جاسر مجرد ما سمع اسمها اتصدم معقول هيا اخت اسلام الدسوقي ولا ده تشابه اسماء فضل في حيره وخوف وقطع تفكيره صوت عمه حسين
حسين بعصبيه : وانت مين انت كمان واحد من زباينها
ياسر بعصبيه شديده وبكل قوته ضرب عم حسين بالقلم
الكل اتصدم من الي حصل حتي ندي لانها متوقعتش رد الفعل ده من ياسر
عم حسين مرمي في الارض ومناخيره بتنزف اخوه احمد قومه هو وجاسر
عم حسين بضعف شديد وانكسار :وجه كلامه كله ل ندي وصلي ل تقي رساله انها ماتت بالنسبه لينا 💔💔💔💔
نزل حسين واخوه وابن اخوه و كل واحد فيهم في فدماغه الف فكره وفكره
عند ندي وياسر فوق
ندي بعصبيه شديده : انت بني ادم همجي ازاي تمد ايديك علي واحد من عمر ابوك عارف انا استحقرتك النهارده فوق ما تتخيل
ياسر بصدمه فهو سقط من نظر حبيبته : ماشي يا ندي بس مكنتش هقدر اشوفه بيقل ادبه عليكي واسكت عموما الكلام ده هيوصل لاسلام وهو يتصرف معاه بطريقته
ندي بحده : والله هو انت وابيه اسلام بقيتوا بلطجيه وقتالين قتله ولا ايه
ياسر مقدرش يسمع منها اهانه اكتر من كده ومن غير ما يحس كان ضرب ندي بالقلم
ندي من قوه الضربه وقعت علي الارض وكبرياءها اتكسر 100 حته
ندي لنفسها بإنكسار : انا ازاي حبيت واحد زيك انا بكرهك يا ياسر بكرهك قوي
ندي قامت واخدت شنطتها ونزلت بإنكسار فالصفعه لم تؤلمها ولاكن حبها هو من كسرها وقررت في نفسها انها تنساه ومتفكرش فيه تاني هو انسان لا مش انسان هو حيوان بيحمل قلب من صخر بكرهك يا ياسر💔💔💔
****************************
عند تقي
تقي دخلت غيرت هدومها ولبست اليونيفورم بتاع الشغل و مسكت فونها وقررت تتصل ب ندي
تقي بترن ومحدش بيرد قلقت رنت تاني برضوا محدش بيرد تقي القلق زاد وافتكرت تالين
تقي بترن علي تالين
تقي بلهفه لما الخط فتح : الو السلام عليكم ازيك يا تالين طمنيني علي ماما لو سمحتي
تالين بضحك : يا بنتي خدي نفسك اولا الو وضحكت ثانيا عليكم السلام ورحمه الله وبركاته ثالثا انا الحمد لله رابعا طنط كويسه الحمد لله الدكتور قال ان هيا كلها نص ساعه وتخرج من العمليات
تقي بإرتياح : الحمد لله يا تالين كنت قلقانه لان ندي مش بترد عليا خالص
تالين : ندي راحت مع شركه الشحن بس وسكتت مره واحده وجات قالت لتقي بخوف يلهوي لو جرالها حاجه من عمامك
تقي بقلق شديد علي صديقتها : لا بعد الشر ان شاء الله كويسه بصي يا تالين لو جات او اتصلت بيكي كلميني ضروري
تالين : تمام يا توتي بس صح انتي فين
تقي : هحكيلك بعدين يا تالين المهم خليكي جمب ماما
تالين : حاضر يا قلبي يلا باي
تقي : في رعايه الله .
