البارت السادس والعشرين...
يوسف... اتصل كتير بريم... بس مكنتش بترد....
يوسف.. لنفسه.. ايه الغباء ده ما اتصل بعامر اطمن عليها..
اتصل يوسف.. بعامر..
يوسف.... الووو.
عامر... الووو.
يوسف.. ايه ياعم فينك .. انت كلت البت ولا ايه.
عامر... مكنش مركز خالص وحزن الدنيا في قلبه..بنت مين اللي كلتها...
يوسف... ريم ياعم هتكون مين..
عامر... ليه مالها...
يوسف... ملها ايه بتصل بيها من بدري كنت عايز اطمن عليها بس مبتردش...
عامر.... انا معرفش.. يمكن تليفونها سايلنت.. او مشغوله..
يوسف... يعني انا بتصل عشان اطمن علبها منك تقولي يمكن...علي اساس ان هي شغاله في شركه تانيه..
عامر.... انا مش فالشركه يايوسف.. ومشوفتهاش اثلا انهرده..
يوسف... ليه انت فين عندك شغل بره ولا ايه..
عامر... لا انا راجع فالطريق من اسكندريه..
يوسف... نعم.. اسكندريه.. ليه..
عامر... كنت عند روكا في بيت والدها..
يوسف.. نعممم انت بتتكلم جد ولا بتهرج.
عامر... يوسف اطلع من دماغي انا ههزر ليه يعني.
يوسف.. براحه بس ياعم طب ايه اللي وداك...وازاي اصلا تروح هناك انت مش عارف هي واهلها عاملين ازاي...
طبعا بوظت الدنيا شكلك باين عليك من صوتك اصلا...
عامر...محصلش حاجه من ناحيه اهلها.. متقلقش..انا اصلا مقابلتهمش..
يوسف...طيب الحمد لله طب عملت ايه مع روكا..
عامر... ولا حاجه يا چو هي شكلها باظت خلاص.
يوسف... ياعم ولا باظت ولا حاجه.. هي بس تهدي شويه.. روكا بتحبك يا عامر..
عامر... انا عملت اللي عليا..وخلاص..
يوسف.. متقلقش خير والله.. المهم خلي بالك الوقت من نفسك ولما ترجع نتكلم..
عامر... ماشي ياچو.. سلام.
يوسف.. سلام...
...................
قفل معاه يوسف.. وجرب تاني يتصل علي ريم.. اخيرا ردت..
ريم.. الووو
يوسف... انتي فين ياريم مبترديش ليه..
ريم... مكنتش فاتحه الصوت والموبايل كان فالشنطه.. وبعدين من ساعت ماجيت وانا مع المدير. وكان بيفهمني حجات...فالشغل..
يوسف.. بعصبيه.. وممسكتيش التليفون من الصبح ياريم انتي مش شايفه انا اتصلت بيكي كام مره..
ريم... طيب براحه بس حصل ايه لكل ده...
يوسف.. لا ابدا محصلش حاجه بتصل بيكي بس بقالي حوالي 3ساعات..
ريم... طيب ممكن تهدي والله من ساعات ماجيت وانا مشغوله جدا وطبعا حتي لو فاضيه اكيد مش هقدر امسك الموبايل انت عارف اني لسه اول يوم..
يوسف.. ماشي ياريم..تمام..
ريم.. طيب هتفضل مكشر كده. والله غصب عني واول ما جه بريك قولت اتصل بيك لقيتك متصل بيا كتير ولسه هكلمك لقيتك بتتصل..
يوسف... ماشي ياريم المهم انك كويسه..
ريم... هو انت بجد قلقت عليا..
يوسف... انتي شايفه ايه.. بتصل من 3ساعات ومفيش رد ولا بتكنسلي. ولا حتي بتبعتي عالواتس ومش عارف اوصلك وللاسف عامر مجاش في بالي خالص غير الوقت ولما كلمته لقيته هو كمان مش فالشركه..
ريم.. ايوه هو مش هنا انا جيت قابلت المدير التنفيذي علي طول...
يوسف... عامر.. كان عند روكا...
ريم... هو قالك..
يوسف.. انتي كنتي عارفه؟؟
ريم.. بصراحه اه بس هو قالي مقولش..
يوسف.. نعم..
ريم.. بعد ما انت سبتني...لقيته بيملمني وبيطلب مني عنوان روكا.. عشان يروحلها...وقالي مش عايز حد يعرف تقريبا عشان متفضلوش تقلولو لا او كده .
