ခြုံပြောရရင်တော့၊ နယ်စားမင်းရေ ကျွန်တော့်ကိုသာ သတ်လိုက်ပါ။
“ဒါပေမဲ့” ရှင်ယဲ့ ဘုရင်မအချစ်တော်ကို ကန်လိုက်ပြီးနောက် ဆိုလေသည်။ “ဒီလူကတော့ နန်းတော်ထဲ ပြန်သွားနိုင်မှာ မဟုတ်တော့ဘူး။ သူက ကျွန်တော့် လျှို့ဝှက်ချက်ကို သိနေတယ်ဆိုတော့ ဒီအတိုင်း မထားနိုင်ဘူး”
နယ်စားမင်း ဂါဆီယာက နောက်ဆုံးကျန်တဲ့ ကြိုးကိုင်ခြယ်လှယ်သူကို သတ်လိုက်တာကသာ အကောင်းဆုံးဖြစ်ပေလိမ့်မည်။
“နေဦး!” နယ်စားမင်း ဂါဆီယာက လူသတ်မလို့ လုပ်နေသည့် ရှင်ယဲ့ကို လက်မြှောက်တားဆီးလိုက်၏။ “ဒါ အရမ်း ရုတ်တရက်ဆန်လွန်းတယ်။ မင်း ငါ့ကို စဉ်းစားဖို့ အချိန်ခဏပေး”
“အဲ့လိုဆို၊ ကျွန်တော် ဒီမှာပဲ အရှင့်ကို စောင့်နေပါ့မယ်”
ရှင်ယဲ့က ဘုရင်မအချစ်တော်၏ ကျောကို တက်နင်းထားသော်လည်း အသေသတ်ဖို့ ရည်ရွယ်ချက်မရှိပေ။ သူ့ အစီအစဉ်အရ ကြိုးကိုင်ခြယ်လှယ်သူမှာ သူ့ထက်စာလျှင် နယ်စားမင်း ဂါဆီယာထံက အသတ်ခံရသင့်လေသည်။ အဲ့လိုမှသာ ဖြစ်နိုင်ချေများ အားလုံးကို ရှောင်လွှဲနိုင်မှာဖြစ်သည်။
ဂါဆီယာက အခန်းထဲတွင် လျှောက်သွားနေရင်းဖြင့်၊ သူ၏ ခရီးဆောင်နာရီကို ကြည့်လိုက်၊ အခန်းထဲမှာ ရပ်နေသည့် ကောင်မလေးကို ကြည့်လိုက် လုပ်နေလေ၏။ သူမက နယ်စားမင်း စံအိမ်၏ အစေခံဝတ်စုံကို ဝတ်ဆင်ထားသည်မှာ အလွန်လှပလေသည်။ ဂါဆီယာမှာ အစေခံဝတ်စုံက ဒီလောက်အထိ လှနိုင်လိမ့်မည်ဟု တစ်ခါမှ မထင်ဖူးခဲ့ချေ။
ခဏအကြာလောက် စိတ်သောကရောက်လိုက်ပြီးနောက်မှာတော့၊ သူ၏ ထိုင်ခုံပေါ်တွင် ပြန်ထိုင်လိုက်ပြီး၊ တည်ငြိမ်စွာ ဆိုလိုက်လေသည်: “ဘုရင်မက အသက်ရှင်နေတာ နှစ်ငါးရာတောင်ရှိနေပြီ။ အဲ့ဒါကို မင်းမျိုးမင်းနွယ်တွေနဲ့ Churchကျောင်းကလည်း သိတယ်။ သူက နတ်ဆိုးတွေနဲ့ အပေးအယူလုပ်ထားတယ်ဆိုတာကို ငါတို့အားလုံးသိကြတာပဲ။ ဒါပေမဲ့ အဲ့တာက ဘာမှမဟုတ်ဘူး။ လောရင့်စ်၊ မင်းလို သာမန်နောက်ခံကလာတဲ့ လူတစ်ယောက်က ဒါကို နားလည်မှာ မဟုတ်ဘူး။ ငါတို့ရဲ့ မျက်လုံးထဲမှာတော့၊ ဘုရင်မအသက်ကို ဆွဲဆန့်ဖို့အတွက် ဆယ်နှစ်တစ်ကြိမ် လှပတဲ့ မိန်းကလေးတစ်ယောက်ကို သတ်ပစ်တာက ကြီးမားတဲ့ ပြဿနာမဟုတ်ဘူး”
YOU ARE READING
High Energy QR Code [ Myanmar translation ]
FantasyTitle - High Energy QR Code 高能二维码 Gāonéng èr wéi mǎ Author - Cyan Wings 青色羽翼 Genre - Survival, Fantasy, Romance Chapters - 251 chapters + 19 extras English trans: by Kiki https://isotls.com/high-energy-qr-code/ I do not own this novel. F...
Chapter 16 _ ဖြားယောင်းသိမ်းသွင်းခြင်း
Start from the beginning