"အခုလေးတင် ပြန်ရောက်တာ။"
ထန်ရှောင်းက သူ အသံတွေကိုအာရုံမစိုက်မိနိုင်လောက်အောင် စိတ်ပျံ့လွန်းနေတာဖြစ်မယ်လို့ သူ့ဘာသာအကြောင်းပြချက်ပေးလိုက်ပြီး ခေါင်းငြိမ့်သည်။ သူ့လက်ထဲကပုံးကိုမြှောက်ပြရင်း သူက တံခါးဆီမျက်ရိပ်ပြသည်။
"အစ်ကိုရှောင်ယီက ငါးကိုစောင့်နေတာဆိုတော့ ကျွန်တော် ဝင်သွားသင့်ပြီ။"
"ဒါပေါ့။ ငါ ဈေးနည်းနည်းဝယ်ဖို့ အပြင်ထွက်မလို့။"
ထန်ရှောင်းက ရှန်ဖူ့ကိုရှောင်ရှားကာ မီးဖိုခန်းထဲ ဝင်လိုက်သော်ငြား ရှန်ဖူနဲ့ပတ်သက်ပြီး တစ်ခုခုလွဲနေတယ်လို့ မခံစားမိဘဲ မနေနိုင်ခဲ့ချေ၊ ဘာလဲဆိုတာကို သူ အတိအကျမပြောနိုင်ရုံသာဖြစ်၏။ ဟုတ်ပြီလေ၊ သူ ထွင်းဖောက်မတွေးနိုင်ရင်လည်း ဒီကိစ္စကို ဘေးဖယ်ပြီး လုပ်စရာရှိတာလုပ်မှ။
လင်ရှုယီက တံခါးကိုကျောပေးထားပြီး ပျာယာခတ်နေပုံရကာ ကြက်သားကို ကို့ရို့ကားယားလှန်နေ၏။ ထန်ရှောင်းမှာ လင်ရှုယီက တည်ငြိမ်တဲ့ဟန်မရှိတာကို မြင်ရခဲတာမို့ ဒါက နည်းနည်းရယ်စရာကောင်းသလို ထူးဆန်းသည်ဟုတွေးလိုက်မိသည်။
"အစ်ကို ကျွန်တော့်အကူအညီလိုလား?"
"မလိုဘူး။"
လင်ရှုယီက လှည့်မလာပေ၊ ပြန်ဖြေလိုက်တဲ့သူ့အသံက အက်ရှနေ၏။ သူက ကြက်ကို လှန်လိုက်သည်။
"ငါးတွေကို တုံးပြီးပြီ၊ တစ်ချက်လောက်ကြည့်ချင်သေးလား အစ်ကိုရှောင်ယီ။"
ထန်ရှောင်းက ဓားကိုင်ကျွမ်းလွန်းလှတာကြောင့် ငါးတွေက တုံးတစ်ထားပုံက သေသပ်ကာစနစ်ကျသည်။ အလုပ်များလွန်းတဲ့မနေ့ကရက်ပြီးတဲ့နောက်မှာ ထန်ရှောင်းတစ်ယောက် လင်ရှုယီရဲ့ထူးခြားလွန်းလှတဲ့အချက်အပြုတ်အရည်အချင်းတွေကို လုံးဝလေးစားနေခဲ့ရတာမို့ ဒီတစ်ကြိမ်တော့ သူက လင်ရှုယီကို သူ့ရဲ့အရည်အချင်းတွေနဲ့ အံ့အားသင့်သွားအောင်လုပ်နိုင်ပြီး ချီးကျူးမှုလေးနည်းနည်းရဖို့မျှော်လင့်နေတာဖြစ်သည်။ ပုံးကိုသယ်လာချိန်မှာ သူရလိုက်တာက ခပ်မြန်မြန်အကြည့်တစ်ချက်နဲ့ "အင်း"ဟူသည့်အတည်ပြုပေးမှုတစ်ခုသာဖြစ်ပြီး လင်ရှုယီက ကြက်သားဆီပြန်လှည့်သွား၏။
YOU ARE READING
I'm a Chef in the Modern Era [Myanmar Translation]
FantasyName 我在现代做厨子[美食] Wǒ zài xiàndài zuò cr húzi [měishí] Author(s) 桃子苏 (Táozi sū) Translator(s) Exiled Rebels Scanlations Chapter 125chapters(118chapters+7extras) Status in COO Completed Myanmar Translation start date 6.4.2020
Chapter - 77
Start from the beginning
![I'm a Chef in the Modern Era [Myanmar Translation]](https://img.wattpad.com/cover/219562849-64-k125358.jpg)