الاشاوس و الشقراء

البارت الـرابع و الأربعون ( نهاية الجزء الاول )

لأننا عراقيون
عندما نُحب بشدة
تصبح أرواحنا أرخص ما نَملك
حيث نقول ..
" اروحلك فـدوه " ، " عيوني " ، " گلبي "
نجعل ما لا يستغنى عنه
أرخص مـن مـَن يستغنى عنا .

آن :

باوع عليه متفاجئ راد يحجي سبقته وكتله

- لا اكراه بالدين اعرف والله واني اريد ادخل الدين الاسلامي واتبع الله حته من اموت اموت مسلمه

ابتسم واخذ ايدي باسهه وكال

- امشينه نشوف شيخ او سيد موجود

اخذ بايدي ومشينه بعدها وكفني كدام واحد صاير كبال الامام رجل جبير معالم الكبر باينه بوجهه عطر مثل عطر الضريح يبث منه يحجي ويه العالم وباينه بكلامه الرزانه والعقل والدين لابس عمامه سوده

اخر شي تسالم ويه فارس

- سيدنه الغالي شلونك

اردف

- بخير بويه عمامك شلونهم

- بنص الخير يالغالي سلامهم الك

- الله يسلمهم

ظل يحجي ويا بعدهه هو باوع عليه وابتسم وكال

- بويه لا اكراه في الدين ودامج هيج قررتي الحمدلله على هذه الهدايه ببركة امير المؤمنين واهل البيت جميعاً ( عليهم افضل الصلاة والسلام )

ابتسمت وحسيت برهبه رجفه سرت بايدي وبجسمي من رتل و جَود كدامي آيات من القران الكريم حسيت دموعي نزلت هو مركز يقرا وانه انظر اله وانظر لفارس لحد ما صدق وكال

- خل نظرج عليه بويه

نظرتله كال

- رددي وراي

اومئتله بلاجابه

- اشهد ان لا اله الا الله

شبكت ايد بايد بلعكت ريكي نمدت ايدي لزمت الصليب هو ظل نظره عليه ثكل نفسي صار كبال عيني ابويه غمضت عيني بقوه لازم ادخل للدين الاسلامي سيدنا المسيح امرنا بهالدين بس اغلب الناس ما ستجابت اله وبقت ع الديانه المسيحيه وكانو رافضين لدين محمد صلوات الله عليه

لازم ادخل الاسلام حته تتنور حياتي حته يرضى عني الله ويوفقني بحياتي ... نظرت لفارس عاكد حواجبه وينظرلي ... حته اكدر اكمل حياتي ويا بدون اي مشكله

سحبت الصليب من ركبتي فتحته اللي من عمري يوم مذابته من ركبتي ابد هاي اول مره خليته ع الميز كبال السيد وابتسمت بوجه النوراني وكتله

- اشهد ان لا اله الا الله

باوع ع الصليب وباوع عليه مبتسم

- اشهد ان محمد رسول الله

رددت ورا

- اشهد ان محمد رسول الله