يا بنات اسفه جدا جدا جدا علي التأخير غصب عني والله ظروف هعوضكم بإذن الله وانزلكم اليومين الجايين بإنتظام وحشتووووووني❤❤❤❤
تقي نزلت وقررت تتجنب ماجد
ماجد اول ما شاف تقي متبهدله رسم علي شفايفه ابتسامه انتصار وشالها بسرعه اول ما تقي قربت عنده
ماجد بتمثيل الصدمه: انسه تقي مالك جرالك اي
تقي بحده: ولا حاجه شكرا لاهتمامك ممكن بقي تتفضل علي شغلك
ماجد بإستغراب: حصل اي بس يا تقي
تقي بعصبيه : لو سمحت مترفعش الالقاب بينا اسمي المهندسه تقي
ماجد ضحك بصوته كله : مهندسه مره واحده انتي هنا مجرد جرسونه يعني احنا عدلنا الاسم من خدامه لجرسونه وياريت انتي متنسيش نفسك يا قطه
تقي بعصبيه : اخرج بره وصح قبل ما تخرج
مسكت تقي الورقه الي هو كاتبهالها بطلبات الموظفين وقطعتها ورمتها في وشه
ماجد بغضب وحقد دفين فهذه المره الاولي التي تعامله انثي بهذا الاسلوب : انتي الي حفرتي قبرك بإيديكي
تقي : اعلي ما في خيلك اعمله ويلا هوينا بقا علشان الجو بقي حر
ماجد فعلا مشي وساب المكان لتقي وهو بمجرد ما خرج تقي دخلت الحمام غيرت اليونيفورم وققرت انها تعمل بمقوله (حب ما تعمل حتي تعمل ما تحب)
تقي طلعت من الكافتريا وفي ايديها ورقه وقلم وفضلت تلف علي موظفين الشركه موظف موظف وتكتب اسمه وتعرف بيحب اي وفي وقت اي وكانت حاسه انها كده انجزت نص المهمه والموظفين حبوها جدااا وحبوا اسلوبها في الكلام وضحكها وهزارها ورقتها وكلهم استخصروا انها تبقي مجرد جرسونه في الشركه مش فاضل غير الدور ال 16 يالموظفين الموجودين فيه
تقي طلعت بتردد ودخلت عند مايا اول حاجه وكلمت مايا وعرفت منها المدير بيحب اي وبيكره اي عرفت ادق التفاصيل تجنبا للاهانه مره تانيه وعرفت باقي موظفين الدور بيحبوا اي وكانت الساعه وصلت ل 2 الظهر وده وقت غداء اسلام بيه وهو بيحب يتغدي اكل صحي
نزلت تقي الكافتريا سريعا وطبعا المدير الوحيد الي بيتغدي اكل بيتي في الشغل فجايب اكل وحاطه في الكافتريا يتعمل فتقي عرفت انه النهارده المفروض ياكل مكرونه بالوايت صوص والمشروم وقطع اللحم البارد وشوب مانجا طازه وتقي بشطارتها قدرت تخلص الاكل في الوقت المناسب وعملت طبق سلطه خضار بالطريقه الخاصه بتاعتها وحطتهم علي صينيه وطلعت بيهم سريعا وكانت ساعتها سايبه القهوه في المكنه تجهز علي ما تنزل لان ده وقت البريك بتاع الموظفين واخدت معاها كوكتيل فواكه ل مايا ودخلت بسرعه عند مايا وادتها كوكتيل الفواكه وخبطت علي اسلام
اسلام : ادخل
تقي دخلت وسابت الباب وراها ويدوب حطت الصينيه
اسلام : متأخر 10 دقايق علي ميعاد الغذاء اعملي حسابك ان تم خصم 5 ايام من شغلك يا مدام
تقي بهدوء : انسه لو سمحت +انا جديده هنا ومعرفش لسه النظام من بكره لو لاقيت تأخير تقدر تعمل الي يريح حضرتك
اسلام : غوري من وشي
تقي خرجت ودموعها علي خدها
عند اسلام جوه قرب من الاكل لان ريحته كانت نفاذه هو مش اول مره يأكل مكرونه بالوايت صوص بس ريحتها رووووعه ومسك الشوكه ويدوب اخد اول معلقه وبقي مبهور من الاكل
واسلام الي مش بيحب سلطه الخضار اكل الطبق كله وخلص الوجبه كامله وكان حاسس انه عاوز تاني من طعامه الاكل