يوسف... ماشي ياريم..
ريم.. طب انت زعلان ليه الوقت هو اللي طلب مني كده..
يوسف.. ياستي خلاص انا لا زعلان ولا حاجه...انا هقفل الوقت عشان اشوف الشغل..
ريم... ماشي يايوسف.. سلام.
يوسف... سلام......
................................
قفل يوسف.. مع ريم واتصل ببدر..
بدر... ايه يا چو..
يوسف... ايه يابدر.. عامل ايه..
بدر... ايه ياد مال صوتك..
يوسف.. مفيش انا تمام.. المهم عامر راح لروكا..
بدر... نعم وايه اللي وداه المجنون ده.. مش قولناله ميروحش عشان ميعملش قلق في بيت اهلها...
يوسف.. معرفش بقي انا قولت اقولك عشان تكلمه عشان باين من صوته انه مضايق..
بدر.. خلاص ماشي هكلمه بس المهم انت مال صوتك...
يوسف.. ياعم قولتلك مفيش...
بدر.. انت متخانق مع ريم.. ولا ايه..
يوسف.. مش بالظبط يعني..
بدر.. مش بالظبط تبقي متخانق...في ايه..
يوسف.. حكاله.اللي حصل...
بدر... طيب يايوسف عادي محصلش حاجه زي ماقالتلك كانت مشغوله وطبيعي اول يوم ..بيبقي محتاج تركيز هي مش راحه تلعب يعني ..وبعدين.. في ايه انت مضايق ان عامر كلمها ولا ايه..
يوسف.. لا خالص. عادي يعني
بدر.. لا مش عادي يايوسف... انت غيران عليها يايوسف صح.
يوسف.. ايه العبط اللي انت بتقوله ده يابدر لا طبعا اغير عليها من عامر..ده اخويا
بدر.. مقولتش انك غيران من عامر بس قولت انك غيران عليها وده مرشر ل..
يوسف.. مؤشر لايه..
بدر.. يعني ان في حاجه جواك من ناحيتها.
يوسف..لا ياشيخ بثيت بتحلل كمان...
بدر... انا لا بحلل ولا حاجه..بس هي واضحه زي الشمس اهي..
يوسف.. بقولك ايه انت شكلك فايق. انا هقفل عشان ورايا شغل وابقي شوف عامر..
بدر.. بابتسامه ماشي ياعم هكلمه وفك شويه هه..وبقولك ايه. ابقي افتكر كلامي..
يوسف.. سلام يابدر.. شكلك اتعديت من نوني..
بدر. بضحك.. تصدق هقولها.
يوسف.. لا ياعم خلاص.. مش طالبه نوني الوقت احسن دي مبتصدق..
بدر... ماشي ياجبان..
يوسف.. سلام.
بدر... سلام...
.................... .. ...............
قفل.. بدر.. مع يوسف.. واتصل علي عامر...
بدر.. الووو.
عامر.. ايوه يابدر...
بدر... انت فين..
عامر... انت هتصيع عليا ما اكيد يوسف قالك..
بدر... اه قاللي. انت مكنتش عايزه يقولي ولا ايه يالا..
عامر... لا والله مش كده.
بدر.. ايه اللي وداك لروكا ياعامر..مش قولنا تستني شويه لما تهدو انتو. الاتنين..تبقو تتكلمو وكمان قولنا مينفعش تروحلها بيت اهلها اللي هي مقطعاهم من سبع سنين اصلا.. يوم ماترجعلهم يروحلها راجل غريب لحد هناك يعني هي بتعيد غلطتها لتاني مره طب سيبها تصلح اللي بوظته وبعدين ابقي روح...انت غبي ياض
عامر... مقدرتش يابدر..
بدر.. هو ايه اللي مقدرتش..ياعامر.. هي بقلها ميت سنه ده مل الحكايه بقلها يومين ايه خلاص هتموت بقيت حبيب..
عامر... لو انت حاسس بيا مش هتقول كده..
بدر.. حاسس بيك يابدر ومقدر الموقف اللي انت فيه كمان بس كان لازم تصبر..
عامر.. ولله ماقدرت.. انا نفسي مستغرب نفسي .. يابدر...انا اول مره اعمل كده عشان حد...بس بجد انا تعبان من غيرها مضايق. منها بس مضايق عشانها... هتجنن عشان مقلتليش بس حاسس اني مش قادر ازعل منها وفكرت انها تبعد عني مش قادر. عليها..
