تقي : هو ده يوم يتنسي
ندي : لا طبعا ازاي هيتنسي انتي انقذتي حياتي
Flash Back
ندي بتجري وخبطت في بنت ووقعت الكتب الي علي ايديها
تقي : حاسبي يا حبيبتي وبتجري كده ليه اوعي تكوني هربانه من المدرسه
ندي بدموع : والله ابدا يا طنط بس الراجل ده بيجري ورايا
تقي بصت مكان ما البنت بتشاور ولاقت راجل لابسه بدله سوداء وجمبه واحد ست لابسه ملابس تكشف من جسمها اكتر ما تستر
تقي : مين ده اصلا
ندي : ده بيكون زوج امي
تقي : طب اهدي كده
الراجل : هاتي البنت دي
تقي : مين حضرتك
الراجل : ميخصكيش
تقي : والبنت كمان متخصكش لو هيا كانت تعرفك مكنتش هتجري منك
الراجل بيرفع ايديه علشان يزق تقي من طريقه لانه مش فاضي للعب العيال ده وفجأه فضل يصوت زي الستات وفي حرقان في عيونه لان تقي رشت علي عينيه من بخاخه الفلفل الحامي ومسكت ندي من ايديها وفضلوا يجروا لحد ما بعدوا خالص عن الانظار
تقي : ها يا ستي احنا بعدنا عن الراجل ده ممكن اعرف بيجري وراكي لي وهديتي ولا لسه
ندي بدموع : انا متشكره جدااا و مش عارفه ارد جميلك ده ازاي والحمد لله هديت
تقي حست ان ندي مش عاوزه تتكلم عن زوج امها وحست انها هتتوجع لو اتكلمت فحبت تضحكها بطريقتها الطفوليه
تقي : هو انا فعلا هعوز رد الجميل ده و عاوزه طلب منك كبير قوووي و مش هتنازل عنه
ندي : اؤمريني يا ستي الي انتي عاوزاه هيتنفذ
تقي بتمثل انها بتفكر بطريقه كوميديه : اممم بصي يا ستي الطلب هو اني عاوزه اعرف اسمك
ندي : ههههههه يا نهار ابيض الطلب ده صعب جدااااا عليا وانا مش هقدر انفذه طب بصي هو صعب بس مش مستحيل علشان كده انا يا ستي اسمي ندي محمود الدسوقي بنت دكتور القلب المشهور محمود الدسوقي وفي اولي ثانوي و انتي بقا
تقي : ما شاء الله بصي يا ستي بقا انا اسمي تقي مراد وفي ثانيه هندسه قسم معماري ومتسألنيش اشمعني القسم ده بس انا بحبه
ندي : واو انتي بجد جيتيلي من السما
تقي بإستغراب : لي يعني
ندي : هقولك انا والدي عاوزني ادخل علمي علوم علشان ابقي دكتوره زيه وزي اخويا بس انا مش حاسه نفسي في المجال ده و كنت بفكر ادخل هندسه بس طبعا معنديش حد في هندسه او اعرف حد داخلها علشان يشجعني و انتي جيتي من السما ليا
تقي : من عنيا هاتي رقمك وابقي اكلمك وافهمك الي انتي عاوزه تفهميه
ندي : يا نهار ابيض انا نسيت
تقي : نسيتي اي
ندي : ممكن اطلب منك طلب
تقي : اكيد اتفضلي
ندي : ممكن تليفونك اعمل مكالمه
تقي : اكيد اتفضلي بس ممكن انا اعرف انتي هتكلمي مين
ندي : هكلم بابي
تقي ادتها الفون وندي فعلا كتبت الرقم وبترن اداها جرس
محمود : الو
ندي : الو بابي
محمود بلهفه : ندي حبيبتي فينك و بترني من رقم غريب لي في اي
ندي : بابي هو و هيا حاولوا يأخدوني يا بابي وانا جريت منهم
محمود : انتي فين وانا جايلك حالا
ندي : ثانيه يا بابي هديك البنت الي ساعدتني
محمود : ماشي يا حبيبتي
ندي : خدي يا تقي
محمود : الو
تقي : السلام عليكم
محمود بإحراج : و عليكم السلام يا بنتي ممكن اعرف مكانكم
تقي : اطمن حضرتك الاول بنت حضرتك في امان ثانيا احنا في كافتريا (.....) في محطه الرمل
محمود : ماشي يا بنتي انا مسافه الطريق و ابقي عندكم
تقي : تمام توصل بالسلامه يا فندم في رعايه الله
محمود : في رعايه الله
محمود قفل وخرج بسرعه من المستشفي وراح ركب عربيته وبسرعه البرق كان في الكافتريا ودخل لاقي بنته قاعده ومعاها بنت في منتهي الجمال والاخلاق
ندي اول ما شافت بابها راحت جري اترمت في حضنه وفضلت تعيط
محمود : اهدي يا حبيبه بابا انا جمبك اهو
ندي رفعت وشها لأبوها وكان وشها الخد اليمين ازرق مكان ضربه عليه
