အစောင့်တပ်မှူးမှာ ဒေါသထွက်လွန်းသဖြင့် သေတော့မလို ဖြစ်နေ၏။ ဘာလို့ ဓားရေးယှဉ်တာလဲ? ဘာလို့ နောက်ထပ် ဓားရေးယှဉ်တာပဲလဲ? မင်းတို့ ရဲမက်တွေက အချေအတင်ဖြစ်တာနဲ့ ဓားဆွဲထုတ်ကြတာပဲလား?
"ဘာတွေဖြစ်နေကြတာလဲ?" ကျက်သရေရှိကာ ခွေလျှနွမ်းချိနေသည့် အမျိုးသမီးတစ်ယောက်၏ အသံက ထွက်ပေါ်လာသည်။
ရဲမက်များကြား အုတ်အော်သောင်းတင်းဖြစ်နေမှုက ဘုရင်မကို စိတ်ဝင်စားအောင် ဆွဲဆောင်ခဲ့လေသည်။ သူမက ခမ်နားကြီးကျယ်သည့် ဂါဝန်ကို ဝတ်ဆင်ထားပြီး၊ မျက်နှာပေါ်တွင် ပုဝါလွှမ်းခြုံထားသည်။ သူမ၏လက်များက ချောမခန့်ညားသည့် ယောကျ်ားတစ်ယောက်၏ ပုခုံးထက်တွင် ရှိနေ၏။ နောက်တွင်မူ သာမန်ရုပ်ရှည်မျှသာရှိသော အစေခံမြောက်များစွာက လိုက်ပါလာကြသည်။
ရှင်ယဲ့ ဘုရင်မရှေ့တွင် ချက်ချင်းဒူးထောက်လိုက်ကာ အစောင့်တပ်မှူးထက်ဦးပြီး အသနားခံလိုက်သည်: "အရှင် ဘုရင်မ၊ ကျွန်တော်မျိုးရဲ့ အသိပညာတိမ်ပါးမှုကြောင့် ဘုရင်မကို အနှောင့်အယှက်ပြုစေခဲ့မိရင် တောင်းပန်ပါတယ်။ ဒါပေမဲ့လည်း ရဲမက်တစ်ယောက်အနေနဲ့ လက်မလျှော့ဘဲ စွဲမြဲမြဲဆုပ်ကိုင်ထားရမယ့် ခံယူချက်တွေက ရှိနေပါတယ်။ ကျွန်တော်မျိုးရဲ့ ဂုဏ်သိက္ခာကို ထိန်းသိမ်းဖို့အတွက် အစောင်တပ်မှူးနဲ့ ဓားရေးယှဉ်ပွဲကို အရှင် ဘုရင်မ ခွင့်ပြုပေးဖို့ တောင်းဆိုချင်ပါတယ်"
ပထမဆုံး မင်းမျိုးမင်းနွယ်ရဲမက်တွေကို စော်ကားသည့်အပြစ်ကို အစောင့်တပ်မှူး၏ ခေါင်းပေါ်သို့ ပုံချလိုက်သည်။ ထို့နောက် ဓားရေးယှဉ်ဖို့ရန် ခွင့်တောင်းလိုက်သည်။ ဒီခေတ်၏ ဓလေ့ထုံးတမ်းများအရ ဘယ်သူကမှ ငြင်းဆန်မှာ မဟုတ်ပေ။
ဘုရင်မက ဒေါ်သမထွက်ဘဲ ပြုံးတောင်ပြုံးလိုက်သေးသည်: "ရဲမက်တွေက အမြဲတမ်း စိတ်လိုက်မာန်ပါ လုပ်တတ်ကြတာပါပဲ။ ဒါကလည်း ငယ်ရွယ်မှုရဲ့ ကောင်းကျိုးတစ်ခုပါပဲလေ။ ကောင်းပြီလေ၊ ရဲမက်တွေကြား အငြင်းအခုန်ဖြစ်ကြတဲ့ ကိစ္စဆိုတော့ ဓားရေးနဲ့ပဲ ဖြေရှင်းကြတာပေါ့"
တကယ်တမ်း ပြောရလျှင်၊ ရဲမက်တွေဆိုသည်မှာ မင်းမျိုးမင်းနွယ်တို့၏ မျက်လုံးထဲမှာတော့ အဆင့်မြင့် အစေခံတွေထက်မပိုပေ။ နှစ်တိုင်းလိုလို ပွဲတော်ရက်များ၌ ရဲမက်များ အသေအကြေ ဓားရေးယှဉ်ကာ တိုက်ခိုက်ကြသည်က မင်းမျိုးမင်းနွယ်များအတွက်မူ အပျင်းပြေစေသော ပြပွဲတစ်ခုသာ ဖြစ်သည်။ အကယ်၍ ရှင်ယဲ့က ဘာမှမလုပ်ခဲ့ဘူးဆိုရင်တောင် ဘုရင်မက တိုက်ရည်ခိုက်ရည်ရှိဟန်ရသည့် ရဲမက်နှစ်ယောက်ကို ခေါ်ကာ ဓားရေးယှဉ်ခိုင်းနိုင်ချေရှိသည်။ ယခုအချိန်က တကယ့်ကို အချိန်ကိုက်ပင်။
YOU ARE READING
High Energy QR Code [ Myanmar translation ]
FantasyTitle - High Energy QR Code 高能二维码 Gāonéng èr wéi mǎ Author - Cyan Wings 青色羽翼 Genre - Survival, Fantasy, Romance Chapters - 251 chapters + 19 extras English trans: by Kiki https://isotls.com/high-energy-qr-code/ I do not own this novel. F...
Chapter 13 _ ဓားရေးယှဉ်ခြင်း
Start from the beginning