بدر.. عامر.. صدقني ياعامر.. انا عارف انك حبيتها جدا..وحتي انا مستغربك.. عامر اللي طول الوقت كان بيجري ورا دي ويسيب دي ولا حد فرق معاه عمره.. حاله اتبدل في لحظه.. عارف انك اتعلقت بروكا.. وهي كمان اتعلقت بيك...انا مش هدافع عنها.. بس بردو مش هاجي عليك.. انت عارف انك يمكن تكون اقرب حد ليا..بس انا مضايق عشان شايفك كده ياصاحبي..
عامر.. متقلقش انا تمام..
بدر.. تمام ازاي.. وانت بعد ماروحت راجع زي مانت ...ايه اللي حصل..
عامر... انا اتوجعت يابدر.. واتصدمت.. ومش شايف اني غلط.. ورغم ده كله...سبت شغلي وكل حاجه ورحتلها.. عشان اتأسفلها ... انت متخيل يا بدر.. ان عامر الالفي يتأسف لبنت..وياريتها وافقت انها تقبل اسفي... وبعصبيه كمل دي هي اللي زعلانه كمان.. يابدر... سابت اللي هي عملته ومسكت في رد فعلي...سابت انها خبت عليا انها كانت متجوزه ومطلقه وسابت انها باعت اهلها عشان عيل وسخ ميسواش.. وخانها.. وقاطعت اهلها سبع سنين بسببه ومستغربه رد فعلي وفالاخر.. تقولي انها لما حبتني نسيت اصلا انها كانت متجوزه وانها مقصدتش تخبي او تكدب طب لما هو كده مقبلتش اسفي ليه..
بدر... بصوت عالي.....بسبب خوفه علي عامر.. من عصبيته عالطريق.. وعشان عارف ان عامر مجنون سواقه وخصوصا وهو مضايق...
بدر...عااااامر.. اهدي يالا شويه.. انت ناسي انك علي طريق ولا ايه...وتسوق براحه.. مش ناقصه عبط هي... وتاني حاجه .. انا قولتلك من الاول متروحش وادي نفسك واديها مساحه تأعدو وتفكرو وتهدو..وزي مانت مضايق هي اكيد مضايقه..
عامر.. بعصبيه هي مضايقه ليه.. ها قولي مضايقه ليه هو انا اللي خبيت عليها مثلا.
بدر.. ياسيدي مش كده بس انت مش عارف الستات دمغهم مريحاهم. وبعدين ما يمكن هي زي ماقالتلك ياعامر... علاقتها بيك نستها..
عامر.. بعصبيه.. انت هتستعبط يابدر.. هو في واحده تنسي انها كانت متجوزه..
بدر... ولو انك بتقولها بتريقه بس صدقني بتحصل ياعامر..مش نسيت بالمعني الحرفي.. بس يمكن لما حبتك اطمنت... فرحت ...حست بالامان. مليت فراغها. مليت وحدتها. ضيعت حزنها علي الفتره اللي ضيعتها مع واحد زباله وخففت حزنها علي اهلها اللي مقاطعينها واللي اكيد مبتبطلش تفكير فيهم ..غيرت حياتها...خليتها تلمع بعد ماكانت مطفيه كل دي حجات تخلي الست. تنسي اي علاقه فاشله دخلت فيها ومش بس الست الراجل كمان لو وقع في ايد ست زباله.. يوم مايلاقي اللي تعوضه بينسي اللي كان مرتبط بيها ومبيحاولش حتي مع نفسه انه يفتكرها.. وبيبدأ حياته بطريقه تانيه وبقلب تاني..ولو حصل وافتكرها أو جت علي باله بأي طريقه.. بيأعد يقول لنفسه انا ازاي في يوم من الايام ارتبط بيها.. فا صدقني يا عامر.. بتحصل.. وده يبينلك ان روكا حبتك بجد.. ولما اتعصبت واضايقت ده مش عشان انت زعلت او عرفت ده عشان هي افتكرت..حاجه بتحاول طول الوقت انها تنساها..وعلي اد ما بتبان قويه طول الوقت. انهارت في ثانيه.. وعايز اقولك ان قوتها دي اكتسبتها من علاقه فاشله ديما الواحد لما بيدخل في علاقه وبيدي فيها كل حاجه وبيبقي مستعد انه يموت نفسه عشان الشخص التاني لما مبيلاقيش تقدير وبيخرج من العلاقه دي بيبقي اقوي..وده اللي حصل مع روكا.. حبت وضحت وادتله كل حاجه عندها لدرجه انها خسرت اهلها وقاطعوها سبع سنين بسببه..وهي مانت راضيه.. وفالاخر خانها... كان طبيعي انها تبقي كده تتغير وتقوي اكتر .. ده مش صح طبعا بس كلنا بنغلط.. وهي كان سنها لسه صغير وغلطها كان وارد جدا خصوصا انها كانت في سن مراهقه.. هي غلطت واتعلمت.. خلاص..