محمود : وشك ازرق كده لي يا حبيبتي هو في حد ضربك
ندي خافت لابوها يتهور : اقعد يا بابي هفهمك كل حاجه
محمود : تعالي
ندي و محمود قعدوا علي الترابيزه الي فيها تقي
ندي : انا يا بابي خرجت من المدرسه ملقتش العربيه ولا السواق طلعت فوني و قولت ارن عليه و بطلع الفون من شنطتي و لاقيت الفون اتشد مني ببص لاقيته في وشي يا بابي اتخضيت و قولتله لو سمحت عاوزه التليفون بتاعي لاقيت حد ضربني بالقلم علي وشي ببص لاقيتها هيا يا بابي نفس الغباء و نفس النظره و نفس الكره لاقيتها بتقولي هحرق قلب ابوكي عليكي لان بسببك انتي كل مخططتاتي باظت و مسكتني من شعري وبتشدني منه البواب بتاع المدرسه اتدخل و قالتله انها
محمود عارف ان بنته مقدرتش تنطق الكلمه ومقدرتش تقول انها امها
محمود : كملي يا روحي مش شرط تتكلمي عنها حصل اي تاني
تقي مش فاهمه مين الست دي وليه اصلا تضربها بالغباء ده بس ممكن تكون مامتها لانها قالتلها ان الراجل ده يبقي زوج امها لاكن فضلت السكوت لان الامور شكلها عائليه
ندي : المهم هيا شدتني لحد باب العربيه وزقتني ركبتني وهيا لفت علشان تركب من الباب التاني كنت انا فتحت الباب وفضلت اجري بكل قوتي و هما يجروا ورايا يا بابي لحد ما خبطت في تقي و هو وصلنا وكان عاوز يأخدني منها بس هيا رشت حاجه علي عينيه واخدتني لحد هنا
محمود استحلف جواه انه هيدمرها زي ما هي عاوزه تدمر بنته
محمود : اهدي يا حبيبه بابي انتي دلوقتي في امان و بص ناحيه تقي و انتي يا انسه تقي انا مش عارف اشكرك ازاي جميلك ده مش هنساه خالص وطلع شيك من جيبه وبيديه ل تقي
تقي : اي ده
محمود : ده شكر مني ليكي انك انقذتي بنتي
تقي : انا لما انقذتها عملت كده لاني بنت زيها لاكن مبصتش علي اي عائد مادي من وراها و اتمني من حضرتك تشيل الشيك ده لان حضرتك كده بتهيني و عاوزه طلب بس من حضرتك
محمود : اتفضلي الي انتي عاوزاه هيتنفذ
تقي : عاوزه رقم ندي و لو هيا جات لحضرتك و قالتلك حابه ادخل هندسه مش طب متعترضش
محمود : بصي انا كنت ناوي ادخلها طب زي اخوها بس طالما ده طلبك انا موافق عليه لو هيا حبت هندسه انا معنديش اي مانع مع انها كده بتخالف العيله وهتبقي شاذه
تقي : هندسه مش وحشه و زيها زي كليه الطب بالضبط من كليات القمه
محمود بتفهم : فعلا بس وجهه نظري انها تمسك المستشفيات بتاعت الدسوقي هيا و اخوها بعد وفاتي
تقي بتفهم : هفهم حضرتك حاجه لو علي المستشفي حضرتك لو جبت خريج اداره اعمال هيقدر يمسك المستشفي مش شرط يكون دكتور لان اكيد المستشفي بتاعت حضرتك فيها دكاتره ليها خبره اكتر من 30 سنه يعني ندي مش هيا الي هتعمل المستحيل في المستشفي و اكيد المستشفي ليها سمعتها من خبره الدكاتره الي جوه مش من الي ماسك ادارتها
محمود اعجب جدا بتفكير تقي وقالها : فعلا انتي معاكي حق ياريتني قابلتك قبل ما اجبر ابني الكبير يدخل طب عموما انا بوعدك اني بدي ل ندي حريتها الشخصيه في اختيار كليتها
ندي بضحك : ميرسي يا بابي ميرسي يا توتي
تقي : لا ميرسي علي واجب يا ندي عموما عاوزه رقمك علشان امشي
وفعلا اتبادلوا الارقام وفضلوا علي تواصل لحد الان
Back
تقي بضحك : ادينا اهو لسه بنكلم بعض وانتي اهو في هندسه
ندي : فعلا عارفه بابي لو كان موجود حاليا كان ساعدك في العمليه بس للاسف بقا مسافر في مؤتمر طبي
تقي : ربنا معاه الاهم ان العمليه اتعملت ل ماما بس قوليلي بقا مالك وبتهربي من السؤال لي
ندي بدموع : ياسر يا تقي ضربني بالقلم
تقي بصدمه : ازاي يا ندي وازاي اصلا تسمحيله انه يمد ايديه عليكي انا نصحتك كتيير وقولتلك الحب بيدمر حافظي علي قلبك للي يستاهله حافظي علي قلبك ل شخص واحد بس و هو جوزك
