البارت السادس والثلاثون....
خرج بدر.. من المستشفي... بعد مااتعمل لسيلا اسعافات اوليه. واشاعه علي مناخيرها عشان يعرفو في كسور او شروخ ولا لا.. بس طلعت الاشاعه كويسه... عالجو الجروح. وكتبلها الدكتور علي كريمات تجميليه ومضاد للتورم عشان ميحصلش تورم في وشها. ومضاد حيوي يساعدها تخف بسرعه..
فتح بدر لسيلا الباب وركبها كل ده وهي في حالت صمت تام...مش قادره تستوعب ان احلي يوم في حياتها ينتهي النهايه دي..بدر علي اد ماهو كان مضايق جدا انها مقالتلوش علي اد ما كان مشفق عليها.. لانه حاسس باللي بيدور في دماغها. وعارف انها مضايقه ان اليوم خلص بالطريقه دي.. وحاسس بخوفها وتوترها بالموقف اللي هي عدت بيه...لاكن بردو كان من جواه مضايق عشان مقالتلهوش خصوصا انها لو كانت قالتله كان هيتعامل مع الموضوع بسريه تامه لانه ظابط وعارف كويس ازاي يتعامل..بهدوء بس عالاقل كان يبقي معاها وتحت عينه ..
فضل سايق وكل شويه يبص عليها هي سانده دماغها عالكرسي وباصه ناحيت الشباك...
حط ايده علي راسها يلعب في شعرها..
بدر...حبيبي انتي كويسه..
بصتله سيلا براحه...وعنيها مليانه دموع ...وهزت راسها ب لا..
وقف بدر... العربيه علي جم... وشدها لحضنه...فضلت سيلا تعيط زي الاطفال..
بدر... اهدي ياسيلا انتي بخير مفيش حاجه هتحصلك طول مانا عايش اهدي عشان خطري بطلي عياط..وانا وديني بكره مش هيعدي غير وانا جايبه وهديله درس في حياته مش هينساه..
سيلا... لا يابدر عشان خاطري انا معنديش استعداد اني اخسرك....كفايه اننا نعرفه ويتسلم للشرطه...انا مرضتش اقولك عشان مخسركش..
بدر...النقطه دي هنتحاسب عليها بعدين مش الوقت ..
سيلا... الظابط هو اللي طلب مني .. كده والله لانه مراقب موبايلي واكيد اي حد هيعرف هيتأذي بسببي..
بدر... مانتي عرفتي روكا..ابه مش خايفه عليها.
سيلا.. لا مش كده بس اولا هو كان عارف بوجودها ورغم ده اتصل وهي اعده وانا رديت...وطبعا هي زي ماحكتلكم مرضيتش تسكت غير لما تعرف.. فأضطريت اقولها بس والله غير كده انا مكنتش هقول لحد..
بدر...الحمد لله انك قولتي مش مهم اي حاجه الوقت المهم انك بخير...بطلي عياط بقي ممكن..
سيلا.. هزت دماغها ..
دور بدر العربيه تاني وساق علي الڤيلا. وطول الطريق ماسك ايدها في ايده.. عشان يطمنها ويطمن نفسه قبلها انها بخير وجمبه.....
بعد وقت بسيط...وصل بدر ادام ڤيلت سيلا..ركن العربيه وكان الظابط وصل وعربيات الشرطه. ونورها منور المكان..
نزل بدر من العربيه..
فصلت سيلا اعده خايفه تنزل..
راح بدر.. علي الباب فتحه...ومدلها ايده..
بدر.. يلا ياحبيبي تعالي متخافيش انا معاكي..
سيلا.. مدتله ايدها...ونزلت براحه من العربيه...قفل بدر الباب.. ومسكها جامد في ايده.. ودخل بيها جوه الڤيلا.. مشيو فالجنينه لحد ما وصلو للباب الداخلي... وقفهم عسكري..ممنوع يا حضرت..
بدر... وسع يابني .. انا النقيب بدر الخياط..
العسكري... اتفضل ياباشا وادا التحبه العسكريه..
دخل جوه الڤيلا كان رجال الشرطه منتشرين جوه الڤيلا.. لاول مره تحس سيلا..انها غريبه عن بيتها..كانت ماسمه ايد بدر. ودايسه عليها جامد حس بيها بدر انها خايفه...
