتر عليك بتقفش علي طول..
بدر.. بضحكه جميله.. لا مش بقفش.. يلا قومي بقي تعالي اقفلي ورايا....
سيلا.. حاضر...
مشي بدر.. وجمبه سيلا.. وصلته لحد الباب...
بدر... مش عايزه حاجه. .
سيلا.. سلامتك..
بدر... تصبحي علي خير...
سيلا..وانت من اهله..
مشي بدر.. خطوتين.
سيلا.. بدر...
بدر.. وقف ورجعلها نعم..
سيلا... مبروك عالترقيه..
بدر... بابتسامه جذابه...ومسك وشها بايده الاتنين وباسها من اورتها... الله يبارك فيكي..
سيلا.. نزلت عينها عن عيونه اللي مبتقدرش تبصلها طول ماهو مركز معاها..
سيلا.. يلا امشي ..
بدر... والله ماشي ياستي .اقفلي علي نفسك كويس.
سيلا.. حاضر..
مشي بدر.. ودخلت سيلا بعد ما قفلت وفضلت تمشي ايدها علي مكان شفايفه.. وهي طايره من جواها...
وطلعت عشان تنام....
.....
مهاب... حمد الله علي سلامت القمر.
سما.. الله يسلمك.تعبتك
مهاب... متقوليش كده..
سما... روح علي طول عشان تقدر تصحي..
مهاب.. اه مانا مروح مش رايح اي مكان..
سما.. لما توصل كلمني..
مهاب . اشمعني...
سما...بارتباك عشان يعني اعرف انك وصلت وكده..
مهاب.. بردو اشمعني..
سما.. تصدق انا غلطانه.. خلاص متكلمنيش..
مهاب.. طب خلاص استني بس. حاضر هكلمك.
سما.. مش هرد عليك..
مهاب.. هتردي.
سما.. مش هرد
مهاب.. احلفي كده..
سما.. انت رخم علي فكره..
مهاب.. يلا يابت ادخلي علي طول..
سما.. حاضر.. سلام.
مهاب.. سلام..
نزلت سما...
يلا امشي .
مهاب.. لما تدخلي..
سما.. لا امشي وانا هدخل ..
مهاب... سما.. ادخلي يلا..
سما.. حاااضر..
دخلت سما.. ابتسم مهاب ومشي...
.........
يوسف... انتي يابت يلا انزلي بقالك نص ساعه اعده امشي يلا عندي شغل الصبح..
ريم.. مانا هدخل مش هلاقي حد وهبقي لوحدي يرضيك..
يوسف.. خلاص يلا هدخل معاكي واقولك هبات معاكي ياستي..
ريم... احترم نفسك تبات في عينك..
يوسف.. طب اقولك ايه.. مانتي لازقه فالعربيه مش راضيه تنزلي..حرام عليكي عندي شغل يامفتريه. خليني الحق انام شويه..
ريم.. طب مانا معنديش شغل.. ومعنديش حاجه اعملها..اعمل ايه طيب غير اني ارخم عليك..
يوسف.. اشتغلي يمكن تحلي عن دماغي..
ريم.. لا والنبي وانا مستنياك تقولي. اشتغلي.كنت لقيت شغل وقولت لا..
يوسف.. ايه رأيك تعالي اشتغلي معايا..
ريم.. ياسلام وهشتغل معاك ايه ان شاء الله كمبيوتر..
يوسف.. 😏انتي بتألشي وكظه تصدقي فصلتيني انزلي ياريم انزلي..
ريم.. بضحك🤣🤣🤣طب خلاص حقك عليا..
يوسف.. بتكلم جد علي فكره..
ريم.. وانا والله انا مفهمش فشغل البرمجه والحاجات دي..
يوسف.. يابنتي انتي مش قولتي عندك استعداد عادي تشتغلي اي حاجه بره تخصصك..
ريم.. ايوه بس بردو قولت حاجه اكون حباها..
يوسف.. مانتي هتحبيها اتنيلي مش كفايه هتكوني معايا انتي تطولي..
ريم.. ايوه اطول واطول اطول منك كمان...
بس مش هعرف وصراحه مش عايزه اخسرك..
يوسف... اشمعني ..
ريم.. مانا اكيد مش هفهم حاجه ولا هشتغل زي الناس وهقرفك.. وهتتعصب عليا ..وانا مش هسكتلك.
يوسف.. انا كنت فاكر نفسي بجح .. الحمد لله لقيت اللي ابجح مني...🤣
ياستي جربي مش هتخسري حاجه..
او اقولك.. اشتغلي مع الواد عامر...شغل المقاولات في حسابات وحجات كتير وبلاوي زرقه وقريب جدا من تخصصك اهي كلها تجاره..
ريم.. هو ممكن بس هنعملها ازاي دي..
