သူမသည်းမခံတဲ့အဆုံး သူဖက်ထားသောလက်မှလွတ်မြောက်ရန် ကြိုးစားသော်လည်း သူကအေးဆေးပင်...
"ငြိမ်ငြိမ်နေ Baby ဒါကအန္တရာယ်များတယ်နော်""....."
သူမ၏ကျောမှ မာကျောသောအရာကိုခံစားရသောအခါ သူ့ဆိုလိုရင်းကိုနားလည်ပြီး သူမငြိမ်နေလိုက်လေသည်။ကယ်ကြပါအုန်း...
"လိမ်လိမ်မာမာနေနော် မဟုတ်ရင်အိပ်ရာပေါ်မှာဘဲ ၁နေ့လုံးနေနေရမယ်""အခုငြိမ်နေတယ်လေ လွှတ်တော့"
"မလွှတ်ပါဘူး"
ကျောကိုထောက်ထားတဲ့အရာက ပို၍မာကျောလာသည်။ဘယ်သူက အဲ့တာကြီးကိုမသိဟန်ဆောင်ပြီးနေနိုင်မှာလဲ။
"Babyရဲ့မိဘတွေအိမ်ပြန်ချင်လား"ဒီကမ္ဘာရောက်ကတည်းက သူမလုံးဝမေ့နေသောအရာ။စိုင်းပြည့်လွင်သည်လင်းလဲ့အား စံအိမ်၌ချုပ်နှောင်ထားသော်ငှား သူမ၏မိဘနှင့် ဖုန်းဖြင့်ဆက်သွယ်ခွင့်ပြုသည်။လင်းလဲ့သည်မိဘများထိခိုက်မှာစိုး၍ သူမ၏မိဘများကိုသူမအဆင်ပြေကြောင်းသာပြောသည်။သူမအိမ်မပြန်ရတာ ၂နှစ်ကျော်ရှိပြီဖြစ်သည်။
အခုစိုင်းပြည့်လွင်က သူမကိုဤမေးခွန်းမေးသည်မှာအလွန်ထူးဆန်းသည်။အပြင်တောင် သူနဲ့မှထွက်ခွင့်ရတာ။အခုတော့ သူ သူမကိုယုံကြည်ပြီးအိမ်ပြန်ခွင့်ပြုတော့မှာလား။
"အင်း အိမ်မပြန်ရတာတောင်ကြာပြီ ဖေဖေနဲ့မေမေ့ကိုသတိရတယ်""ကိုယ်တို့ဒီကပြန်ရင် ဝင်တွေ့ကြမလား"
"အင်း တွေ့မယ်"
အမှန်တော့ စိုင်းပြည့်လွင်အာရုံပြောင်းသောအနေဖြင့်မေးလိုက်ချင်းဖြစ်သည်။သူမသာ လှုပ်ရှားနေမယ်ဆို သူထိန်းချုပ်နိုင်မည် မဟုတ်။သူမဟာ သူမရဲ့ဆွဲဆောင်မှုရှိတဲ့အရာတွေကို Hoodieအပွ၊ဘောင်းဘီအရှည်ဖြင့် ဖုံးအုပ်ထားသော်ငှား သူမကိုမြင်ရုံနဲ့သူထန်သည်။မိန်းမကိစ္စလိုက်စားမှုမရှိခဲ့သော
စိုင်းပြည့်လွင်ကိုသူမကဘဲ စိတ်လှုပ်ရှားစေတာဖြစ်သည်။မနေ့ညကသူမနှင့်သူ့အတွက်ပထမဆုံးသောအတွေ့အကြုံကို သူသူမကိုလက်ထပ်ပြီးမှသာ သိမ်းပိုက်ချင်ခဲ့တာဖြစ်သည်။သို့သော်သူလုံးဝစိတ်မထိန်းနိုင်ခဲ့ပေ။သူမအပေါ်သူ့ခံစားချက်ကလေးနက်သော်ငှား သူမ သူ့အပေါ်ကို၁မျိုးမထင်စေချင်။သူအတွက် မိန်းကလေးဆိုတာ သူမတစ်ယောက်တည်းဖြစ်ကြောင်း သူမကိုသိစေချင်သည်။သူမကသူလိုချင်တဲ့ ဆက်ဆံရေးကိုကြိုးစားပေးတာကြောင့် သူလည်းသူမပျော်ရွှင်စေနိုင်တဲ့ အရာကိုလုပ်ပေးရမှာပေါ့....
YOU ARE READING
သူမချစ်သော ဗီလိန်(သူမခ်စ္ေသာ ဗီလိန္)
Romanceအသက် ၁၉နှစ်ဖြစ်တဲ့ တက္ကသိုလ်ကျောင်းသူ ငါက "နှလုံးသားစီးချင်း"လို့ခေါ်တဲ့ ဝတ္ထုထဲက ဇာတ်ဆောင်မင်းသမီးရဲ့ ကိုယ်ထဲရောက်သွားခဲ့တယ် 🚨🚨🚨 Own creation (Unicode and Zawgyi) အသက္ ၁၉နွစ္ျဖစ္တဲ့ ေကာလိပ္ေက်ာင္းသူ ငါက "နွလံုးသားစီးခ်င္း"လို႔ေခၚတဲ႔ စာအုပ္ထ...