الاشاوس و الشقراء

البارت السـابع و الثـلاثون

يما تدرين " احب روحي "
علي بالصدفه لو صحتي
يما تدرين (قمة احتياجي انتي) ..
حبيني واذا جاس المرض جسمي !
واذا مانام ليلي من كثر همي
يما تدرين من يمي شرد دمي
انتي بـــ كلَ وريد الكاج
صدگي الشوف مو وهمي
يما تدرين بحة صوتج ،
الخلتني احب اسمي
وانه معتاز لـ عيونج
ولا معتازها الجدمي ! .

فـارس :

حجه جدي

- چااا ومنسه بت المرحوم الموكفيهه الك من اجت للدنيا ولهل ساعه تاخذهه الثانيه على مرتك

- شني هالحجي جدي وانه يمته عاينت على منسه بغير نظرة الاخت اهي بت عمي واخيتي وانه ما كايل هالشي ولا حاطه ببال اي احد انو يجي يوم واخذ منسه مره الي

كام وزمخ بعصبيه

- چاا المن تاخذ هذي بت ال

ديحجي قاطعته ماكدرت اتحكم باعصابي

- بسسسس جدي ما اسمحلك تحجي لو تتجاوز عليهه مرتي هذي احترامهه من احترامي والحجي اليمسهه يمسني انه وان تحجي كلمه وحده بعد عليهه اخذهه واطلع و وجهي بعد تحلم تشوفه

سكت وكال

- منسه كدام الوادم اهي محجوزه الك

- لا الي ولا هم يحزنون هاي كدام عمامي اكولهه اهي وعمي المرحوم على راسي بس ما تصيرلي مره

- يتيمة ام واب حرام عليك

- لا ماهي حرام عليه انه شمسوي اخذهه واكسرهه تريدني انه داكلك منسه انظرلهه نظرة اخت وليش حرام عليه كاتلهه لو شني اشو عايشه اهي ومرت ابوه وخواتهه وخوانهه احسن عيشه وما محتاجين شي

كالو عمامي

- وانت الصادك حياك الله

- الله محييكم وثاني شي البت بعدهه صغيره كلهه 19 سنه والعمر كدامهه ومن تجي قسمتهه اذا اهي ترضه خل تتوكل انه شعلي جدي انت الحجزتهه من الصغر بدون علمي ومن كبرت كتلكم انه بهيج طريقه ما اتزوج وهسه انت التحلهه انه ماعليه عندي مره واحبهه

- اهلهه وين شعرفك بيهم

سكتت وفركت راسي احسه راح ينفجر

- بويه انه اعرفهم وخوش وادم كفوو منهم وانه الي علم بزواج فارس واهو متزوج وعاقد كبل اشهرر بس جانت يم امهه مريضه وبعد ما توفت امهه الله يرحمهه انه ما رضيت تبقه هناك وكتلهه جيبهه وتعال احنه هم اهلهه

عاينت على عمي ابو هشام ابتسم وغمزلي كملهه عمي ابو حازم

- ايي بويه وانه بعد الي علم بالسالفه وراضي وتتذكر من مشينه انه وابو هشام والوادم ربعنه لبغداد كبل فتره من كنالك مشية زلم نتعنه لبت هناك و رحنه اهي بوكتهه الهه طلبناهه من خوالهه وعمامهه وقبلوو و عقدو اهم بوكتها سيد وبعدهه بفتره محكمه وع اساس هالايام نفاتحك بالسالفه ونسوي العرس بس توفت امهه و ما نكدر بعد احترام للبت ولامهه الميته بدون عرس و زفه جابهه