ندي طلعت فونها بدموع وجابت رقمه ورنت
ندي بعياط : الو الحقني يا ياسر .....
ياسر بخضه : ندي مالك يا قلب ياسر بتعيطي لي فيكي اي انتي فين
ندي مأخدتش بالها من الكلمه وكملت بدموع : ابيه اسلام هيقتلها انا عارفه
ياسر : ندي يا ندي اهدي كده انتي فين
ندي : انا في المستشفي بتاعت ابيه
ياسر قلبه اتقبض من وجودها في المستشفي : مستشفي لي وفيكي اي طمنيني عليكي انتي كويسه
ندي : تعال بسرعه انا محتجالك قوي يا ياسر
ياسر : حاضر يا ندي حاضر مسافه الطريق
****************************
عند سلمي في اوضتها
سلمي ماسكه الفون وفاتحه الاكونت الشخصي بتاع اسلام وعماله تتفرج عليه وهيا معجبه بيه جدا وعماله تتخيل انها صاحبه الاملاك دي كلها وانا الكل في الكل وهيا الي تحكم في كل حاجه فاقت من تخيلاتها علي ماسدج
محتوي الماسدج
( انتي فين في مصيبه حصلت .... لما تعرفي تكلميني كلميني ضروري .... الصور الي نزلتها لتقي علي اكونت الكليه ولما اتفضحت كل ده اتمسح وطلع شخص قال انها مراته والي عمل في مراته كده هيندم )
سلمي اتنفضت من مكانها ومسكت الفون ورنت علي الرقم
سلمي : الو بتقول اي انت اي الكلام الي انت بتقوله ده
الشخص المجهول : زي ما بقولك والله
سلمي : اسمه اي الشخص ده بسرعه
الشخص المجهول : اسمه اسلام الدسوقي
سلمي بجنون : مستحيييييل الكلام ده كذب انا مش هسمح ليها انها تأخد حاجه انا عاوزاها او نفسي فيها اتصرف بطريقتك والا هفضحك واعترف بكل حاجه
الشخص المجهول : لي بس يا ست هانم انا مالي انا عملت كل الي انتي عاوزاه
سلمي : غور من وشي واتصرف ان شاء الله حتي تقتلها او تختطفها اتصرف
وقفلت الفون وهيا حاسه انها بتمووووت
*****************************
عند منير
منير وصل لمحل بيبع مستحضرات تجميل وحاجات التمثيل وطلب من صاحب المحل دقن وشنب مستعار ووراه الشكل بتاع الدقن والشنب واخد الحاجه ورجع بسرعه علي المخزن ووصل ودخل لجاسر
منير : دلوقتي بس هعرف اذا كنت انت نفس الشخص الي كان عاوز يدمر شركه اسلام بيه ولا لا
جاسر قلق : انت بتقول اي انا معرفش اصلا مين اسلام ده
منير طبعا كان رابط جاسر من ايده ورجله يجنزير في الكرسي وقرب منه وطلع الشنب والدقن
جاسر فتح عينه بصدمه وقال هيعرفني اول ما يلبسني الدقن انا كده انتهيت
منير قرب وركب الشنب والدقن واتصدم
منير : قولي انت دخلت شركه اسلام الدسوقي لي واعمل حسابك الكدب مش هينفعك ولا الانكار هيفيدك ولا اقولك استني وطلع فونه وصور جاسر كذا صوره بالدقن والشنب وصوره فيديو وهو بيشيل الشنب والدقن و فتح نت وبعت الفيديوهات والصور ل علي وهو يتأكد برضوا بنفسي ونستني نشوف اسلام بيه هيعمل فيه اي .......
مصطفي : انت
منير بصله : اتكلم بأدب ولا اقولك اخرص خالص مش عاوز اسمع صوتك اصلا
مصطفي : فكني وخرجني من هنا يلا
منير ضحك بصوته كله : انت بتؤمرني ما شاء الله وواثق من نفسك طب اسمع بقا يا عم الشبح انت قربت من ممتلكات اسلام الدسوقي
مصطفي بصوت عالي : اخرص تقي مش ملك حد تقي ملكي انا وبس سامع ملكي انا وبس
جاسر اتصدم وكلم نفسه هما قصدهم علي تقي بنت عمي طب مالهم ومالها ومال اصلا الشخص ده بيها ومال اسلام الدسوقي ببنت عمي
منير : شكلك بتحب الضرب من عيوني ...رعد ..يااااا رعد....