مسكها اكتر ...
وجالهم ظابط المباحث...
الظابط.... انسه سيلا.اسف جدا عاللي حصلك..وحمدالله علي سلامتك..
سيلا.. ميرسي يا افندم..
الظابط.وهو بيمد ايده لبدر...
احمد الوكيل..ظابط.المباحث..
بدر..النقيب بدر الخياط
احمد... اهلا ياباشا طبعا اشهر من النار عالعلم..
بدر.. شكرا باباشا.. قدرتو توصلو لاي حاجه...
احمد...والله لسه الرجاله شغاله..بيرفعو البصمات..وبيراجعو الكاميرات..وظهرت انه هو دخل..من الشباك الخلفي.. للڤيلا هو نط من الڤيلا اللي في ضهر ڤيلت الانسه سيلا.. واتشعلق عالمواسير..لحد ما وصل للشباك اللي بيودي عالاوض واللي هو هرب منه..
بدر...طيب سؤال بما انك اكدت علي سيلا انها متقولش اي حاجه...وقولتلها انك هتأمنها كويس اقدر اعرف ازاي مأمنين الڤيلا وفي ناس بتحميها 24ساعه وده يحصل...
الظابط...اولا حضرتك عارف طبيعه شغلنا بيتطلب السريه خصوصا ان دي مش قضيه صغيره دي قضيه شغلت الرأي العام....وتخص بنت رجل اعمال مشهور..فكان لازم السريه خصوصا ان انسه سيلا موبايلها كان متراقب واحنا بنتعامل مع مجرم خطر جدا فا كان لازم يبقي في سريه عشان نقدر نحميها ونركز معاها ومحدش يتأذي...
ده اولا ...ثانيا.. احنا فعلا كلفنا ناس تراقب الڤيلا 24ساعه..وتطلع ورا انسه سيلا في اي مكان تروحه وعينهم متغفلش عنها يعني كنا مأمننها بره وجوه...
بدر.. طيب ايه اللي حصل.
الظابط.. اللي حصل ان لما التحليل ظهر واتثبت انه يخص حسن راغب الشافعي..اتعمله ضبط واحضار ..فورا وتم القبض عليه.. وهو المفروض الوقت مستني يتعرض عالنيابه...وطبعا ما تم القبض عليه.. اتسحبت المراقبه من علي الانسه سيلا..
بدر....ومن امته وبتتسحب المراقبه اول ما بتشتبهو في حد...
الظابط... احنا مشتبهناش فيه.. احنا اتأكدنا ان هو بعد نتيجه التحاليل هو اه منهار وبينكر بس ده ميمنعش ان هو.
بدر... وحضرتك شايف يا باشا بعد اللي حصل لسيلا في ڤيلتها ده وبعد اصابه رجل الاعمال عامر.الالفي.. انكم قبضتو عالمجرم الحقيقي....ومعلش اعذرني انا لبا عتاب عليك ياباشا.. سيلا يمكن تكون بتحب شغلها وفضولها كصحفيه ممكن يخليها تحط نفسها في كوارث بس المفروض ياباشا مكنتش اسف يعني استغليت ده واستخدمتها كطعم ولا ايه
الظابط... يمكن حضرتك معاك حق وفعلا تم الاستعجال علي سحب الحمايه من الانسه سيلا.. بس ده اللي بحاول افهمه.. واللي عايز انسه سيلا تحكهولي...مش يمكن يكون ده شخص تاني او حرامي او ملوش علاقه بالقضيه من الاساس... تاني حاجه انا قولتها للانسه سيلا قبل كده اني بعتبرها زي اختي الصغيره ومش هخلي اي حاجه تحصلها وممكن نغير كلمه طعم لان ده تشبيه بيديني انا شخصيا بس تقدر تقول اني لما لقيته مركز مع سيلا عرفت انه قرب جدا يقع فالفخ وكده او كده سيلا كانت تحت عينه يعني مكنش هيسبها انا بقي خليتها زي ماهي وفنفس الوقت وفرتلها حمايه والدليل ان الكام يوم اللي فاتو محصلش اي حاجه. ويمكن سوء الحظ واللبس اللي حصل في القبض علي حسن واللغز اللي احنا لحد الوقت مش قادرين نفهمه.. هما اللي حطو سيلا فالورطه دي يعني لو مكنش النتيجه ظهرت او طلعت مختلفه لحد تاني خالص مكناش سحبنا الحمايه وهي كانت هتبقي في امان. بس للاسف في لغبطه حاصله هي اللي وصلتنا للي حصل ده..
