High Energy QR Code [ Myanmar translation ]

Chapter 18 _ စည်းမျဉ်းများ

ယေဘုယျ အဆင့်သတ်မှတ်ချက်: 0.5 star item (အကောင်းဆုံး 5 stars အဆင့်သတ်မှတ်ချက်မှ)။ စွန့်ပစ်ပစ္စည်းထက် အနည်းငယ်သာသည်။

အဆင့်သတ်မှတ်ချက်က…. အလွန်ပင် နိမ့်နေသည်ပင်။

ရှင်ယဲ့ မှန်ကို ဖွင့်လိုက်သည်။ မှန်မျက်နှာပြင်မှာ မှောင်မိုက်လျက်ရှိနေလေသည်။ ရှင်ယဲ့ လက်ချောင်းများဖြင့် မှန်ကို ခေါက်ကာ ဆိုလိုက်၏: “ထတော့၊ မင်းက mission item တစ်ခု မဟုတ်တော့ဘူး”

မှန်မျက်နှာပြင်မှာ လင်းလက်လာခဲ့သည်။ သို့သော် ရှင်ယဲ့၏ မျက်နှာကို အခုထိမပြပေးသေးဘဲ ဗလာသာ ဖြစ်လို့နေ၏။

မှန်မှာ တုန်လှုပ်သွားပြီးနောက် အသံတစ်သံ ထွက်ပေါ်လာသည်: “ငါ ဘာလို့ ဒီမှာရှိနေတာလဲ?”

ထိုအသံမှာ အလွန် ငယ်ရွယ်၊ အလွန် လန်းဆန်းကာ၊ အလွန် ရှင်းလင်းနေလေ၏။

“ဇာတ်ကြောင်းကို ပြီးပြည့်စုံအောင် လုပ်နိုင်ခဲ့တဲ့အတွက် ရတဲ့ဆုပေါ့” ရှင်ယဲ့က ဆိုသည်။ “မင်း နောက်ထပ် Systemဆီက ထိန်းချုပ်ခံရမှာ မဟုတ်တော့ဘူး”

မှန်က ခဏအကြာ တွေးတောလိုက်ပြီးနောက် မေးလိုက်လေသည်: “ဇာတ်ကြောင်းကို ပြီးပြည့်စုံအောင် လုပ်နိုင်ရင် ရတဲ့ဆုရှိတာလား? ငါ အဲ့လိုမျိုး တစ်ခါမှ မကြုံဖူးဘူး….”

ရှင်ယဲ့ကတော့ ပုံမှန်ပဲဟု ထင်သည်: “အဲ့ဒါဆို မင်း တစ်ခါမှ ဇာတ်ကြောင်းကို ပြီးပြည့်စုံအောင် မလုပ်ဖူးတာဖြစ်မယ်”

မှန်မှာ ထပ်ပြီး စဉ်းစားကြည့်လိုက်လေ၏: “ပုံမှန်ဆို၊ အနိုင်ရတဲ့အတွက် အထူး QR code တစ်ခုကို ယူလို့ရတယ်လေ။ မင်း ယူပြီးပြီလား?

“မရဘူး။ ပုံပြင်ထဲက item တစ်ခုနဲ့ အထူး QR code နှစ်ခုထဲက တစ်ခုပဲ ရွေးလို့ရတယ်။ ငါ မင်းကို ရွေးလိုက်တာ”

မှန်မှာ အလွန် ဒေါသထွက်သွားသော လေသံဖြင့် ဆိုလေ၏: “မင်းက ငတုံးလား? ရှုပ်ထွေးပွေလီကမ္ဘာကို  အထူးစွမ်းရည်တွေ မရှိဘဲနဲ့ သွားလို့မရဘူး! ငါ့ရဲ့ ပွိုင့်တွေက သုညပဲ ရှိတာ။ ငါရဲ့ မူလစွမ်းရည်တွေကိုလည်း သုံးလို့ မရဘူး။ အထူး QR codeတွေကိုလည်း System က ပြန်ယူသွားပြီ။ မင်းအတွက် လုံးဝ အကူအညီဖြစ်မှာ မဟုတ်ဘူး!”