رعد : نعم يا منير بيه
منير : عاوزك تروقه مع ماجد جوه
رعد : اوامرك يا باشا حاجه تاني
منير : اها اسلام بيه عاوزه عايش فخلي بالك اضرب بس متموتش
رعد : تمام يا باشا ...
*****************************
عند دكتور ابراهيم
دكتور ابراهيم : دكتوره سلمي الاكل وصل اهو
سلمي : جه في وقته انا ميته من الجوع
ابراهيم: بالهنا علي قلبك ....
سلمي: الله يهمنيك يا دكتور ابراهيم
ابراهيم : احمم.... بقولك صح شوفتي الموقف المحرج الي حصلي
سلمي بإنتباه : خير حصل اي
ابراهيم: الموضوع ان دكتور مراد كلمني وقالي انك في غرفه الكشف وفي مريضه تحت وانتي بتكشفي عليها وطلب مني انزل واساعدك المهم يا ستي نزلت وخبطت ودخلت بس للاسف المريضه مكنتش لابسه حاجه علي شعرها انا افتكرتها مش مسلمه بس استغربت لما لاقيتها بتزعق وحطت الطرحه علي شعرها بس اتحرجت قوي
سلمي : اها قصدك الانسه تقي
ابراهيم بفرحه داخليه : اي ده هيا اسمها تقي
سلمي : اها اسمها تقي بس اي ما شاء الله عليها جميله قوووي وعلي درجه عاليه من الاخلاق ما شاء الله عليها
ابراهيم : اممم .... طيب انا افتكرت حاجه مهمه فلازم اخلصها معلش بقا بعد اذنك انتي كملي اكل براحتك سلام
سلمي استغربت واتضايقت من تصرفه بس ردت بثبات انفعالي : تمام سلام
ابراهيم : خرج وقال انه لازم يعرف عنها كل حاجه هو ديما ماشي ورا قلبه و هيا دخلت قلبه
*******************************
عند اسلام
اسلام ماشي و بيشد تقي وراه وركبها العربيه بكل عصبيه وركب هو كمان وساق بسرعه جنونيه لدرجه ان تقي من الخضه اغمي عليها وهو لا شايف ولا حاسس بأي حاجه ذكريات الماضي كلها قدام عنيه وشاف اكتر واحده اتأذي بسببها لا هو مش تربيتها كلهم خاينين انا هثبتلك اني مش تربيتها انا اسلام الدسوقي وبس ووصل لحد الفيلا وبص عليها لاقاها مغمي عليها مسك ازازه المايه وكبها كلها في وشها تقي شهقت وفاقت ودموعها علي خدها وبتعتذر منه بعنيها قبل لسانها
بس هو مهتمش لانه مش شايفها هو للاسف شايف الي اذته الي اهانت كلمه امومه بعملتها شاف اكتر واحده بيكرهها ونزل بسرعه وفتح باب العربيه وشدها نزلها من العربيه
تقي : انا اسفه والله مكنش قصدي يا اسلام بيه سامحني علشان خاطر ندي
اسلام شدها وهو فعليا مش سامع اي صوت او شايف حاجه وفتح باب الفيلا ودخل بس مطلعش فوق هيا كانت مفكره انه هيعتدي عليها ويخطف منها براءتها بس لما لاقته داخل اوضه المكتب اتنهدت شويه
اسلام دخل المكتب ووصل لحد المكتبه وشد كتاب من المكتبه والارضيه اتفتحت وبان منها سلم نازل لتحت
اسلام شد تقي ونزل بيها السلم وهيا وراه واستغربت وخافت لان لما نزلت كان موجود مكان كله حديد شبه السجون وسوط وكلابشات وخافت اكتر لما اسلام شدها وقعدها علي الكرسي وربط ايديها ورجليها وقلع جاكت بدلته ومسك السوط.......
يا تري حد هيساعد تقي ؟؟؟؟
يا تري عملوا اي في ماجد اصلا ؟؟؟
يل تري جاسر هيعملوا فيه اي ؟؟؟؟