يوسف.. هي ايه اللي هنعملها ازاي..
ريم.. يعني اني اشتغل معاه انا اتحرج اقوله خصوصا اننا صحاب وكده وصراحه مش عيزاه يتحرج مني..
يوسف.. لا ملكيش دعوه سبيها عليا دي .اهو عالاقل اريح نفسي من زنك..
ريم.. بس يارخم ..المهم طيب هو الوقت قافش هو وروكا..
يوسف.. ياستي اكيد هيتصالحو.. وبعدين ده شغل ملوش دعوه بالمشاكل..وزي ماقولتلك سبيها عليا..
بس عارفه ياريم لو مرفعتيش راسي. انا اللي هرفعك..
ريم.. بص هبهرك..
يوسف.. ياخوفي...
ريم.. يلا بقي انت بترغي كتير ووقفتني اكتر..
يوسف...😳😳😳انا يابنت المجانين.
ريم.. 🤣🤣اخترم نفسك..
يوسف.. بضحك. حاضر ياستي.. بقولك ايه.. هما هيأعظو اد ايه..
ريم... مين دول..
يوسف.. اهلك هيكونو مين غبيه اوي ..
ريم.. اه معرفش.. لبس غالبا شهر..ليه.
يوسف . عادي بسأل.. المهم اقفلي علي نفسك كويس.. واي وقت تحتاجيني كلميني علي طول..
ريم.. ماشي ياسيدي..
يوسف.. تصبحي علي خير ياقلبي.
ريم.. وانت من اهله.. باي.
يوسف. باي...
نزلت ريم... واطمن يوسف انها دخلت ومشي.....
خلص اليوم علي ابطالنا...
وجه يوم جديد.. كل واحد فيهم في شغله...
وسيلا.. لسه. بتكلم في روكا ومش بترد...
بدر... الوووو
يوسف.. صباحو
بدر.. عايز ايه اخلص
يوسف.. ياعم طب قول صباح الخير.
بدر.. يوسف انا مش نايم كويس وممكن اطلعه عليك.
يوسف. ليه ياقلبي بتفكر فيا ولا ايه.
بدر... هقفل في وشك امك علي فكره..
يوسف.. خلاص ياساتر...بقولك ايه.. كلمت عامر..
بدر.. كلمته كتير مبيردش من امبارح..
يوسف. انا كمان بكلمه من الصبح مبيردش.. كنت عايز اقوله علي ريم.
بدر.. مالها ريم..
يوسف.. يعني كنت عايزه يشغلها معاه.
بدر.. اشمعني يعني.عامر..
يوسف.. مانا قولتلها تشتغل معايا وتجرب.. بس هي بتقولي انها ملهاش فالبرمجه والجو ده فا مفيش ادامي غير عامر..
بدر... تمام بس ييعني هو البعيد معندوش دم انت مش شايف كان عامل ازاي امبارح ومن امبارح مبيردش علي حد..اكيد مش وقته..
يوسف.. مانا قولت اكلمه افكه كده واقوله. انت متعرفش عمل ايه مع روكا..
بدر...ياد انت غبي مش بقولك من امبارح مش بيرد..هعرف ازاي..
يوسف . ياعم براحه علي اهلي اقصد من سيلا يعني لو كانت كلمت روكا...
بدر... ماهي روكا كمان مبتردش من امبارح..
يوسف... طب انت ايه رأيك فالحوار..
بدر... هو هياخد وقته وهيهدي شويه بردو هو اكيد اتصدم
يوسف.. هو حقه بصراحه. طب تفتكر حصل حاجه..
بدر.. الله اعلم مش عارف..بس هخلص شغل واعدي عليه...اشوفه كده لاني كلمته فالشركه.الصبح . مكنش راح وبعدها اتصلت تاني طول الوقت التليفون مشغول...فاقولت هروحله بعد الشغل...ومهاب جاي معايا..
يوسف.. طب قشطه.. انا كمان هخلص شغل واجي معاك
بدر.. خلاص ماشي..خلص وكلمني ولو خلصت قبلك هكلمك...
يوسف.. تمام يلا سلام.....
.......
سيلا.... الوووو.
ريم... ايوه ياسيلا
سيلا.. انتي نايمه ولا ايه..الساعه 3
ريم.. لا انا لسه صاحبه. في حاجه ولا ايه..
سيلا.. كنت هسألك روكا كلمتك ولا لا...اصل لسه قافله مع سما..وقالتلي انها مكلمتهاش بليل. ومن ساعت ما صحيت اتشغلت مع مامتها عشان تعبانه شويه.
ريم.. مالها..
سيلا.. معرفش بتقول جمبها واجعها وبليل هيودوها للدكتور...
ريم.. انا هكلمها ابقي اطمن عليها..
سيلا.. ماشي.