تقي خلصت المكالمه وخرجت من الحمام وسألت علي الكافتريا فين وصلت تقي المكان الي هتشتغل فيه اتفاجأت انها لوحدها ومافيش اي حد غير ماجد بس
ماجد بخبث : ازيك يا انسه تقي
تقي بصرامه : اهلا لو سمحت ممكن تعرفني انا هعمل اي هنا علشان المدير كان طالب مني قهوه وانا معرفش انتم نظامكم اي هنا
ماجد بضحك : اهدي يا بنتي اي كل ده بصي اولا كده اعملي قهوه ساده بس مش بن بنسكافيه بلاك وطلعيهم مكتب استاذ اسلام وانزلي هكون كتبتلك ورقه هنا بكل المشاريب بتاعت الموظفين وهتعملي اي
تقي عملت القهوه واخدتها وطلعت بره الكافتريا وبتسأل مكتب اسلام بيه فين قالولها الدور ال 16
تقي شهقت من الارتفاع وهيا اصلا بتخاف من الاماكن العاليه واكيد في اسانسير وهيا مستحيل تركبه مستحيل تعيد نفس الذكريات تاني فقررت تطلع من الدور ال 4 للدور ال 16 علي السلم بالفعل تقي طلعت وخلاص تعبت ووشها بقي اصفر وبتعرق وصلت المكتب
مايا السكرتيره : اي ده مالك يا انسه بتنهجي كده لي ووشك اصفر مطلعتيش في الاسانسير لي والقهوه تلاقيها بردت وناولتها مايه تشرب
تقي بعد ما شربت : شكرا لزوقك معايا
مايا بهدوء : لا شكر علي واجب قومي دخلي القهوه لاستاذ اسلام واما تخرجي نتعرف
تقي بابتسامه بشوشه : حاضر بعد ازنك
مايا : اتفضلي
خبطت تقي علي باب المكتب
اسلام بصوت خشن : ادخل
دخلت تقي وهيا عنيها في الارض وبصوت هادي القهوه يا فندم
اسلام ببرود : ساعه علشان تجيبي فنجان قهوه اما هتقدري علي خدمه الموظفين هنا ازاي انا رأي تستقيلي بدل ما تتبهدلي هنا
تقي ولسه عينيها في الارض : لا انا بس مجرد ما اتعود علي المكان وعموما اسفه علي التأخير
اسلام متضايق من تجاهلها ليه وانها بتبص في الارض وحتي مرفعتش عنيها علشان تشوفه : طيب هاتي القهوه اما اشوفك تنفعي ولا لا
وبمجرد اسلام ما داق القهوه وقام حاطت الفنجان بعصبيه وبصوت جهوري انتي اتجننتي القهوه بارده شبه مشاعرك ده اولا ثانيا ساده وملهاش طعم زي وجودك في حياه الناس ثالثا ده نسكافيه بلاك شبه سواد قلبك واخلاقك وبكل قوته كب القهوه في وش تقي
تقي من الصدمه رفعت عينيها بغضب ليه لاكنها اتصدمت اكتر لما شافته نفس الشخص الي دمر حياتي هو هو الي بسببه اتكرشت من شغلي ولاكن انا عملتله اي علشان يذلني بالطريقه دي
تقي بدموع وبصوت بتحاول تخرجه ثابت لاكن نبرتها خانتها واتكلمت بإنكسار : اولا انا عملت الي اتقالي ان حضرتك بتحب القهوه ساده وتكون نسكافيه بلاك واسأل استاذ ماجد ثانيا انت بتعمل معايا كده لي كل ده علشان كوبايه المايه الي اتكبت علي حضرتك بالغلط ومكنتش اقصد واديك ردتهالي وكبيت القهوه في وشي اظن كده ضميرك مرتاح ده اذا كان عندك ضمير اصلا
اسلام بعصبيه من ردها عليه : اومال واحده رخي** زيك الي عندها ضمير واحده باعت نفسها للي يدفع اكتر
ندي بصوت عالي : اخرس قطع لسان الي يقول عليا كلمه وحشه مش مسامحه اي انسان غلط في حقي ومن دلوقتي لحد السنه ما تخلص مش عاوزه احتك بيك لانه ميشرفنيش اتعامل مع انسان رجعي ومتخلف زيك
اسلام بعصبيه : انا الي ميشرفنيش ان واحده زيك وفي اخلاقك المنح** دي تتعامل مع اسيادها انا لو خليتك تمسحي جزمتي يبقي ده شرف ليكي
تقي بإنكسار مشيت وسابته وده جننه اكتر
خرجت تقي وهدومها مبلوله قهوه ودموعها نازله زي الشلالات علي خدها
مايا بلهفه وقلق شديد عليها فهيا احبتها منذ ان رأتها حتي دون التحدث معها : فيكي اي مالك حصلك اي
تقي بتعيط وساكته مبتردش
مايا مره واحده اخدت تقي في حضنها وقالتلها بس اهدي اكيد ماجد وقعك في مشكله انا عرفاه انسان رجعي وزباله
تقي بدموع : انا اتكسرت وكبريائي اتكسر بسببه
مايا بتهدئه : معلش بصي متتعامليش مع استاذ اسلام وهو هيحس بغلطه وهيعتذر انا متأكده من كده
تقي بدموع : مش عاوزه اعتذار عاوزه السنه دي تخلص وخلاص
مايا بعدم فهم : طب قوليلي اسمك اي بس الاول
تقي بضحك وسط دموعها : وحضنتيني وبتدلعي فيا من غير ما تعرفيني افرض كنت من تجار الاعضاء وخطفتك دلوقتي
مايا بتمثل الخضه : ما انتي خطفتي اهم اعضائي يا تقي
تقي بإستغراب : خطفت اي يا بنتي
مايا بتمثيل الخضه وهيا بتحط ايديها علي قلبها في حركه دراميا : قلبااااااي
تقي بضحك من وسط دموعها : شكلك طيبه يا....
مايا بضحك : اسمي مايا
مايا قدرت بطيبه قلبها تخرج تقي من المود واتبادلوا ارقام بعض ومايا وعدت تقي انها هتكلمها بليل
وتقي نزلت وقررت تتجنب ماجد السبب في المشكله بتاعت النهارده وفرحت ان في الشركه دي حد طيب زي مايا.........
