الاشاوس و الشقراء

البارت السـتـون

تعال بصدري نام سنين
‏جيب وياك كل تعبك
‏و احشر تعبك بصدري
‏انا أهواك و اتحمل تعب گلبك
‏و لا فد يوم أمل منك ،
أظن تدري !
‏و فرفح روحي هم أقبل
‏ما أگلك دكافي و عيب
‏أنت وليدي المدلل...

لارين :

هستوها خاله بدت تحجيلي ودك الفون كمت جبته الها شفتها كاتبه ابو عون باوعت عليه وضحكت

- ولج هذا كلبه حس دنحجي بي

جاوبته وفتحت مايك

- هلا ابو عون شلونك

بدون سابق انذار كلها

- عمه لارين وينها

- هذي يمي

- چا وين شامره المهجوم مالتها صارلي ساعه ادگ عليها

- يا يمه ما تدري غير جاي نحجي سوا انه وياها

بنبرة شك حجه

- على شني تحجون ؟؟

- هيج سوالف نسوان

- هاا چا خوش عمه اياج تحجيلها شي يخصني لا تخليني اگطع وياج خلينه بلطيب

- لا يمه شلون احجيلها هالموضوع نسد وراح من زمان اصلاً شحجي منه بعد اصلاً انه نصه نسيته

- افضل الج انو تنسي كله

- ان شاء الله ابو عون

ظلت تحجي ويا وانه صافنه على كلامه شلون گاضيها بس ينطي اوامر سدته وكالت

- كوومي لارين كومي بدلي راح يجيج ياخذج

- عمه ما تحجيلي

- يمه تفاهمي انتي ويا اكسبي واكسبي كلبه وخلي هو يحجيلج احسن ما اكدر احجيلج انه يا بنيتي ويلا كومي بدلي

- وين جاي ياخذني

- مادري

سلمت امري لله وكمت بدلت لبست لبس رسمي لان اني من نوع كلش احب اللبس الرسمي كملت ونزلت لكيته جاي باوع عليه بنظره وصد كاشخ على اخر حبه بارزلي عضلاته ومتونه والشعر رافعه ولابس بنطرون جينز اسود وقميص نقشه عسكريه وكاف الردان شوي لابس ساعته وخواتمه كالعاده بس اللي لفت انتباهي السبحه بايده حلوه عجبتني

شوي سلم على خاله وگام لحيله گال

- يالله وين عباتج البسيها وامشينه

فتحت عيني على كبرها

- يا عبايه ؟؟؟ ما البس عبايه اني

- اي منا وجاي تلبسيها

- ما اعرفلها وما عندي اصلاً عبايه حته البسها قَسْوَر رجائاً لا تجبرني على شي مرايدته اكثر

صك على اسنانه وخزرني وگالتله خاله

- ابو عون تهده بالله وخليها البت على راحتها شوي شوي تتعود ولبسها عاينه شحلاته ومستور