ريم.. المهم.. روكا مبتردش عليكي..
سيلا.. لا خالص من امبارح. مش ردت وانا فالشغل قولت هخلص واروحلها سما قالتلي انها مش هتقدر تسيب مامتها بس انا هطمنها..لو وصلت لحتجه.
ريم.. انا اتصلت بيها بليل بعد ما يوسف وصلني.. بس بردو مردتش... وانا لسه صاحيه.. بس كنت فاكره انها هترد علي حد فيكم انتي كده قلقتيني.
سيلا.. مش اكتر مني ياريم انا قلقانه عليها اوي.. بجد.
ريم.. بقولك ايه انتي راحه امته.
سيلا.. شويه لسه لما اخلص شغل..
ريم.. طيب خلاص انا هاجي معاكي .. كده كده انا فاضيه.
سيلا. طيب تمام هخلص واعرفك وتتحركي ونتقابل عندها علي طول..
ريم.. طيب تمام..هستناكي..
سيلا.. اوك.. باي.
ريم. باي..
بعد الموقف اللي حصل بين عامر وروكا... كل واحد فيهم مكنش قادر ولا يتكلم ولا يواجهه مل واحد كان جواه وجع بشكل مختلف.. وقرر كل واحد فيهم انه مش هينزل الشغل..
بعد... وقت طويل كانت روكا خلصت شغلها... وهتمشي...
ملمت. بدر..
سيلا.. الووو
بدر.. ايوه ياسيلا. في جديد.
سيلا . بخيبه امل.. لا انا كنت لسه هسألك..
بدر.. مبيردش.. ومرحش الشركه..
سيلا... ولا روكا.. انا بجد قلقانه اوي.
بدر.. متقلقيش ان شاء الله خير انا خلصت اللي ورايا اهو ورايحله انا والشباب عالبيت..
سيلا.. انا كمان خلصت وهروح لروكا بردو.. وريم هتقابلني هناك..
بدر.. سما راحه معاكم..
سيلا... لا سما مامتها تعبانه.. وراحه للدكتور معاها..
بدر.. الف سلامه عليها..
سيلا.. الله يسلمك..
بدر.. خلاص.. روحي وطمنيني اول ماتوصلي
سيلا.. حاضر انت كمان طمنني..
بدر.. حاضر ان شاء الله بقولك ايه
سيلا.. نعم..
بدر.. في خاجه حصلت عندك فالشغل..
سيلا.. لا خالص.. مستر مراد جه الصبح.. ومشي بعدها بساعه..
بدر. احسن بردو. المهم خلي بالك من نفسك وطمنيني اول ماتوصلي..
سيلا.. اوك وانت كمان باي.
بدر.. سلام...
خرجت سيلا. من شغلها راحت لبيت روكا.. بعد ماكلمت ريم وعرفتها انها راحه .
اما .. بدر. فا وصل هو والشباب.. عند عامر...
فضلو يخبطو .لخد ما اخيرا فتح عامر الباب.. كان شعره منكوش قافا انوار الڤيلا كلها واهد فالضلمه.. لابس بنطلون بيتي وصدره عريان. ...ريحه الڤيلا تخنق من الدخان...
بدر.. ايه عم ناموسيتك كحلي.. بكلمك مبتردش ليه..
اداهم عامر.. ضهر.ه ودخل جوه وشاورلهم يجو وراه..
يوسف.. هيقتلنا ولا ايه .
مهاب.. خف هزار عشان مينفخكش انت مش شايف منظره..
يوسف.. انا بقول كده🤣🤣🤣
دخل بدر.. فضل يفتح فالانوار..ايه الضلمه اللي انت اعد فيها دي... وايه المنظر المعفن اللي انت اعد فيه ده..
عامر... اعدو اعدو بلاش دوشه.. دماغي هتتفرتك
بدر.. ماشاء الله ...بيره..وحشيش..وسجاير.. مجبتش نسوان ليه بالمره..
عامر.. اطلع من دماغي..
بدر.. اه وماله انت عارف يلا امي لو شافت المنظر ده ولا عرفت حتي هتعمل فيك ايه هتنفخك..
عامر... تشربو ايه..
بدر.. ولا حاجه.. .ايه مبتردش ليه..
عامر.. عادي عايز اعد لوحدي..
مهاب.. اوباااا شكلنا وحش احنا بنطرد ولا ايه..
عامر.. مقصدش متسخنهوش انت كمان..
بدر...ولما انت عندك شعور كده ايه اللي انت عامله ده..
عامر... وهو بيشرب السيجاره.. عامل ايه.. ..
بدر.. انت هتستعبط.. مكبر الحوار ليه.
عامر.. والنبي يابدر اقفل السيره دي.. انا من امبارح بشرب عشان انسي وافصل شويه ولحد الوقت مشعارف..
