فصلوني الملحد -بلهجة العراقيه-

النبي هود عليه السلام

وهذا أبوْ علي كبالك مارجع واحد ابد بس حلفه بضلع امة الزهرة وابنه عبدلله الرضيع والله مايردك وبهاي الرگبة.

بس طب وادعي بصفاء نية وبحركة گلب والله مايردوك بأذن الله يقضون حاجتك.

بس قبل لاطب روح اتوضى وروح بالبداية ادعي يم الشباﭺ وابجي شكد متريد وطلع نار كلبك يمهم وصلي صلاة المغرب والعشاء لأن أذن هسه ورا ماتكمل صلي ركعتين زيارة يم ابوفاضل ويم أبوْ علي.

ورا متكمل صلاة راح تلكا بالمكتبة كبالك كتب اخذ كتاب مفاتيح الجنان وطلع دعاء إبي حمزة الثمالي صح هو طويل بس ميخالف أقرا كله وركز بالكلام وادعي واذا ردت تبجي ابجي معليك بالناس ولاتستحي.

سيف: ماشي
بعد ساعة اجي الكاج بهذا المكان حتى مااتيهج.

اميمه: ان شاء الله
شفته راح وانه رحت للحمامات توضيت ورحت لـ ابوفاضل اول ماطبيت ركضت لضريحة جان مكان فارغ مو هواية ناس كيفت
بساع رحت وشبكت الشباﭺ وكعدت بالكاع وكمت ابجي بكل حركة گلب واكله:

دخيلك مولاي العجل العجل لصاحب الزمان
دخيلك مولاي نظرة منك لحالتي
دخيلك عد الله فرجها عليه وبرد گلبي وجفيني شر التايهات
وقويني وسهلي طريقي لـ هداية سيف أبن جگاره بجآه جدك الرسول.

طلعت نار گلبي لحد ما ارتاحيت
بعدين كمت صليت صلاة المغرب والعشاء وصليت ركعين زيارة
وركعين لتسهيل ظهور أمام الزمان
وركعتين للموته.

كملت ودعت ابوفاضل وتوجهت لشهيد كربلاء لـ سيد الشهداء
لـ أبوْ علي رحتله واول ماطبيت رحت لضريحة ولزمت شباﭺ وكمت ابجي واكله:

عمت عيني عليك مولاي
يساعد گلب مولاتي زينب عليك

ظليت اذكر احداث واقعة الطف وماتحملت كمت اصرخ بكل حركة گلب واكول:
دخيييييلج مولاييييي
يسااااااااااعد الله گلبج ياسيدتي.

شفت نسوان التمن عليه وانه اصرخ
وعبالهن بيه شي وجاي اصرخ ميدرن كلبي مجمر على فاجعة الطف.

دعيت وكمت صليت وضليت اقرة دعاء لحد ماكملت ودعت امامي وطلعت ورحت للمكان كلي عليه سيف وضليت منتظرته
مرت دقايق وشفته اجه يمي وكعد وكتله:

قبل الله

سيف: اشكرج

اميمه: شلون صرت؟

سيف: والله ماعرف شكلج
بس الي اعرفة انه وين جنت عن هاي الجنة؟
ارتاحيت راحة مو طبيعية واول مرة ابجي هيج صراحة كلش ارتاحيت.

اميمه: الحمدلله
وان شاء الله الراحة الدائمة الك.

سيف: آمين
اكلج ماجعتي؟

اميمه: شوية

سيف: انه ميت جوع امشينة نتعشى بالمطعم

اميمه: خوش
كمت ويا وحسيت بأمان ويا صراحة مفروض اخاف منه حتلو رجلي على سوالفة المكسرة كلها تجفل منه بس ان شاء الله يتغير.