الاشاوس و الشقراء

البارت الخـامس و الخمسون

سكتت بعدها كالت

- ان شاء الله خير بس انه تبين عندي شي بلسونار وما اريد اخوفج واكول خاف يطلع ضني مو صحيح هو السبب بضعف نبض الطفل لازم بلايام الجايه تكملين العلاج اللي راح انطي الج وتراجعين دكتوره

دحكت عليها بخوف

- دكتوره ابني بخيرر

- ان شاء الله بخير انه كتلج بس تجنبي الارهاق والتوتر وماكو الا الخير ان شاء الله

وعافتني وطلعت دحك عليه فارس وكال

- ماكو شي خيتي لا يظل بالج يعدن ويكضن هذن الايام وتصير سوالف بس انتي التزمي بلكالته وبعدها اخذج لاحسن دكتوره

ابتسمت وهو باس راسي

- ما عاش اليأذيج اخذ حكج من حلك السبع والله

- الله لا يحرمني منك

- اجيبلج العلاج واسويلج الاجراءات واجي حته نطلع

راح وانه بقيت صافنه وافگر والدمعه بعيني منعتها تنزل وضحكت الله يا دنيا طلعت مشاعره وياي كلها عطف وماكو ذرة حب منه الي وانه المغفله من حبيته وصدكت بي

شوي واجا فارس كادني وكومني بس احس وجع ببطني كبل كعدت كتله

- هم اجو عمو وخاله لو محد سئل عني

- لا بويه الليل كله هم هنا ويخابرون عليه وعمي حسين حجه عليه بس انه الصبح وكبل ما تكعدين خليتهم يرحون خطيه هم مالهم شغل بمصايب الباشا

- انه احبهم حتلو ما رجعت لالياس و نتهينه ما اكطع وياهم لان هم يحبوني ويعتبروني بنتهم ووكفو وياي جثير

- انه ما مانعج منهم ياخويه وانه هم احبهم واعزهم كثير بس الياس اكطعي ويا ولا تحاجي اياج وابالج تفكرين بهالشي خلي انه اتفاهم ويا وما انساله وكعتج هاي طول حياتي واعرف شلون اتصرف ويا خل يعرف وراج وادم وظهر يلوون ذراعه اذا تعدى عليج مو ماخذ الدنيا كلها على كد رتبته اخيتي انتي ويا ويله اليمسج بفعل لو بكلمه انه رداده

ابتسمت وكادني شوي شوي مشيت لحد ما وصلنه للسياره شوي ونزلني كدام مول كال

- نزلي اخذيلج كم لبسه مانريد شي من حظرة جناب الباشا

ضحكت وصح تعبانه بس نزلت وياا دخلنه

اشتريت كم قطعه وهو اصر اخذ بعد رديت اخذت كم قطعه وبعدها ما ردت دفع حسابهن وطلعنه كبل لا نوصل كال

- مشتهيه شي

حطيت ايدي على حلكي وفزيت وجعني جثير

- يطلعلي قهر داعش بيج خل يروح يطلعها ب***

ضحكت ورمشت عيني بوجها

- اررررريدددد !!!؟؟؟

- ايي دطلعيها للدُره عاد