عامر... انت معاها ولا معايا..
بدر.. انا معاكم انتو الاتنين عشان انتو بتحبو بعض ياعامر.. الفتره الجايه ياريت تهدا شويه وتسبها تاخد وقتها او عالاقل سبها تحس انك فعلا مغلطتش وخليها تحس انها بالغت في رد فعلها...
انت واضح اعدتك مع نوني امبارح سخنتك عليها انا من الاول مكنتش مطمن من اعدتك معاها..
عامر...لا والله بالعكس نوني ولا سخنتني ولا حاجه ولا حتي تعرف اني هروحلها تقريبا قالتلي الكلام اللي انت بتقوله الوقت..
بدر.. مش امي بقي..
عامر... واضح بهتت عليك..
بدر... طب اتلم بدل ما اقولها..
عامر... ماشي ياعم..
بدر... عامر.. اهدي شويه عشان خاطري لو بتحب روكا بجد.. صدقني روكا بتحبك وانت عارف انها بتحبك..متضيعهاش من ايدك. روكا طيبه وجدعه
عامر... عارف يابدر.. وده اللي واجعني اناحبيتها بجد..
بدر... عارف.. وان شاء الله ده موقف وهيعدي واللي جاي احسن وقريب هتبقو مع بعض من تاني.. وحتي الموقف ده مش هتفتكروه.. بس نصيحه ياعامر.. لو ناوي تكمل بعد ما عرفت انها كانت متجوزه. اوعي في يوم حتي لو زعلتو من بعض انك تجيب سيره حاجه قديمه...
عامر... ماشي ياعم بس قولي انت مالك بقيت حنين كده ليه والدنيا بقت وردي قدامك هي سيلا تأثيرها حلو اوي كده...
بدر... اقفل ياعامر...
عامر... اهرب اهرب.. يابني والله قولتهالك وهقولهالك تاني انت حبيتها...وهتقع علي بوزك قريب وتعترفلها بحبك.. اصل هي كمان مفضوحه اوي وباين عليها انها بتحبك..
بدر... هقع .. انا وقعت خلاص..
عامر... الللله وقعت ازاي يانمر..حبيت..
بدر... امشي ياعامر.. عندي شغل...
عامر.. والله ابدا... مش قافل .
بدر.. هقفل انا في وشك..
عامر.. طب ريحني حبيت وعرفناها طب اعترفت ..
بدر.. ارتاح يا اخويا اه اعترفت..
عامر... الللله اخيرا .. النمر اتحرك..والله سيلا دي عسل وجميله كده..
بدر.. بغيظ ايه ياروح امك في ايه ماتخليك في خيبتك..
عامر... كمان بنغير يلا الله يهني سعيد بسعيده..
بدر.... بقولك ايه.. دوس بنزين عشان العربيه تتقلب بيك ونخلص..
عامر..واهون عليك..
بدر.. اه تهون ياحنين اقفل يلا..
عامر... ربنا يسعدك ياصاحبي واشوفك ديما مبسوط..
بدر... بابتسامه... انا وانت ياصاحبي..المهم انت رايح عالبيت ولا الشركه...
عامر... هعدي عالشركه بس فالسريع كده خلاص اليوم خلص..وانت.
بدر... انا لسه مش عارف
عامر... طيب لو خلصت ولقيت نفسك فاضي عدي عليا...
بدر.. تمام..انت ادامك اد ايه..
عامر... انا ادامي حوالي ساعه واوصل وهروح عالشركه علي طول... وهبص بصه كده وامشي عالبيت علي طول..
بدر... خلاص ماشي اول ماتروح كلمني..
عامر... ماشي تمام..
