تالين وصلت عند ندي ولاقتها قاعده بتقرأ في المصحف
تالين لنفسها: مجرد صديقه ل تقي و بصي واقفه جمبها ازاي الدور و الباقي عليكي انتي يا بنت عمها سيبتيها في التهلكه علشان خاطر واحد ميسواش
تالين: السلام عليكم ازيك يا ندي
ندي: صدق الله العظيم وعليكم السلام اهلا بحضرتك
تالين: اها نسيت اعرفك بنفسي انا تالين بنت عم تقي
ندي بترحاب : اها اهلا وسهلا بيكي اسفه معرفتكييش
تالين : ولا يهمك بس انا اعرفك لان تقي ملهاش سيره غيرك كل شويه ندي عملت كذا ندي بتحب ده متعمليش كده ندي مبتحبش التصرف ده حسيتك انك شريكتي فيها
ندي بضحك : انتي ليكي الحق تكرهيني بقا
تالين بضحك هيا الاخره : لا يا ستي مش للدرجه دي انا اقتلك واخبي جثتك احسن
ندي بضحك : لا ده انتي عنيكي بتطلع ليا قلوب كده
وضحكوا الفتاتان وتبادلوا ارقام بعض وتالين حبت ندي لانها فعلا انسانه نقيه بنقاء الثلج ليس بها اي عيوب
وندي حبت تالين ولمست فيها خوفها الفعلي علي تقي
تالين: اي الغباء بتاعي ده نسييييت اسألك علي مرات عمي اخبارها اي
ندي بطمأنه: خير الحمد لله العمليه بتتعمل جوه وان شاء الله هتبقي كويسه
تالين : الحمد لله بقولك اي يا ندي عاوزه اقولك سر
ندي : اتفضلي
تالين: عمامي عاوزين يموتوا تقي او يجوزها ل جاسر اخويا
ندي بعصبيه شديده: لي البلد مفيهاش قانون هما اتجننوا ولا اي بصي الي هيبص بس مجرد بصه لتقي انا هسيب اسلام الدسوقي هو الي يتعامل معاهم
تالين بصدمه: قولتي مين
ندي : اسلام الدسوقي
تالين : انتي تعرفيه منين
ندي : ده اخويا الكبير
تالين وانسحب الدماء من وجهها : اها ربنا يخليهولك بس صح كده هو يدافع عن تقي بس تفتكري اخوكي ممكن يعمل فيهم اي
ندي بضحكه خفيفه : دول نقول عليهم كانوا طيبين والله😂😂
تالين بسعاده لما سيحصل لاعمامها الطامعين في المال : احسن يستاهلوا
ندي : المهم انا هسيبك هنا مع طنط وانا هروح انقل العفش مع شركه الشحن
تالين بسرعه : لا لا متروحيش البيت هناك لوحدك من غير حراسه ممكن حد يتعدي عليكي من اعمامي انا عرفاهم
ندي : يا بنتي بقولك اسمي ندي الدسوقي نسيتي ولا اي
تالين : ماشي بس انا قلقانه عليكي
ندي : متقلقيش وعلشان تطمني انا اصلا الطبيعي بتاعي في عربيه حرس ماشيه ورايا ديما
تالين : طب الحمد لله يا ندي متتأخريش عليا
ندي: حاضر هتعوزي حاجه اجبهالك وانا جايه
تالين : تسلمي يا ندووش
ندي : باي
خرجت ندي من المستشفي ورايحه ناحيه عربيتها لاقت حد بينادي عليها يا انسه يا ام شنطه بيضه
ندي بضحك لنفسها: والله ما في حد ابيض منك يا كرتونه بيض يلي بتنادي
جاسر: ازيك يا انسه
ندي وقد تذكرته : اهلا نعم
جاسر : متعرفتش عليكي فوق انا جاسر اب..
ندي قاطعته : عرفاك كويس السبب الاول في مشاكل صاحبتي واسفه مبتعرفش
تركته ندي ومشيت بس للاسف الحارس بتاع ندي كان صور جاسر وهو واقف مع ندي وندي مشيت وسابته وفورا اتصل بمديره يخبره يتصرف ازاي .....