بدر.. عموما حصل خير ..
سيلا.....حضرتك لما كلمتني...وقولتلي انكم قبضتو علي حسن...انا فرحت بالخبر وإن خلاص كابوس وهيخلص وانا هخلص من التهديد...بس اللي حضرتك متعرفهوش انه كلمني قبل حضرتك... وهددني تاني والمرادي لهجته مكانتش تهديد ولا انذار منه ده كان كلام واضح وصريح. انه هينفز وقاللي استعدي واني هموت في نفس يوم عيد ميلادي زي سهيله بالظبط.....انا نسيت مكالمته بمجرد ماحضرتك كلمتني حسيت اني ارتاحت بس اللي حضرتك متعرفهوش ان الفرق بين مكالمته ومكالمت حضرتك كانت في حدود عشر دقايق ازاي وحضرتك لما كلمتني.. قولت انكم قابضين عليه من بدري وانك بتحاول تكلمني من اكتر من 3ساعات عشان تقولي انكم قبضتو علي حسن..طب ازاي..
الظابط...فعلا ده كلام خطير.. واضح ان في حد مع حسن .
بدر.. وليه متقولش ان ممكن يكون حد بيحاول يلبسهالو يا اما عشان ينجي نفسه والسلام.. او يكون كارهه واهو ضرب عصفورين بحجر...
الظابط.. والله وارد.بردو.. طيب تقدري توصفيه يا انسه سيلا..
سيلا... لا خالص. اوصفه ازاي ده زي ماحضرتك شوفته فالكاميرا.. هو لابس اسود في اسود.. وكان حاطت ماسك علي وڜه مش باين منه غير عينه...هو طويل وجسمه مش كبير وواضح انه بيلعب رياضه متكلمش خالص حتي عشان امييز صوته يعني مفيش حاجه مميزه اقدر اقولها بس انا في طلب عيزاه يتعمل...
الظابط.. قولي يا انسه سيلا..
سيلا... انا ضريته بالسكينه في ايده عالسلم.. والدم بهدل السلم... كنت عايزه يتاخد عينه لو نفع ويتعمله تحليل dna..
الظابط... اشمعني..عشان تتأكدي يعني ان ده القاتل وان حسن لبس التهمه.
سيلا... مش بس كده..
بدر..باهتمام..امال ايه ياسيلا.
سيلا.. انا واثقه ان اللي كان بيحاول يقتلني ده مش القاتل.
الظابط.. ازاي ايه اللي مخليكي واثقه.
سيلا.. ده حد مأجور واظن حضرتك شوفت ذكاءه ميتهيأليش هيجي بنفسه يقتلني..
بدر... صح ياسيلا ..هي بتتكلم صح...
الظابط.. تمام...طيب انا هاجي الصبح.. اخد اقوال استاذ عامر ..يمكن يكون في حاجه حصلت فالوقت اللي الانسه سيلا خرجت فيه من الڤيلا
بدر... تمام..
سيلا... هي الڤيلا هتتشمع..
بدر..لا طبعا
الظابط...اكيد لا يا انسه سيلا هو لحد الوقت محاوله قتل احنا هنرفع البصمات وخلاص لو حابه تفضلي فيها خليكي ومتقلقيش المرادي هنزود الحمابه وهبعتلك امن والڤيلا هتتأمن من كل الاتجاهات...
بدر... لا سيلا هتقفل الڤيلا مش هتأعد هنا اليومين دول خالص لحد مانا اآمن الڤيلا بنفسي بالكامل الشبابيك دي كلها تتعمل بنظام تاني خالص وجهاز انذار حتي الاسوار بره محتاجه تتأمن وعالاقل تريح اعصابها من الموقف اللي اتحطت فيه ده...
الظابط.. تمام بس طبعا هتفضلي متابعه معانا.
سيلا.. تمام يا افندم..
ووجهت كلامها لبدر... هو انا ينفع اطلع اخد لبس ليا وحجات بتاعتي من فوق..
بدر.. طبعا..
بدر.. للظابط...في اي شغل فوق نستني ولا تطلع..
الظابط.. لا لا تمام خليها تطلع .
