ယခု ချန်းရွှီအနေဖြင့် GV ရိုက်ရန် အကြောင်းဖန်လာခဲ့ပေပြီ။
ထိုကဲ့သို့ အကြောင်းဖန်လာရခြင်းမှာ ချန်းရွှီ၏ လိင်ပိုင်းဆိုင်ရာ ခံယူချက်ကြောင့် မဟုတ်ရပါပေ။ အမှန်အတိုင်းဆိုရလျှင် သူသည်ကား လွန်စွာမှ ဖြူစင်၍ ကိုယ့်ကိုယ်ကို ထိန်းထိန်းသိမ်းသိမ်း နေတတ်ပါသော အမျိုးသားတစ်ဦး ဖြစ်ရသည်။ လွန်ခဲ့သည့် နှစ် ၄၀ ဟူသော ဘဝသက်တမ်းအတွင်း၌ သူ့အနားတွင် အမျိုးသမီးအနည်းငယ်နှင့် ရှားပါးမျိုးစိတ် အချို့သာ ရှိခဲ့ရလေ၏။
ကျိန်းသေပေါက် ချန်းရွှီတွင်လည်း ထိုလူများနှင့် ချစ်ကျွမ်းဝင်ခဲ့သော အခိုက်အတန့်မျိုး ရှိခဲ့ရဖူးသည့်တိုင် သူသည်ကား လက်တွဲဖော်ကဲ့သို့ အရာမျိုးနှင့် ပတ်သက်၍ အရေးတယူ စိတ်ဝင်စားခြင်း မရှိလေရာ သူ၏ဆက်ဆံရေးတိုင်းနီးပါးမှာ မကြာခဏ ပျက်ရသည်ချည်းပင်။
ထို့အပြင် ချန်းရွှီသည် ဂန္ထဝင်စာပေများနှင့် ဂီတများအား ဖတ်ရှုနားဆင်ရသည်ကို သဘောကျလေ့ ရှိသူဖြစ်သေး၏။ သူ၏အားလပ်ချိန် အများစုတွင်လည်း ရှေးဟောင်းစာပေများကိုသာ ဖတ်ရှုရင်း အချိန်ကုန်ဆုံးခဲ့လေသည်။ အဖေဖြစ်သူ ချန်းကျန်းကမူ သူ့ကို ထိုကဲ့သို့ စာဖတ်ရင်း အချိန်မကုန်ဆုံး စေချင်ခဲ့ပါပေ။ ထို့ကြောင့် ချန်းကျန်းသည် ချန်းရွှီအား အိမ်ထောင်ပြုရန် တတွတ်တွတ် ဆော်ဩတတ်သည်။ သို့ဖြစ်၍ နောက်ဆုံး၌ သူသည် မိမိနှင့်သင့်တော်မည့် လက်တွဲဖော် တစ်ယောက်ယောက်အား ကြိုးစား၍ ရှာဖွေခဲ့ရလေတော့၏။
သို့သော် သူက ထိုကဲ့သို့ သင့်တော်မည့်လူအား ရှာဖွေကာ အိမ်သို့ မိတ်ဆက်ပေးရန် ခေါ်လာခဲ့ဖူးသည့်တိုင် သူ၏ တစ်ဦးတည်းသော ညီလေးဖြစ်သူက ထိုလူများအား သဘောကျပုံပေါ်မနေခဲ့ပါချေ။ ထို့ကြောင့် ချစ်သူထားမိပါသော အကြိမ်တိုင်း၌ ချန်းရွှီသည် တစ်ဖက်လူအား ကျိုးကြောင်းရှင်းပြကာ သူ့ဘက်မှစ၍ လမ်းခွဲခဲ့ရသည်ချည်းပင်။ သို့နှင့် သူသည် ယခုအသက်အရွယ် ရောက်သည်အထိ တစ်ကိုယ်တည်း လူပျိုကြီးအဖြစ်သာ တည်ရှိနေရတော့ပေ၏။
၎င်းမတော်တဆမှု ဖြစ်ပြီးနောက် ချန်းရွှီသည် ငွေပမာဏ အမြောက်အများအား အစိုးရထံသို့ လျော်ကြေးငွေပေးခဲ့ရသဖြင့် သူ၏မိသားစုပိုင် ကြွယ်ဝမှုအားလုံးမှာ ပျက်သုဉ်းလုနီးနီး။ ထို့အပြင် ၎င်းအချိန်အခါတွင်မှ ဖခင်ဖြစ်သူကလည်း ကံဆိုးစွာ ကျန်းမာရေးချို့တဲ့ သွားရပြန်သည်။ ထို့ကြောင့် ဘဝတစ်လျှောက်လုံး ရွှေဇွန်းတပ်၍ မွေးဖွားလာသကဲ့သို့ အကြော့စားနေထိုင်ရသော ညီဖြစ်သူသည်လည်း နှစ်ခြိုက်ရသည့် အဖိုးတန်ပစ္စည်းအာလုံးကို ထုခွဲရောင်းချရန် အကြောင်းဖန်လာရပေတော့၏။
YOU ARE READING
Application For Divorce [ 离婚申请 ]
FantasyMyanmar translation of light novel "Application for Divorce" Original Author - 云间 [Yun Jian] Novel status - completed(104 chapters + 17 extras) Genre - romance, fantasy, smut This is just a fan translation!! I don't own this novel. I read this novel...
၅၅ (side couple)
Start from the beginning