******************************
وصلت تقي الشركه
تقي لنفسها وهيا منبهره من جمال الشركه فكانت الواجهه للشركه بأكملها من الزجاج الازرق اللامع: انا هشتغل اي في الشركه الكبيره دي خصوصا انا مهندسه ودي شركه استيراد وتصدير يعني مش مجالي ربنا يستر
دخلت تقي من بوابه الشركه
تقي للموظفه في الاستقبال : لو سمحتي عاوزه مكتب المدير
سالي الموظفه : بصتلها من فوق وتحت بقرف وبتقولها عاوزه المدير في اي واصلا اي دخلك الشركه بمنظرك ده
تقي ببعض الحده : انا مسألتكيش علشان تردي عليا بسؤال اطلعي بلغي مديرك ان تقي مستنيه تحت
سالي بضحكه مايصه : ابلغه ان تقي مستنيه تحت هههههههه انتي بقي تقي عامله النظافه الجديده طب براحه علي نفسك ليطقلك عرق ولا حاجه
تقي بصدمه : عامله نظافه
سالي ونادت علي شخص : ماجد ... يا ماجد
ماجد : اي يا سالي
سالي: خد الانسه الجديده دي وسلمها اللبس بتاع الشغل وعرفها هتعمل اي
ماجد بنظره خبيثه ومتفحصه لتقي : تمام يا سالي مش بطااال
سالي بضحك وقد علمت مقصد ماجد : بالهنا والشفا
تقي بصتلهم وهيا مش عارفه قصدهم اي بس كل الي فهمته انها جايه هنا تشتغل عامله نظافه
فجأه هاتف تقي رن بيعلن عن وصول رساله
( انتي لسه هتقفي تفكري بسرعه اتحركي شوفي شغلك و لو مش عاجبك وظيفتك تقدري تستقيلي وتدفعي في الخزينه مليون جنيه + عمليه امك هتقف في الحال )
تقي بصدمه: مليون بتاع اي
وبعتت لرساله لنفس الرقم:
(مليووون جنيه بتوع اي انا كل الي استلفته منك 300 الف بتوع العمليه)
بعتت الرساله واستنت الرد
وفجأه هاتفها اعلن عن وصول رساله جديده
(هو انتي مبصتيش في عقد الشغل الي مضيتي عليه النهارده الصبح انك هتشتغلي عامله نظافه لمده سنه ولو قررتي تستقيلي هتدفعي شرط جزائي مليون جنيه وانتي مضيتي يعني موافقه +انتي مش هتقبضي ولا جنيه من شغلك هنا علشان المرتب الي هتاخديه هنا لمده سنه هيسد نص المبلغ الي انتي مستلفاه والنص التاني من فلوس شغلك في الفيلا ك خدااامه وكده تبقي خلصتي الفلوس الي عليكي وتغوري من حياتي انا واختي وتم خصم يومين كمان علشان واقفه متنحه ومش شايفه شغلك صح كوبايه قهوه علي مكتبي حالا )
تقي دموعها نازله وحست ان كرامتها اتهانت خصوصا من هذا البني ادم الغليظ كيف له ان يجرحها بهذه الطريقه ولاكن لا بأس فلتمر هذه السنه علي خير
******************************
عند ندي
وصلت ندي البيت عند تقي ومعاها شركه الشحن كلمت صاحب البيت
ندي : يعني حضرتك ليك كام شهر
عم سعد بكذب: ليا 10 شهور
ندي : تمام الفلوس اهي ممكن المفتاح بقا علشان اشيل العفش
عم سعد : لا طبعا ابني الاول
ندي بإستغراب : ابنك مين
عم سعد : ابني ابراهيم الي المحروس اخوكي اخده
ندي : بص انا معرفش انت تقصد اي او بتتكلم عن اي بس اخويا هياخد ابنك يعمل بيه اي ولو الكلام ده صح هتلاقي ابنك جايلك النهارده ممكن بقا المفتاح
كانت نبره ندي نبره تهديد ف عم سعد خاف لانها واضح عليها انها بتنفذ كلمتها
عم سعد : ماشي يا هانم اتفضلي المفتاح اهو بس قبل المفتاح توعديني ان اخوكي يرجعلي ابني
ندي : تمام اوعدك
ندي دخلت البيت مع شركه الشحن
وبعد ما نزلوا العفش كله تحت وجات تنزل لاقت رجاله كتير في وشها وبيسألوها عن تقي
حسين : انتي يا بت فين تقي
ندي : انا مش هرد عليك علشان انت بس راجل كبير غير كده كنت هوريك مين البت دي
جاسر استغرب وجود نفس البنت في البيت هنا
جه حسين يزق ندي ايده وقفت مكانها وكلهم بصوا للشخص الي مسك ايد ندي
ياسر بعصبيه : لو فكرت مجرد تفكير انك ترفع ايديك في وشها تاني يبقي قول علي روحك يا رحمن يا رحيم
مش ندي الدسوقي الي واحد ميسواش يرفع ايديه في وشها
وقعت الصدمه علي جاسر كمن سكب عليه دلو ماء ساقع في ليله شتاء بارده🍁
اي رأيكم في البارت واسفه علي التأخير❤❤
