الباب خبط علي اسلام
اسلام:ادخل
علي : ازيك يا اسلام
اسلام : ادخل يا علي
علي: الي انت عملته مع تقي غلط هيا مغلطتش ماجد الي غلط يا اسلام ونيفين وساعدته
اسلام بصرامه: وانت جاي تدافع عنها لي يا علي
علي : انت عارف اني مش بسكت علي الغلط ولما قولتلك ان جيهان مش مظبوطه وانت قولتلي لا اثبتلك كده وبدلنا الاماكن بقيت هيا السكرتيره بتاعتي وبعتلك مايا
اسلام: بتجيب سيره زفته لي دلوقتي المهم تقي مجرد جرسونه وماجد مهندس وليه احترامه
علي بيأس : انت حر يا اسلام انا خارج بس انت ظلمتها سلام
اسلام بضيق: سلام
اسلام بعد ما خرج اتضايق جدا وفتح الكاميرات علي الكافتريا علشان يشووف تقي اخبار وشها اي
تقي تحت في الكافتريا بتعيط ووشها بيحرقها وعماله تحط تلج علي وشها يمكن الورم يهدي ومسكت تليفونها ورنت علي تالين
تالين: الو السلام عليكم
تقي: عليكم السلام ازيك يا تالين
تالين: الحمد لله يا حبيبتي انتي عامله اي طمنيني عليكي وفين الوقت ده كله مرات عمي خرجت من العمليات وقدامها ساعه او اقل وتفوق والحمد لله عمليتها نجحت وواضح ان متوصي عليها جامد هنا ده في طقم كامل تحت خدمتها يا تقي
تقي بتنهيده: طب الحمد لله انا اول ما اجي هطمنك عليا بس الحمد لله ان ماما بقت كويسه بصي انا اخر شغلي هنا الساعه 3ونص ودلوقتي اهي الساعه 3 وهيبدأ شغلي التاني الساعه 4 يعني قدامي نص ساعه
تالين بصدمه: اي ده يا تقي هتشتغلي شغلنتين ليه يعني العذاب ده وبعدين كليتك ومامتك ازاي هتسيبيها لوحدها
تقي بدموع: كلها سنه يا تالين واخلص من اي وجع في حياتي ادعيلي يا تالين
تالين بدموع: ربنا يقويكي يا حبيبتي طب هقفل انا علشان معملكيش مشاكل في شغلك وخلصي تعالي اطمني علي مامتك وارجعي شغلك تاني وصح ندي اتصلت وقالت انها كويسه ونقلت العفش كله في فيلتهم وبتقولك هيبقي ايجار مؤقت لمده سنه
تقي: تمام يا تالين باي يا حبيبتي
تالين : باي يا تقي وخلي بالك من نفسك
عند اسلام فوق قلبه بيتقطع وهو شايف دموعها وبقي محتار لان هو حاطت في الكافتريا كاميرا مخفيه ومافيش حد معاها يعني مستحيل دي تكون دموع تمثيل طب هيا ليه ماشيه وحش واتفاجئ بتقي بتفرش سجاده الصلاه وراحت قفلت باب الكافتريا من جوه وراحت ناحيه حوض المياه وابتدت تفك حجابها علشان تتوضأ وبمجرد ما شالت طرحتها وشعرها انساب لاخر ظهرها وهو اتفاجئ من جمال وطول ولون شعرها وبقي مصدوم من جمالها طب لي مخبيه الجمال ده كله ومخبياه لمين معقول ظلمتها لا هيا حضنت واحد والكاميرات جيباهم وفوق ده كله كان في بيتها عريان واتمسك كده في بيتها وبقي اسلام في صراع ما بين قلبه وعقله ولاكن ركن عقله وفضل يبص بقلبه قبل عينيه وخلصت وضوء ورجعت لبست حجابها وصلت وكل ده وهو متابعها لحد ما خلصت صلاه وغيرت لبس الشغل ولبست هدومها وطلعت من الكافتريا وفضل مراقبها وعرف انها طالعه بس يا تري طالعه فين وفضل متابع الكاميرات لحد ما لاقاها عند مايا بره بتستأذن علشان تدخله ضبط نفسه بسرعه وقفل كاميرات المراقبه
الباب خبط
اسلام : ادخل
مايا : اسلام بيه المهندسه تقي بره عاوزه حضرتك
اسلام: بإستغراب مهندسه تقي لي بتقولي مهندسه
مايا : لانها في كليه هندسه وبصراحه انا بحترمها جدا برغم ظروفها الصعبه اشتغلت شغلانه زي دي غيرها ممكن تبيع نفسها بكل سهوله لاكن هيا محافظه علي نفسها علشان ترضي ربنا وعارفه ان ربنا هيسترها معاها