ندي : خلاص يا تقي انا فوقت بس متأخر قلبي واجعني و مش عارفه اعمل اي
تقي : هقولك تعملي اي تطلعي زي الشاطره تتوضي وتلبسي اسدالك وتصلي ركعتين وابكي واشتكي ل ربنا ومتعلقيش قلبك بحاجه غير الله لانها والله زايله و اقرأي وردك اليومي وكل يوم تقرأي الورد بجد هترتاحي وكل يا ستي ما قلبك تحسيه بيفتكره امسكي مصحفك
ندي حضنت تقي : انا مش عارفه اشكرك ازاي انا هطلع دلوقتي علي ما انتي تخلصي شغلك هنا وجبتلك محاضراتك النهارده علشان تأخديهم وتذاكريهم
تقي : مش عارفه اشكرك ازاي والله يا ندي
ندي : انا اصلا مكسوفه ان اخويا مشغلك كده
تقي : لا متتكسفيش ولا حاجه و بعدين اخوكي موصي علي عمليه امي و مخلي طقم طبي كامل تحت رعايتها والجميل ده مش هنساه ليه خالص
ندي بإستغراب : اي الي في وشك ده وماله وارم و احمر كده لي
تقي : لا ده بس من حراره الشمس
ندي : متأكده
تقي : اها
ندي : مع انك مش بتحبي الكذب ولا بتعرفي تكذبي بس هعتبر انك مش قادره تتكلمي دلوقتي بس هعرف منك بليل
تقي : ماشي يا ندي اطلعي بقي وانا هدخل اشوف شغلي
ندي فعلا طلعت تصلي وتدعي انها تنسي الي واجع قلبها ومش بيفكر فيها
وتقي دخلت المطبخ و مش عارفه تعمل اكل اي و محتاره و عماله تلف يمين و شمال و مش لاقيه اي خدم او اي شخص تسأله
داده رتيبه : مالك يا بنتي محتاره كده لي
تقي بخضه : لا خالص بس انا الي هشتغل جديده هنا
داده رتيبه : انتي الي هتشتغلي جديده هنا ازاي انتي شكلك يعني
تقي بتفهم : فهماكي يا
داده رتيبه : اسمي داده رتيبه يا حبيبتي
تقي : تمام يا داده انا تقي
داده رتيبه : ماشي يا بنتي لينا قاعده مع بعض
تقي : قوليلي بس المفروض اعمل غداء اي بس بسرعه
داده رتيبه : يا حبيبتي طب خدي نفسك كده كده الغداء هنا بيبقي الساعه 6
تقي : معلش بس قوليلي علشان الحق ابدأ
داده رتيبه مسكتها من ايديها وقعدتها علي كرسي في المطبخ وجابتلها كوبايه عصير اشربي يا بنتي وشك اصفر وشكلك اصلا مفطرتيش
تقي : متشكره ليكي بس مش عاوزه اشرب حاجه
داده رتيبه : يبقي مش هخليكي تعملي حاجه
تقي : شكلك طيبه قوي هاتي يا داده اشرب
تقي بالفعل شربت كوبايه العصير وحست اصلا انها دايخه لان ضغطها واطي والعصير وطي الضغط اكتر بس اتكت علي نفسها وقامت فعلا حضرت الاكل وكانت عامله فراخ بصوص الباربكيو ومعاها رز بسمتي وعملت سلطه طحينه وعملت سلطه خضار وعملت ثوميه
داده رتيبه اي يا بنتي ريحه الاكل الحلوه دي الاكل ريحته طالعه للجانيني بره
تقي : ربنا يخليكي يا داده
داده رتيبه : ويخليكي يا نور عيني خلصتي
تقي : اها هطلع الاكل علي السفره بره و ارجع اعمل حلويات اصل البنت ندي دي بتحب كيكه الشوكولاته وهيا متغرقه بصوص الشوكولاته ومحشيه نوتيلا
داده رتيبه : استني هو انتي تقي زميله ندي قصدي يعني المهندسه تقي
تقي : اها يا داده
داده رتيبه : ربنا يكون في عونك يا بنتي انا هطلع اصلي المغرب لانه اذن وانتي خلصي براحتك وبعدين هاجي علشان نتغدي سوا
*******************************
عند اسلام كان وصل المخزن لان ياسر بعتله رساله انه عرف مكان مصطفي وسايبه في المخزن
اسلام : قولي بقا عاوز اي من تقي
مصطفي : وانت مالك انت اعوز منها الي اعوزه ميخصكش اوعي تفتكر اني هخاف من العيال دي لا فوق لنفسك
اسلام : تمام انا هسيبك هنا هما يعلموك الادب لحد ما يخلوك تنسي اسمك وهيا تخصني تقي مراد كلها ملكي ملكي انا وبس
يا تري هيحصل اي استنوني 😂😂😂
قولولي رأيكم في البارت
البارت طويل اهو علشان متتكلموش😂😂😂😂