بدر ...لسيلا تعالي اطلعك...ومسكها من ايدها. وطلع بيها فوق عالأوضه..
طلعت سيلا شنطتها وابتدت تحط الهدوم اللي هتحتاجها سواء بيت او خروج..حطت حاجتها الشخصيه. مكياچ بسيط برفانات ...وشنطت اللاب توب.وحجات خاصه بشغلها....
سيلا...انا خلصت..
بدر... مفيش حاجه تاني عيزاها..
سيلا ...لا تقريبا خدت الحاجه اللي هحتاجها..
بدر...طب يلا.
سيلا...لا لسه... القطه..انانسيت القطه..
بدر...هي فين.
سيلا..معرفش انا تقريبا سبتها فالمطبخ...
بدر... طب هاتي الشنطه دي وهاتي البوكس بتاعها...وتعالي يلا ننزل نشوفها...
سيلا.. اوك..
نزلو تحت وراحت سيلا. تشوف القطه.فضلت تدور عليها فالمطبخ ملقتهاش... خرجت بره تدور تحت الكراسي وفالاماكن اللي ينفع القطه تستخبي فيها مش لقياها.
بدر..ايه مش لقياها.
سيلا بزعل..لا
بدر.. طب استني هدور معاكي..
فضل بدر وسيلا يدور وخرج بدر بره الجنينه يشوفها...
بدر... سيلا لقتها بره
سيلا.. بفرحه.. خدتها منه لقتها فين
بدر .كانت فالجنينه...بره..حطيها بقي فالبوكس ويلا عشان نروح المستشفي لعامر...
سيلا..اوك..يلابقولك ايه.. هي عربيت عامر هتفضل بره كده..
بدر...لا انا هدخلها الوقت جوه لحد ما ابقي اوديهاله المستشفي...
سيلا.. طب وعربيتي..انا هتحرك ازاي
بدر...سبيها بردو الوقت عشان مش هتتحركي اليومين دول غير وانا رجلي علي رجلك..واكيد يومين كده وهنرجع تاني ابقي اعملي الانتي عيزاه.
سيلا.. طب وشغلك يابدر...
بدر...ملكيش دعوه بشغلي واي مكان هتحبي تتحركي فيه هكون معاكي وانا هتصرف واجي اوديكي ولو لاسوء الظروف معرفتش حد من الشباب يكون معاكي..
سيلا...بس..
بدر..مفيش بس يلا عشان نروح.
سيلا.. حاضر....
خرجو من الڤيلا دخل بدر العربيه بتاعت عامر...وقفلو الڤيلا كويس..ومشيو عالمستفي...
بعد وقت بسيط..وصلو المستشفي.خدت سيلا البوكس بتاع القطه ونزلت..
وطلعت مع بدر فوق...كان. كلهم مع عامر فالاوضه..
بدر...ايه ياعامر عامل ايه الوقت
عامر...تمام ياصاحبي متقلقش انا زي الفل..
يوسف...تعالي ياعم بدر احضرنا.
بدر..خير
يوسف...عامر عايز يخرج من المستشفي.
بدر...كنت متوقع طبعا...
يوسف...يعني انتي موافق
بدر..لا طبعا عالاقل ياعد يومين.
عامر...انا مش هاعد انا بالكتير اعد كام ساعه وهروح انت عارف اني مليش في جوه المستشفيات ده..
بدر...بقول ايه بكره بليل هتروح خلص الكلام...تقضي اليوم ونطمن انك تمام وينفع تروح. هاخدك اوديك البيت. وهسيب عربيتي عندك وحد من الشباب ياخدني يوديني الڤيلا عند سيلا هجبلك عربيتك واخد عربيتي..
يوسف..ايوه سلم واستلم..
بدر..ضربه علي دماغه يا اخي اعقل شويه..
يوسف... بضحك..مبعرفش
عامر.. بس يابدر...
بدر.. بقول ايه مفيش بس خلص الكلام..
يوسف... ولله كنت عارف انك هتجيب من الاخر بقالنا ساعه بنحاول نقنع فيه..
مهاب.. عملتو ايه يابدر...
بدر...ولا حاجه رفعو البصمات وخدو عينه من الدم بتاع الواد ده وهيحللوها ويطابقوها بعينه الdna
عامر.. مش هيطلع هو ده اكيد حد متأجر..
