تقي وصلت هيا وجاسر البيت ودخلوا البيت سوا
تقي بتدور بدموع في اوراق امها علشان تلاقي ورق المستشفي وجاسر كان جايبلها ليمون علشان شايف الارهاق علي وشها وهو بيديها الليمون تقي قامت وقفت مره واحده فكوبايه الليمون اتكبت علي قميص جاسر
تقي بأعتذار: اسفه يا جاسر بهدلتك هات القميص بتاعك اخش اغسله وانشفه بسرعه علي ما انت تكمل علي باقي التحاليل
جاسر : مافيش داعي يا تقي
تقي : لا هاته بس مافيش داعي اي انت هتبقي ملزق من الليمون هات القميص بس
جاسر: طيب
وابتدي يفك ازار قميصه وكشف عن جزعه العلوي وظهرت عضلاته البارزه بشده فهو يملك جسد رياضي
تقي لنفسها:مكنش لازم اقوله اغسله القميص هاجي ادور تاني معاه ازاي وهو عريان كده اخفضت رأسها بخجل واخدت القميص منه بخجل شديد وخرجت من الاوضه .
*************************
منير وصل المنطقه بتاعت تقي ببعض من رجال اسلام وابتدي فعلا يوزعق الورق علي اهل المنطقه وعلق الصور الكبيره علي احد العمائر
الناس اتجمعت واحد بصوت جهوري دي بقت قله ادب كلنا افتكرناها محترمه احنا هنطلع نجيبها ونكرشها حاليا من البيت دي خطر علي بناتنا
احدي النساء : قال اي بنتي بتعتبرها قدوتها علشان بتشتغل وتدرس تيجي تشوف شغلها
عم سعد صاحب البيت: انا عندي بنات ومستحيل اقبل بقله الادب دي في البيت
ست عجوز: يا جماعه ممكن نكون ظالمينها
عم سعد: مافيش دخان من غير نار
واحده واقفه من رجال منير: احنا نطلع نجيبها من شعرها حاليا انتم لسه هتقولوا بريئه ومش بريئه دي بترسم علينا قناع البراءه علشان تعمل الي هيا عاوزاه
واحده من الي واقفين : الست دي معاها حق
وبالفعل اجتمعوا النساء والرجال وطلعوا يخبطوا علي شقه تقي....
*************************
ليلي بترن علي ندي
ليلي بحزن: الو
ندي ببعض القلق من نبره صوت صديقتها: اي يا ليلي سمعاكي
ليلي بأسف: الصور حقيقيه يا ندي للاسف مش متفبركه دي فعلا صاحبتك
ندي بدموع: ازاي مستحيل انا لازم افهم من تقي بنفسي اصل انتي متعرفيهاش دي محترمه جدا دي مش بتسيب فرض دي عمرها ما وقفت مع شاب في الكليه
ليلي بحزن : فعلا لازم تفهمي منها ممكن تكون مظلومه
تقي بتأكيد علي كلام ليلي: فعلا اكيد مظلومه....
*****************************
منير بيرن علي اسلام
منير : الو
اسلام: طمني
منير:كله تمام يا باشا اهل المنطقه طالعين يجبوها من شعرها
اسلام: وانت مستنيه اي يا غبي اطلع شوف هيحصل اي متسيبهاش غير وهيا مرميه في الشارع
منير : تمام يا باشا وقفل الخط
اسلام اخد مفاتيح عربيته وروح البيت
اسلام اول ما وصل البيت نادي علي داده رتيبه
اسلام: داده رتيبه يا داده انتي فين
داده رتيبه: اي يا بني انا اهو
اسلام راح عندها وطبع قبله حانيه علي جبينها: تيته فين ندي
داده رتيبه بقلق : نايمه من بدري يا حبيبي
اسلام بإستغراب فعاده ندي السهر: ماشي يا داده انا طالع اخد شاور
اسلام أكد لنفسه ان ندي تدعي النوم خوفا من المواجهه ولاكن قد اقترب موعد العشاء وهو موعد مقدس بالنسبه لاسلام ووالده ولا يسمحوا ابدا بالاعتذار عن موعده وأكد لنفسه انه هيكلم ندي بخصوص الكافتريا ولاكن ليس امام ابيه فهو يعلم ان ابوه شديد الصرامه.....