بدر.. يلا اسيبك بقي وعلي مهلك..
عامر.. ماشي سلام...
قفل بدر.. مع عامر.. وهو احسن شويه من الاول..
عدي... الوقت بسرعه خلص بدر.. شغله...
وكلم سيلا... وهو خارج..
بدر... الووو
سيلا... الووو
بدر... وحشتيني..
سيلا.. وشها جاب الوان..
بدر... طب مفيش وانت كمان..
سيلا... وانت كمان..
بدر. انا كمان ايه..
سيلا... مش هقول يابدر..
بدر.. بابتسامه طب خلاص ياستي متقوليش.. عامله ايه..
سيلا.. تمام...
بدر.. انا خلصت شغل ورايح لعامر..
سيلا... هو كويس..
بدر.. اه تمام ده راح لروكا علي فكره..
سيلا... بجد..حصل ايه..
بدر.. اه والله بعدين بقي لما اشوفك..
سيلا.. ماشي..
بدر.. هتخلصي امته..
سيلا.. لا لسه شويه.. هو انااصلا خلصت شغل هنا بس.. انا عندي شغل بره..
بدر.. شغل ايه...
سيلا.. في حادثه حصلت في ڤيلا فالتجمع.. لقو فيها بنتين مقتوليين والبواب واخد كذا طعنه.. بس مماتش..بس حالته خطيره.. فانا هروح الوقت عشان المفروض اني اعمل تقرير واجمع معلومات.. عن الحادثه دي..
بدر.. طيب محتاجه اجي معاكي..
سيلا.. لا خالص وبعدين انا راحه اشوف شغلي ..
بدر.. والله بقي كده.
سيلا.. ايوه كده مش قولنا محدش ليه دعوه بشغل حد.
بدر.. ماشي ياستي انا غلطان قولت احسن تخافي ولا حاجه..
سيلا.. لا متقلقش قلبي جامد..
بدر.. واضح جدا..
سيلا.. انت بتتريق عليا..
بدر..وانا اقدر..المهم خلي بالك من نفسك.. وياريت تخلي بالك من موبايلك واي وقت تعرفي تكلميني كلميني..
سيلا... اوك..
بدر.. خلي بالك من نفسك ياحبيبي..
سيلا.. حاضر وانت كمان هخلص واكلمك..
بدر.. مستنيكي ..
سيلا.. باي..
بدر.. باي ياحبيبي..
قفلت سيلا.. وهي كلها نشاط وحماس وايجابيه من مكالمت بدر..... وراحت علي مكان الحادثه.....
........
وحتي بدر.. كان مبسوط وحاسس بتغيير في حياته مفاجأ بس حلو...ركبت عربيته بدر.. بعد ما كلم عامر.. وراحله.....
.......
اما عند روكا...
فا بعد اللي حصل الصبح...كانت حالتها اسوء. من الاول فا بعد ما عامر جالها ومشي حست ان روحها اتسحبت منها وعلي اد ما كانت مش عايزه تقول اللي قالته علي اد ما كانت حاسه انها كان لازم تحسسه انها قويه كانت حاسه انها مشوشه جدا... كانت مبسوطه انها شافته.. وكانت مبسوطه من حضن هاشم لبها.. لاكن كان جواها كميه حزن..متتوصفش...فضلت حابسه نفسها طول اليوم في اوضتها.. ممنوش مستعده انها تأعد مع هاشم خصوصا الفتره دي.. مكنتش عارفه تقوله ايه عن اللي فات ولا كانت عارفه تقوله ايه عن الموقف اللي حصل مع عامر.. خصوصا انها اتفجأت انه كان واقف هو ووالدتها واختها..
بعد وقت طويل تدي النهار وجه الليل.. كان هاشم رجع...وبعد ما سأل صفيه عليها. عرف انها مخرجتش طول اليوم من اوضتها..ومش عايزه حتي تاكل..... فقرر انه يطلعلها اوضتها...
طلع.. هاشم...بعد ما طلب من صفيه وساره ان محدش يدخل عندهم ويسيبوهم مع بعض شويه...
خبط.. هاشم.. علي الباب...
روكا... بصوت طالع بالعافيه... ادخل...
فتح هاشم.. الباب...
اول ما لمحته روكا... حست ان ضربات قلبها زادت... من شدت توترها...
قامت روكا.. وقفت اول ما شافت والدها...