بدر... هنشوف..
عامر...لسيلا... عامله ايه ياسيلا واقفه بعيد ليه..
سيلا... تمام ياعامر..كويسه..وكملت بحزن
انا اسفه ياعامر..
عامر..باستغراب.. اسفه علي ايه
سيلا.. عشان اللي حصلك ده بسببي.
عامر.. بسببك!!! ايه العبط ده كده او كده مكتوبلي اني اخد رصاصه وبعدين دي خربوش بسيط..وكويس اني جيت فالوقت المناسب محدش يعرف كان ممكن يحصل ايه.
سيلا.. ياريتك ماجيت..وكملت والدموع في عينها انا يظهر كده ديما أذي اي حد حواليا واتأكدت من كده كمان...
شدها بدر...في حضنه وسطهم..قولتلك بلاش الكلام العبيط ده..اصلا لو مكنش لحقك كنت انا اللي قتلته.
عامر...بضحك..اهو شوفتي بقي...يعني انا الوقت اللي مديونلك بحياتي.
مسحت سيلا دموعها وهي مبتسمه علي كلام عامر..
ريم... ماخلاص بقي يا اوڤر هو كويس وانتي كويسه..
روكا.. قوليلها ياريم هتشلني.
بدر..بس حقيقي شكرا ياعامر..انك وصلت فالوقت المناسب لولاك مكنش حد عارف ايه اللي ممكن يحصلها..
عامر...متشكرنيش انا ياصاحبي...لولا روكا كان زمان سيلا في خبر كان...لو مكنتش حست لاخر لحظه انها لازم تتكلم مكنش حد لحقها.
بدر.. فعلا عندك حق
روكا... انا معملتش حاجه بس صراحه مقدرتش اسمع كلامها اكتر من كده واسكت كنت محتاجه اتكلم وطبعا عامر.. هو اللي لفت نظري ان ازاي حسن مقبوض عليه. وهو لسه مكلمها...
بدر...الحمد لله .مهاب قوم انت روح يلا عشان بكره تقدر تروح لاهل سما وانا هفضل معاه.
مهاب.. اروح فين لا طبعا انا اعد.
عامر...بدر. بيتكلم صح..قوم يلا انا كويس والله.
يوسف..يلا يامهاب.. انا كمان اعد
مهاب...انا قولت مش ماشي انا كلمت ابويا عرفته وخلاص خلصنا.
بدر..بلاش تنشيف دماغ اسمع الكلام.
مهاب...والله ماهروح انا معاكم...وهمشي عالضهر كده..
عامر.. مفيش فايده كلكم دماغكم ناشفه.
يوسف.. بلاش انت انا مشوفتش اوسخ من دماغك انت وبدر...
بدر...اتلم يالا..
يوسف.. حاضر يامعالي الباشا..
ريم...جبان اوي...
يوسف... اصلك مجربتيش ايده 🤣🤣🤣
عامر.. طب روكا..وريم..وسيلا انت. روحو مينفعش تفضلو كده...
مهاب.. ايوه يلا عشان ترتاحو.
روكا.. بارتباك..لا يعني قصدي انا اعده مش ورايا حاجه..
بدر... هو المفروض يروحو بس انا قلقان عليهم..
سيلا...انا. معاكم بردو بس ساعتين كده النهار يطلع هسيبكم اروح احجز اوضه في اي فندق وهحط حاجتي وارجع لكم ..
بدر... بعصبيه مفيش الكلام ده طبعا فندق ايه.
روكا... فندق ايه انتي عبيطه
سيلا.. ايه المشكله امال هأعد فين وبعدين لو قلقانين عليا يعني انا في فندق وطبيعي محدش غريب هيقدر يطلعلي غيركم ...
بدر...مفيش الكلام ده انتي سمعتي ..
سيلا...ايه هروح فين..
روكا...عندي طبعا..
ريم..لا عندي انا..
بدر...سيلا هتيجي عندي
سيلا... نعم عندك ازاي..
بدر... بس متبصليش كده...انا خلبكي مع نوني واناهتصرف..