يوسف.. عشان راس امك مصفحه..
بدر.. تنسي ايه ياعامر.. لبه عامل حوار كبير .. ازعل واقفش. بس مش كده يعني..
عامر... لو حطيت نفسك مكاني هتتصرف بالطريقه اللي انت عايزني اتصرف بيها دي...
بدر.. علي فكره انا مش بقول انك غلط ولا بقول انك مبالغ في رد فعلك بس بحاول اهديك شويه.
عامر.. خلاص عموما كله خلص.
بدر.. هو ايه اللي خلص..
عامر... انا سبت روكا.. كل واحد يشوف حاله بقي..
بدر... انت شايف انك صح.
عامر.. اه صح جدا..
مهاب.. لا ياعامر مش صح.. عشان فالاول والاخر هي معملتش حاجه غلط..ده جواز ورسمي.
عامر... مقولتش انها عملت حاجه غلط بس كدبت.
يوسف... هو انت سألتها قبل كده يا عامر وقالت غير كده..
عامر.. لا مسألتهاش.. بس لما العلاقه تطور بيني وبينها كان لازم هي تقول قبل ما انا اسأل..
بدر.. معاك حق.. بس يمكن مجتش فرصه مجاش مدخل للكلام..
عامر... انتو بتبررو ايه.. انتو ليه مش حاطين نفسكم مكاني.
بدر... عامر.. احنا مش بنبرر حاجه صدقني.. بس لو انت بتحبها بجد مش هيفرق معاك النقطه اللي انا واثق انها مضيقاك..كاراجل..
عامر... علي فكره انا مش فارق معايا اصلا النقطه دي خالص.. انا مش عيل يابدر.. بس حس بيا تكلم بنت وتتقرب منها وتعجب بيها وفجأه تحس انها مختلفه وانك ابتديت تحبها وشويه في شويه تحبها فعلا.. وفجأه تعرف انها كانت متجوزه انتو فاهمين حاجه..
مهاب.. فاهمين بس بدل ما كنت تسيبها ياعامر.. كنت خد جمب فكر فيه مع نفسك شويه.. بدل نا تبوظ الدنيا..
بدر.. انتو ايه اللي حصل بينكم امبارح..
عامر.. حكالهم كل اللي حصل....
بدر... يعني طينتها خالص..
عامر.. طينتها ولا نيلتها بقي هي خلصت خلاص...
بدر.. مينفعش ياعامر...
عامر... صدقني اللي مينفعش بجد اللي حصل ده كله..
يوسف.. ياجدع يمكن خافت فالاول احسن تكون بتلعب بيها او لما تعرف انها مطلقه تبقي حابب تقضيلك يومين وخلاص مانت عارف اي راجل بيعرف ان في واحده مطلقه بيقول اعيش يومين وهخرج مش خسران حاجه وقت حلو قضيته وخلصنا مايمكن هي حسبتها كده وصراحه لو حسبتها كده انا معاها..
عامر.. ليه وانت شايفني وسخ..
يوسف.. مش شايفك وسه بس هي مكنتش ليه تعرفك ويمكن فكرت بالطريقه دي...يعني بدل ماتفركش معاها كان ممكن تديها فرصه تدافع بيها عن نفسها
بدر.. يوسف بيتكلم صح علي فكره.. انت علقتها بيك وسبتها في وسط الطريق لوحدها عريتها ادامك من غير ماتقصد.. حسستها ان عشان عي مطلقه فا ده وصمه عار..
عامر.. انا مقصدتش كل ده بس اللي كان جوايا ساعتها مش هتقدرو تفهموه
بدر . لا فاهمين وعارفين اللي جواك بس بلاش تخسر روكا. البت دي جدعه بجد.. وبميت راجل.. ومحتجاك ياعامر.. يعني كاتعويض عن اللي حصلها عن عيلتها اللي سابوها تدفع تمن غلطتها وانت جيت تكمل وبعد خمس سنين هي لسه بتدفع تمن الغلطه دي...اهدي كده وبراحه..خد وقتك بس لازم ترجع...
وفاللحظه دي اتصلت سيلا...
بدر.. ايوه ياسيلا..احنا عند عامر اهو هو كويس معلش نسيت اكلمك طمنيني علي روكا...
سيلا.. بدر... روكا مش فالبيت.. والبيت كله متكسر.. وفي اثار دم.. عامر عمل ايه في روكا!!!
بدر... ايه.. انتي بتقولي ايه..
عامر.. بخوف في ايه..
بدر.. سيلا بتقول.. ان روكا مش فالبيت. وكل حاجه متكسره وفي اثار دم..
عامر.. انت بتقول ايه. انا سايبها كويسه...
بدر... سيلا.. اقفلي انا جايلك حالا...
عامر.. انا هلبس بسرعه واجي معاكم....
