ရှင်ယဲ့ ထိုမေးခွန်းနဲ့ ပတ်သက်ပြီး နည်းနည်း စိတ်ဝင်စားနေမိသည်။ သူ့ရဲ့မျက်လုံးထဲမှာတော့ ရှင်ရှော့က ထူးကဲပြီး ချောမောလေသည်။ ရှင်ရှော့နဲ့ တူသည့် ဒီမျက်နှာကို တစ်စုံတစ်ယောက်က ရုပ်ဆိုးတယ်ဟု ပြောသည်ကို လက်မခံနိုင်ချေ။
မှန်က အမှန်အတိုင်း ဖြေလေသည်: "တစ်ဝက်တစ်ဝက်ပါပဲ။ ရုပ်တော့မဆိုးဘူး။ ဒါပေမဲ့ ငါ့လောက်တော့ မချောဘူး"
"မင်းလောက်မချောဘူး ဟုတ်လား?" ရှင်ယဲ့ မျက်ခုံးများကို ပင့်ကြည့်လိုက်သည်။ "အဲ့ဒါဆို မင်းက လူ၊ ဒါမှမဟုတ် လူပုံစံဖြစ်ခဲ့ဖူးတာပေါ့?"
မှန်မျက်နှာပြင်မှာ ရုတ်တရက် မှောင်မိုက်သွားပြီး၊ တစ်ချိန်တည်းမှာပဲ 'ဆိုးရွား စက်ဆုပ်ဖို့ကောင်းတယ်' ဆိုတဲ့ စာလုံးက မျက်နှာပြင်ပေါ်တွင် ပေါ်လာလေသည်။
ရှင်ယဲ့ ဒေါသမထွက်မိသည့်အပြင် ရယ်တောင်ရယ်ချင်နေမိသည်။ မှန်က စိတ်အပြောင်းအလဲမြန်တတ်သည့် သခင်လေးတစ်ယောက်နဲ့ တူနေပြီး နည်းနည်းတောင် ချစ်ဖို့ကောင်းနေသေးသည်။
ရှောင်ရှော့မှာ ကလေးဘဝတည်းက အလွန်ပင် လိမ္မာလေသည်။ သူတို့မိဘတွေ ဆုံးသွားပြီးနောက် ငိုတာရော၊ ပြဿနာရှာတာရော တစ်ခါမှ မရှိခဲ့ဖူးပေ။ သူ့ရဲ့ ပြဿနာတွေကြောင့် ရှင်ယဲ့ကို အနှောင့်အယှက်ဖြစ်စေမှာ ကြောက်လေသည်။ ရှင်ယဲ့ သူ့မိသားစု စီးပွားရေးတွေကို စပြီးကိုင်တွယ်ရတဲ့ အချိန်တုန်းက သူ့ညီကို ဂရုစိုက်မယ့်အချိန်မရှိခဲ့ပေ။ သူအချိန်ရလာတဲ့ အခါကျတော့၊ သူ့ညီလေး ရှင်ရှော့က ကိုယ့်အားကိုယ်ကိုးတတ်တဲ့ လူတစ်ယောက်ဖြစ်လာပြီး၊ ကိစ္စတစ်ခုခုရှိလာရင်တောင် သူနဲ့ တိုင်ပင်ဆွေးနွေးတာမျိုး မရှိတော့ချေ။
သူ တကယ်ပဲ ရှင်ရှော့ကို နည်းနည်းလောက်ပိုပြီး ကလေးဆန်စေချင်ခဲ့လေသည်။ တခါတရံ ဒေါသထွက်တတ်ပြီး၊ သုံးဖြုန်းဖို့အတွက် သူ့ဆီက ပိုက်ဆံများတောင်းစေချင်ခဲ့သည်။ ရှင်ယဲ့ သူ့ညီအပေါ် အကြွေးတင်နေသလို ခံစားနေရတာကြောင့်၊ သူဖြစ်ချင်သမျှကို မရရအောင် ဖြည့်ဆည်းပေးခဲ့မှာဖြစ်သည်။
![](https://img.wattpad.com/cover/283499918-288-k131267.jpg)
VOCÊ ESTÁ LENDO
High Energy QR Code [ Myanmar translation ]
FantasiaTitle - High Energy QR Code 高能二维码 Gāonéng èr wéi mǎ Author - Cyan Wings 青色羽翼 Genre - Survival, Fantasy, Romance Chapters - 251 chapters + 19 extras English trans: by Kiki https://isotls.com/high-energy-qr-code/ I do not own this novel. F...
Chapter 7 _ အဝတ်များ ဝယ်ခြင်း
Começar do início