سيلا...بأنفعال زي الاطفال كلهم كانو باصين عليها وبيضحكو وكاتمين ضحكهم عليها.... لا والله يعني انت بتعمل كده عشان قلقان عليا وهتاخدني عندك الڤيلا عشان قلقان عليا وفالاخر هتسبني وتروح انت مكان تاني وتسبني انا ونوني فالبيت عشان القاتل يجي تاني والمرادي بدل ما يقتلني يقتلني انا ومامتك. ولا يقتلني انا ليه ما انا ديما ببقي تمام بترسي علي علقه محترمه وشويه خرشمه بسيطه وفالاخر مامتك هتتقتل وانا بقي اعيش وانت تحاول تنتقم مني ما انا السبب او بص مش هتتنتقم هتبعد عني عشان انا نحس واي حد يقرب مني يتأذي.😡😡
بدر... ضحك بسسس ايه ماسوره واتفتحت
عامر... بضحك... صراحه عندها حق.. يعني انتي خايف عليها توديها لنوني..
يوسف...طب تصدقي والله بدر معاه حق ده حتي نوني هتكفره ومش بعيد يقتل نفسه...
فضلو كلهم يضحكو..
بدر...والله لا هقولها...
سيلا... افضلو اضحكو وهزرو كده.. ياجماعه انا بفكر ارجع الڤيلا تاني وخلاص خصوصا اني عندي شغل .
روكا... ياختي اتنيلي شغل ايه وزفت ايه الوقت انتي في ايه ولا ايه..
ريم... جاحده😡😡انا لو مكانك كنت استقالت..
يوسف... لا والمشكله انه ميبانش عليها..
سيلا... اتلم يا ياسوف لو سمحت..
يوسف...يالهوي عالادب..اتلم ولو سمحت..ده ايه الحلاوه دي..
بدر...خف عشان في بنات بلاش اقولك هعمل فيك ايه...
يوسف🤐🤐🤐🤐
عامر...جايب لنفسك الكلام علي طول وصراحه انا اتمني عامر يعمل فيك اللي هو عايزه خلينا نتفرج....
بدر... هو حر.. والله وبعدها هعلقه علي باب الاوضه...
روكا....صراحه انا مشفقه عليك يايوسف بسبب الجوز دول..
يوسف... مفتريين بعيد عنك😡😡
سيلا... بقولكم ايه محدش يقول لسما اي حاجه عشان متضايقش خصوصا ان انهرده مهاب رايحلها..
مهاب.. بضحك.. مين ده 🤣🤣🤣🤣🤣دي ريم نقلتلها الحدث من اوله لاخره بالموسيقي التصويريه. ..وصدعتني اتصلت ميت مره ومرضتش اخليها تكلمك عشان كنتو فالڤيلا..وكانت عايزه تيجي بس باباها نام والوقت اتأخر مرضتش اخليها تيجي.
سيلا... ليه كده ياريم...كويس يعني تنكدي عليها في يوم زي ده.
ريم.🙄🙄🙄
روكا...والله قولتلها متقوليش بس هي قبل ماتاخد اول قلم اعترفت..
ريم...والله هي من الصوت بتاع روكا سأاتني انتو رجعتو لروكا تاني طب في ايه وايه اللي حصل وانا صراحه من ارتباكي اعترفت.
سيلا....لا شاطره😏
روكا... خلونا فالمهم... سيلا انتي خلاص جايه معايا انا مش هسيبك.
بدر... مش هينفع ياروكا واصلا مينفعش تأعدو لوحدكم اليومين دول نعرف بس مين القاتل وبعد كده اعملو الانتو عايزينه.
روكا... بص يابدر..اولا بما ان الخطر علينا كلنا بدل ماهي تكون لوحدها وانا لوحدي نأعد مع بعض واهو هتبقي مطمن عليها وياسيدي تعالالها كل ماتكون فاضي. ومتخافش عليها ...معاها راجل..
بدر....ماشي انا عموما الصبح هبعت حد يظبط الڤيلا وهبعت حد يأمن المداخل والخارج والشبابيك...وهركبلك جهاز انذار وهتفق مع شركه تبعتلك اتنين بودي جارد يبقو معاكي في اي مكان الفتره دي..
سيلا.. ليه كل ده يابدر انا مبعرفش اعيش في جو في توتر.. وبودي جارد ايه
بدر.. ممكن مش كل حاجه تعاندي فيها وخلاص. انا بقول مؤقتا انا غصب عني هنزل الشغل مش هبقي معاكي وهبقي قلقان طول الوقت لا عارف اشتغل ولا عارف اكون معاكي. وعامر زي مانتي شايفه ويوسف ومهاب في شغلهم يعني محدي هيعرف يحميكي ...فهمتي...
