သူမကိုအခန်းထဲပို့ပြီးနောက်မှ လုပ်လက်စအလုပ်များကိုဆက်လုပ်နေလိုက်သည်။အစည်းအဝေးခန်းရောက်တော့ သူမဘာလုပ်နေလဲဆိုတာ သူ့အခန်းမှာတက်ထားသော CCTVကို ဖုန်းပြီးjoinပြီးကြည့်လိုက်မိတယ်။
သူမစဝင်ကတည်းက အခုထိ ကုတင်ပေါ်မှာ ဖုန်းသုံးနေတာ။သူမပြောတဲ့အတိုင်းတကယ်နေနိုင်တာဘဲ။အစည်းအဝေးပြီးတော့ သူမဆီကိုသွားကြည့်ဖို့ စဥ်းစားလိုက်သည်။အခန်းထဲဝင်ဖို့ တံခါးခေါက်တာတောင် ဘာသံမှပြန်မကြားဘူး။သူမ အိပ်ပျော်နေတယ်အထင်နဲ့ဝင်လာလိုက်တော့ တကယ်ကိုအိပ်ပျော်နေတာပင်...
နှစ်နှစ်ခြိုက်ခြိုက်အိပ်နေတဲ့ ကုတင်ပေါ်ကမိန်းကလေးကိုကြည့်ပြီး သူပြုံးလိုက်သည်။အခုတလောသူတို့နှစ်ယောက် ဆက်ဆံရေးကကောင်းမွန်လာတယ်။သူမ တကယ်ဘဲ ပြောင်းလဲဖို့ကြိုးစားနေတယ်လို့ သူခံစားမိတယ်။ဒီအရာက သူ့ကိုပျော်ရွှင်စေတယ်။သူ သူမနဲ့ဒီအတိုင်းလေး သာသာယာယာနေချင်တယ်။အိပ်စက်နေသော သူမကိုကြည့်နေရင်း အသိဝင်ချိန်မှာ သူဟာသူမနဖူးလေးကို အသာအယာနမ်းပြီးပြီဖြစ်သည်။ထို့နောက် ရုံးခန်းသို့မသွားတော့ဘဲ အိပ်ခန်း၌သာ အလုပ်ဆက်လုပ်နေလိုက်သည်။
သူမ ဖုန်းနဲ့ဇာတ်ကားကြည့်နေရင်း ဘယ်လိုအိပ်ပျော်သွားလဲတော့မမှတ်မိ။နိုးလာတော့ ကုတင်ဘေးက ခုံမှာထိုင်ပြီး laptopနဲ့အလုပ်လုပ်နေတဲ့ စိုင်းပြည့်လွင်ကိုတွေ့လိုက်ရတယ်။
အိပ်ရာပေါ်၌ငုတ်တုတ်ထိုင်နေသော သူမကိုမြင်တော့
"နိုးပြီလား ကိုမင်းကိုနှိုးတော့မလို့""ကျွန်မ အိပ်ပျော်သွားတယ် ဘယ်အချိန်ရှိပြီလဲဟင်"
"၃နာရီ၄၈မိနစ်"
"သွားပြီ!!"
"ဘာလို့လဲ"
"ကိုကို့အတွက်ညစာချက်ပေးဖို့လေ ကိုအလုပ်မပြီးသေးရင် ချစ်အိမ်ပြန်နှင့်မယ်"
သူ့အတွက် ညစာချက်ပေးဖို့ပြောနေသော သူမကိုကြည့်နေသည့် သူ့မျက်ဝန်းမှာ ပျော်ရွှင်မှုအပြည့်။သူကိုယ်တိုင် သူမအနားသွားထိုင်ကာ သူမ၏ခေါင်းကိုနောက်မှကိုင်၍ သူ့နဖူးနဲ့သူမနဖူးကို ထိကပ်လိုက်သည်။"ဒီည ကိုတို့အပြင်ထွက်စားကြမလား"
أنت تقرأ
သူမချစ်သော ဗီလိန်(သူမခ်စ္ေသာ ဗီလိန္)
العاطفيةအသက် ၁၉နှစ်ဖြစ်တဲ့ တက္ကသိုလ်ကျောင်းသူ ငါက "နှလုံးသားစီးချင်း"လို့ခေါ်တဲ့ ဝတ္ထုထဲက ဇာတ်ဆောင်မင်းသမီးရဲ့ ကိုယ်ထဲရောက်သွားခဲ့တယ် 🚨🚨🚨 Own creation (Unicode and Zawgyi) အသက္ ၁၉နွစ္ျဖစ္တဲ့ ေကာလိပ္ေက်ာင္းသူ ငါက "နွလံုးသားစီးခ်င္း"လို႔ေခၚတဲ႔ စာအုပ္ထ...