هاشم... عايز اتكلم معاكي..
روكا.. اتفضل يابابي..
دخل هاشم بعد ما قفل الباب وراه...
ودخل من غير كلام علي بلاكونت اوضتها....
دخلت روكا وراه من غير ولا كلمه...
اعد هاشم عالكرسي.. فضلت روكا واقفه...
هاشم.. بنبره جاده.. اعدي...
نفذت روكا.. من غير ولا كلمه...
فضل هاشم.. باصص عليها...ومركز عينه في عنيها..روكا.. بقت تحاول تبعد عينها... وتفرك ايدها في بعض... حست انها متوتره لاول مره في حياتها من والدها...
هاشم...من سبع سنين.. او خلينا نقول من تمن سنين. لما فضل مازن رايح جاي عليا عشان يطلب ايدك وانا ارفض.. ابتدت علاقتنا تتوتر.. وابتديتي تبعدي عني عشان حسيتي اني بقف ادام سعادتك..وبعدها بسنه قررتي انك تنفذي اوامره..وتسيبي البيت في عز الليل.. وتمشي معاه.. واتفجأت الصبح.. برساله جيالي... من مازن... انه قدر ياخدك مني.. وانه كتب عليكي وبعتلي صوره من عقد الجواز.. عشان يكسرني...مش هكدب عليكي نجح انه يكسرني وانتي ساعدتيه في ده جداا بس من جوايا كنت عالاقل مطمن انه جواز رسمي.....
بعدها بكام يوم.. خبر جوازكم اتنشر في اسكندريه كلها..حتي معاد الفرح كل الناس كانت غلي علم بيه ..
وقتها... انا مش بس اتكسرت لا انا كنت انتهيت... هاشم النجار بنته هربت مع حبيبها واتجوزت من وراه. وكمان بتعلن هي وهو بكل بجاحه عن معاد فرحهم .فالحقيقه اللي خلاني ارفع راسي شويه هو والده.. حقيقي راجل محترم.. وملوش علاقه بابنه نهائي..ووقتها كان مل اللي يسأل.. فين اهلها.. فين هاشم النجار ازاي يسيب بنته يوم فرحها.. كان رده اني مش موافق علي ابنه بس ساب بنته تعمل اللي يريحها..وسبب عدم وجوده انه مش عايز ابني...
وجه يوم فرحك وكل الناس كانت موجوده إلا اهلك...بعدها انتي نسيتي اهلك.. وسافرتي عالقاهره عشتي معاه... وبعدها بسنه ونص خانك مع سكيرتيرتك...
يعني.. خسرتينا عشان واحد خاين.. بعتينا واشترتيه.. وياريته اشتراكي.. ده رماكي بطول دراعه... وخانك في بيتك وعلي سريرك..قاطعتي اهلك عشانه مسمعتيش كلامي وفكرتيني بقف ادام مصلحتك .. انا بقول الكلام ده وهو فات وقته خلاص والكلام فيه مفيهوش فايده من الاساس.. بس عايز اسأل شويه اسئله.
كانت روكا بتسمعه بصمت ودموعها مبتقفش..اتأكدتي اني مكنتش واقف ادام سعادتك.. عرفتي اني كنت عندي حق.. عرفتي ان مفيش اب فالدنيا بيقف ادام سعادت ولاده.. طب ده انتي كنتي اقرب حد ليا.. كنتي روحي.. ده انتي لو كنتي طلبتي نجمه من السما لو اطول كنت جبتهالك..عمري مرفضتلك طلب....ازاي جه في بالك وقتها اني بقف ادام سعادتك وانتي كنتي اكتر حد عارفه اني سعادتك هي سعادتي...
كنتي مبسوطه يوم فرحك. وانتي واقفه بطولك..
حسيتي بالسعاده.. وانك انتصرتي واتجوزتي حب عمرك..
طب بلاش.. حسيتي براحه لما قطعناكي...
طيب هو قدر يملي فراغ اهلك..
قدر يغير فكرتي عن رفضي ليه..
مبسوطه رقيه باللي وصلتيله؟؟؟؟؟
روكا......
هاشم... ساكته ليه...
روكا... بدموع. مفيش كلام اقوله..
هاشم...عارف.. ان مفيش كلام يتقال اصلا..وعارف ان مش وقت كلامي انا كمان خلاص فات الوقت..
بس كان لازم اقوله ..
روكا... سامحني...