روكا... بدر معاه حق ياسيلا بجد اهو نعدي اليومين دول...
بدر... بكره البودي جارد هيكونو عندك ياروكا فالبيت وبعد ما اخلص تظبيط الڤيلا لو عايزه ترجعي ارجعي..
سيلا... اوك..
يوسف.. طب ريم. قومي يلا تعالي اوصلك عشان شغلك
ريم.. لا انا اعده معاكم..وهروح عالشغل علي طول.
يوسف.. يابنتي الساعه خمسه وبعدين جنابك ناويه تروحي الشغل بالفستان.
ريم.. ايه ده 🙄🙄انا ناسيه الفستان...
عامر.. قومي يلا ياريم معاه...عشان تلحقي ولو مش قادره تروحي متروحيش اصلا مش هتلحقي تنامي .
ريم..لا انا اصلا النوم طار وهروح الشغل ورايا حجات اعملها وهخلص وارجعلكم.
روكا... بتريقه ماشاء الله ياست ريم. شيفاكي متحمسه للشغل يعني غير العاده..
عامر...حابب يرخم عليها..وانتي ايه اللي مضايقك..
روكا.. وانا هضايق من ايه 😏
ريم.. خليكي في حالك ياسوسه..
روكا... اشبعو ببعض يا اختي..
عامر.. مين هما دول
روكا.. هي والشغل😏😏
عامر..اه بحسب...بقولك يا ريم تعالي جمبي كده وهاتي موبايلك عايز بس اقولك علي كذا ايميل مهمين تبعتيهم فالشغل
ريم.. اوك...
يوسف.. نخلص بسرعه هه.
عامر.. بس عشان مهليش بدر ينفز..
يوسف.. روحي ياريم جنب عامر في كرسي ولا اقولك اتاخر شويه ياعامر خدها جمبك😡😡😡😡
بدر.. بضحك.. بعت مبدأك ياخواف..
يوسف ....كله بسبب معاليك..
راحت ريم.. جمب عامر. وقالت لروكا وهي بتغيظها.. لو سمحت قومي من جمبه..
روكا.. نعم..
ريم. الله عشان يعرفني الشغل..
عامر.. مبتسم علي شكل روكا وهي غيرانه عليه..
روكا.. اتفضلي...
فضلت روكا واقفه باصه علي ريم ومش طيقاها...وريم بتحاول تستفزها وعامر بيضحك ومبسوط..وفضل يعرفها شويه حجات. وخلصو..
ريم... تمام.. امشي انا بقي متأكدين انكم مش محتاجني..
روكا... صراحه هنفتقد حضرتك اوي وبجد مش عارفين في غيابك هنعمل ايه بت انتي اخفي من ادامي عشان مقتلكيش..
ريم.. براحه علي نفيك ياروقيه🙄🙄
روكا... بت انتي ايه روقيه دي انتي بتعصبيني صح بتعصبيني يوسف خد البت دي من ادامي بسرعه.
يوسف.. بضحك قلبك ابيض ياكبيره وزق ريم في كتفها اخلصي قبل ما تاكلك...
عامر.. وبدر وسيلا ومهاب فضلو يضحكو عليهم..
عامر.. استني يايوسف..
يوسف.. ايه تاني اخلص قبل ما يحصل مجزره هنا.
عامر..خد مهاب يمشي معاكو
مهاب.. ماقولت مش ماشي..
عامر..والله لا تمشي مهاب الساعه خمسه ونص والله انا تمام..امشي بقي واقولك مش سما قالت انها هتيجي عالضهر تشوفنا.. عدي عليها وجبها تشوفنا وروحها تاني وانت روح عشان تلحقو تجهزو.
بدر.. تمام كده يلا بقي اخلص...
مهاب... طب خلوني ساعه واروح.
عامر.. فرقت ايه يا مهاب قوم بقي متتعبنيش بجد
مهاب ماشي ياعم.
بدر... يوسف.. خليك مع ريم لحد ما تظبط نفسها وتطلع عالشغل..وتطمن عليها..
ريم...ايه ده هو انا كمان مستهدفه..