اسلام مصدوم من الي بيسمعه يعني كله شايفها كده محترمه مايا وندي وحتي علي الي ميعرفهاش غير النهارده وانا الي فاهمها غلط اذا كان هيا فعلا كانت برضوا شغاله جرسونه في مطعم
مايا : اسلام بيه تقي عاوزه تقابل حضرتك
اسلام فاق من شروده : اتفضلي خليها تدخل بسرعه
مايا : تمام يا بيه
الباب خبط
اسلام: ادخل
تقي : السلام عليكم
اسلام: عليكم السلام اتفضلي
تقي : اولا حابه اشكر حضرتك
اسلام بإستغراب: تشكريني علي اي
تقي : علي العمليه بتاعت والدتي وانها اتعملت ونجحت كمان وكمان الرعايه الي بعد العمليه انا جميلك ده مش هقدر انساه
تقي كانت بتتكلم والسعاده علي وشها
اسلام : لا شكر علي واجب يا انسه ودي اول مره يكلمها بإحترام
تقي : ممكن استأذن من حضرتك اني امشي لان كده معاد شغلي هنا خلص وبستأذن من حضرتك هروح اعدي علي ماما في المستشفي اطمن علي ماما وبعد كده اروح علي الفيلا علشان اشوف شغلي ده بعد ازنك طبعا
في الوقت ده تليفون تقي رن
اسلام مستغرب ان تقي بتقوله هيا هتروح فين وتعمل اي لا وكمان بتاخد اذنه
اسلام : ردي علي فونك
تقي بتلقائيه : لا انا اصلا مبردش علي ارقام غريبه وده رقم معرفهوش
اسلام كان مبسوط من جوه بس مبينش
وتليفون تقي مبطلش رن
اسلام : تقي ردي يمكن يكون حد من المستشفي
تقي : ممكن هرد بعد ازنك
اسلام : ردي
تقي : الو سلام عليكم
مصطفي : عليكم السلام ازيك يا تقي
تقي : مين حضرتك
مصطفي : انا مصطفي انا مش عارف انتي لي عملتي بلوك علي رقمي التاني وبعدين انا غرضي حلال
تقي : لو سمحت مترفعش الالقاب بينا اسمي المهندسه تقي وقولت لحضرتك قبل كده طلبك مرفوض ومترنش علي رقمي تاني
مصطفي : اسمعيني بس
اسلام قام بسرعه وسحب الفون من ايد تقي ومصطفي كان بيتكلم
مصطفي : انا والله يا انسه غرضي حلال انا طالب ايدك علي سنه الله ورسوله انا مش عارف انتي بتصديني لي روحتلك الكليه وبهدلتيني وكلمت ابن عمك وبرضوا بهدلني وانا اصلا قولتلك انا قريت من بنت عمك علشان اعرف اوصلك من يوم ما شوفتك وانتي دخلتي قلبي ومش راضيه تطلعي وطالبك بالحلال لي بتصديني بنت عمك بنفسها لما عرفت اني بحبك مكنش عندها مانع تحطك في مشاكل وكانت عندها استعداد انها تتجوزني بالرغم انها عارفه اني بحبك
هنا اسلام ضغط الدم رفع عنه وبصوت جهوري انا هجيبك من تحت الارض يا بن ال.. يا بن.... يا بن..... يا زبا...يا حق... وشتايم كتير وقفل الفون في وشه وطلع تليفونه واخد الرقم عنده واتصل ب ياسر
ياسر : الو اي يا اسلام
اسلام: هبعتلك رقم علي الواتساب تعرفلي بتاع مين الرقم ده وتجيبلي كل معلومات عنه
ياسر : مالك بس كده في اي اليومين دول بقيت عصبي عموما ابعت الرقم
تقي واقفه مستغربه هو اتعصب كده لي بس كويس علشان مصطفي ده ميتصلش بيها تاني وبيعد عنها هيا مش حمل مشاكل اصلا ومش حمل بهدله
اسلام قفل مع ياسر وبعتله الرقم علي الواتساب ومسح الرقم من فون تقي وقالها لو رن عليكي تاني مترديش عليه فاهمه وكان صوته عالي جدا
تقي اتخضت : حاضر ممكن امشي بعد ازنك
اسلام : ماشي بس قبل ما تمشي قوليلي مين ده
تقي : ده موضوع طويل بس نهايته انه عاوز يتقدملي وبيستغل تعب ماما علشان يقرب مني
اسلام بإستغراب: ازاي
استنوني بكره😂😂😂😂😂😂