هاشم... بحاول من يوم ما كسرتيني بس مش عارف..
روكا... مقصدتش صدقني ..
هاڜم... يمكن..
روكا... كنت معميه بحبه..
هاشم... متعمتيش بحبنا ليكي ليه..
روكا... صدقني انا ندمانه علي اليومواللي عرفته فيه.. ندمانه علي كل لحظه قضيتها بعيد عنكم بسببه .
هاشم... بس فات وقت الندم ياروقيه...
روكا... انا لو عشت عمري كله.. حتي لو حضرتك رضيت عني.. هفضل ندمانه...وهفضل مكسوره ..
هاشم... حتي لو اتكسرتي عمر كسرتك هتبقي اد كسرتي ولا حتي 1%منها...
روكا... هو حضرتك كرهتني؟
هاشم.. مفيش اب بيكره ولاده.. بس في اب.. بيلاقي الحب في ولاده واب تاني لا.. وانا اديتك كل حاجه. كنتي اقرب ليا من روحي.. كنتي تؤامي.. كنتي بنوتي الصغيره. اللي كلمتها سيف علي رقبتي.. اللي ضحكتها عندي كانت بالدنيا اللي كنت انا فارس احلامها...واللي يوم ماتحب تتجوز تتحوز راجل شبههي...بس انا ملاقيتش كل ده منك.. لقيت عدم تقدير لقيت وجع وكسره ملقتش حب.. انا اديتك كل حاجه وانتي مدتنيش غير كسرتي وسط الناس ..
روكا.. بدموع.. متقولش كده والنبي انا اهون عليا اموت ولا اني اسمعك تقول كده انت راسك ديما هتفضل مرفوعه... انا غلط ومعترفه بغلطي بس انا معملتش خاجه عيب او حرام.. ولا حاجه تخليك توطي راسك انا اتجوزت جواز رسمي.. واتعملي فرح يعني كان في إشهار...
هاشم... بس مكنش ليكي وكيل ياروقيه...
صحيح كان جواز عند مأذون بس من غير رضا ابوكي.. فضلتي نفسك واللي انتي عيزاه عن اهلك ..كنتي انانيه اوي ياروقيه...
روكا... عندك حق... انا وحشه اوي.. ويمكن اول مره من سبع سنين احس اني وحشه اوي كده الوقت...
هاشم.... ياريت بس تكوني اتعلمتي من غلطتك وتعرفي ان عمري ما وقفت ادام سعادتك انتي واخواتك...وياريت متمشيش فاتحه صدرك للدنيا حاسه انك صح ديما واللي حواليكي غلط...وياريت متضيعيش من ايدك الناس اللي بيحبوكي...زي انهرده كده..
روكا... حضرتك تقد...قاطعها هاشم...
مش وقته... ومش عايز اتكلم في حاجه تخصك اصلا اظن انتي لغتيني من حياتك وانتي صغيره وعندك 18سنه.. الوقت انتي كبرتي وعندك 25سنه واظن كبرتي كفايه انك تدخليني في حياتك...بس بنصحك انك متضيعيش كل حاجه من ايدك
روكا.. بس انا محتجاك تكون معايا المرادي...
هاشم...لما احس من قلبي انك اتغيرتي هكون معاكي...
روكا...والله العظيم انا اتغيرت...عشان خاطري سامحني بقي انا تعبانه من غيرك.. ده ربنا بيغفر ...
هاشم..وانا سامحتك ياروقيه وغفرت بس مش قادر انسي...
المهم... اللي عايز اقولهولك...وقدري تسافري اي وقت تحبي عشان شغلك...ولو حبيتي تيجي اي وقت اكيد البيت مفتوح...
روكا... بفرحه.. بجد..
هاشم... حاولي تعوضي امك واختك عن غيابك.. وخصوصا امك.. اللي دموعها منشفتش عشانك...
روكا.. حاضر...
هاشم... قام وقف... بكل هيبه...اتمني تكوني اتغيرتي ياروقيه...
روكا... وانا نفسي تسامحني من قلبك
هاشم.. وانا قولتلك سامحتك
روكا... لا لسه لما ترجع تقولي روكا زي الاول هعرف انك سامحتني..
هاشم... بوجع... العشا اكيد جهز.. وهما مستنينا تحت..
روكا... بخيبه امل... حاضر هنزل حالا...
بدره. احداااااااااااااث كتيييييير استنوني