عند تقي بره
خرجت ودموها علي خدها لانها مش عارفه هيا عملت للانسان ده اي علشان يعاملها بالاسلوب الوحش ده
مايا : مالك يا تقي كل ما تدخلي تخرجي معيطه معلش بكره تأخدي مناعه منه بس صح يا بت يا توتي اي الاكل القمر ده ريحته قلبت الشركه كلها بصي انا في البريك اكيد عندك اكل زياده تحت
تقي بضحك من وسط دموعها : في ناس هنا همها علي بطنها بس
مايا بضحك : بصي الاكل ده عشق يلا بينا بس
تقي : يلا يا اختي
***************************
تالين قدام العمليات عماله تدعي لمرات عمها تخرج بالسلامه
وفجأه لمبه العمليات اتقفلت وتالين قامت بسرعه وخرج فعلا الدكاتره والممرضين
تالين بسرعه راحت عند دكتور وهيا بتجري الكعب بتاعها فلت منها و كانت هتقع لولا اليد الي مسكتها ومنعتها من السقوط
تالين بأسف : انا اسفه جدا يا دكتور بس قلقي علي مرات عمي لخبطني
دكتور مراد :لا يا انسه مافيش حاجه حصل خير كنتي بتقولي مرات عمك الي جوه
تالين بحرج : اها
مراد : لا هيا كويسه جدا وهننقلها حاليا اوضه عاديه تحت الملاحظه وان شاء الله هتبقي كويسه
تالين : الحمد لله شكرا يا دكتور بس انا اقدر اشوفها امتي
قطع كلامهم دكتور ابراهيم : اول ما تفوق يا انسه تقدري تطمني عليها يلا يا دكتور مراد
مراد : يلا يا دكتور
Stop
مراد الشيمي: شاب يبلغ من العمر 30 عام دكتور جراحه وسيم جداا وغني جدا ابوه صاحب شركات الشيمي لتصنيع الايفونات والمستشفي دي يمتلك نصفها والنصف الاخر لصديقه المقرب اسلام الدسوقي فهم اصدقاء منذ الصغر يكره الكذب والنفاق ويعشق اميرته المدلله اخته توليب يعيش في جو اسري رائع
***************************
عند ندي
خرجت ندي ودموعها علي خدها فهيا انجرحت علي يد معشوقها وحبيبها الاول والاخير ولاكن هو لا يعلم كيف هيا تعشقه ويعاملها مثل شقيقته سلمي خرجت وركبت عربيتها ووراها شركه الشحن وياسر كان وراها بالعربيه فهو نادم بشده علي فعلته ولاكن هيا من استفزته
ندي وصلت الفيلا فعلا وشركه الشحن معاها وقبل ما تنزل فونها رن بصت في الفون وجات تقفله بس كان اخوها اسلام الي بيرن
ندي : الو السلام عليكم ازيك يا ابيه
اسلام: حبيبه قلب ابيه وعليكم السلام يا حبيبتي ازيك انتي وقوليلي فينك
ندي : في الفيلا يا ابيه بنقل العفش بتاع تقي
اسلام بعصبيه : زفته تاني يا ندي احنا مش هنخلص بقا
ندي : ابيه لو سمحت انا مش بتدخل في اصدقائك مع انهم مش كويسين
اسلام بصدمه وقاطع كلامها : انتي بتقولي اي شكل مشيك مع تقي نساكي الادب والاخلاق وانك مترفعيش صوتك فوق صوت اخوكي
ندي : اسفه يا ابيه
اسلام: المهم يا ندي هتحطي عفشها فين
ندي : والله يا ابيه مش عارفه
اسلام : طيب بصي عارفه الفيلا القديمه بتاعتنا
ندي : ايوه يا ابيه الي في ظهرنا علي طول
اسلام : ايوه قعديها فيها وعرفيها انها ايجار مؤقت لحد ما السنه تخلص
ندي بسعاده : شكرا يا ابيه
اسلام : ندي لو مش مستعده تدخلي الفيلا وتفتكري الذكريات الي فيها خلي شركه الشحن تضبط كل حاجه ومتتدخليش
ندي : انا بحبك قوي يا ابيه
اسلام : وانا بحبك يا قلب ابيه
ندي : باي
اسلام : باي
وبعد ما قفل ابقي وريني هتعيشي في فيلا الرعب دي ازاي😂😂