بدر.. مش بعيد لازم كلنا نخلي بالنا اليومين دول.
روكا.. ياختي يارب تبقي جت من عند ربنا قال روقيه قال..
مسكتها ريم من خدها تبوسها بالعافيه ياختي بموت فيها ياناس..
روكا. وهي مبتسمه وبتبعدها اوعي اوعي جتك القرف..
ريم.. يلا هشوفكم بعد الشغل
روكا.. خلي بالك من نفسك يا زفته
ريم... بتحبني😁😁😁
يوسف.. تخلصي يلا ياعم مهاب..
مهاب يلا عم...
سلمو عليهم وخرجو....
وفضل مهاب وروكا.. وسيلا وبدر...
بدر لسيلا.. تعالي اعدي متعبتيش من الوقفه..
سيلا.. تعبت..جدا.. بس محتاجه اللاب توب بتاعي عايزه انزل اجيبه..
بدر.. ليه..
سيلا.. عايزه اشتغل شويه..
بدر..الوقت ياسيلا..
سيلا.. اه..
بدر.. لا تعالي نامي شويه.. وانا شويه وانزل اجبهولك واشتغلي...
سيلا حاضر..
روكا.. ارحمي نفسك
سيلا.. قولي لنفسك انتي بتأعدي ابدا..
روكا...عالاقل انا شغلي فالامان مش كله قتل..
اعدت سيلا عالكنبه جمب بدر... شدها بدر بكل جرأه لحضنه. وسط احراج سيلا ووشها اللي احمر من حركته...
ابتسمت روكا لسيلا. وغمزتلها...حست سيلا ان احراجها زاد...
عامر.. بقولك ايه ماتجيب سيجاره..
بدر.. سيجاره ايه انت عبيط يالا..
روكا.. واضح فعلا.
عامر.. نعم
روكا..هو ايه اللي نعم انت مش عامل عمليه غلط عليك.
عامر..انتي بتسمي دي عمليه ده خربوش حد فيكم يجيب سيجاره اخلصو...
بدر.. برخامه.. تعالي خدها...انا مش هقوم.
عامر.. اه وتقوم ليه كفايه عليك الاعده الانت اعدها ..مش عايز منك حاجه. روكا هاتي سيجاره..
روكا.. انا هموت علي سيجاره نسيتها فالبيت انا جريت معاك من غير ما اخدها..
بدر.. تعالي ياروكا خدي ومتدهوش عشان يبقي رخم عليا اوي..
عامر... ياعم مانت اعدت كده والاعده حلوه وعجباك
سيلا.. حست انها عايزه تقتل بدر.. ورفعت وشها في وشه بصوت واطي عجبك كده انت السبب..
بدر... حط مناخيره في مناخيرها وبيحرك راسه اه عاجبني طب هو غيران انا مالي..
عامر.. سامعك علي فكره...
روكا ممكن تجيبي السجاير...والولاعه.....
روكا حاضر...كانت بتحاول تهرب من عينه بأي طريقه...وهو كان حابب يرخم عليها...
خدت روكا السجاير من بدر... وراحت ادتهمله..اتفضل..
عامر... طب ماتكملي جميلك وتطلعيلي سيجاره ولعيهالي...
روكا.. رفعتله حاجبها.. عندك ايد واحده اللي تعبانه ياعامر..
بدر.. مفقوس اوي...
عامر... لبدر.. اهدي علي نفسك هه.
بدر.. حاضر عيش..
روكا.. نعم ياسي بدر .انت كمان.
بدر.. لا انتي حبيبتي انتي عارفه..
عامر.. باندفاع من غير ما يحس..حبيبت مين متحترم نفسك...
بدر.. الله وانت مالك..
سيلا.. ايوه صح مالك زعلان ليه يا عامر..
عامر.. حتي انتي ياسيلا طب اقفي جمبي ده لسه كنت هروح في داهيه عشان خاطرك..
سيلا.. ايه ده انت هتزلني..
بدر.... ماعاش ولا كان ياقلبي اللي يزالك..سيبك منه هو غيران مننا 😉
روكا... خير ان شاء الله مالكم في ايه
سيلا.. في ايه يامزه حد داسلك علي طرف ولا انتي علي راسك بطحه..
بدر.. صح هي علي راسها بطحه وهو غيران حاجه فضيحه يعني..
روكا.. بقولكم ايه.
