روايه البرنسيسه بقلم المبدعه/نور محمد

الفصل التاسع وثلاثون ❤️

البارت التاسع وثلاثون من روايه البرنسيسه بعنوان اتحاد

في حجات كتير كانت هتبقي حلوه في وقتها ولما بتيجي متأخر بتوجعك اكتر ما بتسعدك بتفكرك انك عملت كل حاجه عشان توصل وبردو ماعرفتش بتفكرك بكل حلم ضاع وكل حاجه اتمنتهي وماحصلتش ماتحولش تسعد حد بحاجه انت بس الي شيفها هتسعدو احيانا المفجأت بتفتح في جروح صعب تلم

كانت مستلقيه على الفراش تكاد تستطيع ان تستعيد وعيها وحولها الجميع خأفون عليها

أدم وهو يتنهد براحه ويقبل يدها/الحمد لله فاقت وقعتي قلبي

حور وهي تسحب يدها وتحاول الاعتدال/بره سبوني لوحدي

أدم بصدمه/ايه

حور بعصبيه/قولت بره سبوني لوحدي

أدم وهو يجريها/طب اهدي بس احنا طلعين يلا يا جماعه

ليخرج الجميع معادا اكرم لينظر له أدم

حور وهي تغمض أعينها/اخرج بره وسبني يا أدم

ليقبض يده بغضب ويخرج وتفتح عنيها هي ليتبادلو النظرات في صمت ليجذبها اكرم دون ادني مقدمات الي احضانه لتتشبث به كالطفله الخائفه وتبكي بقهر نعم البرنسيسه تبكي تلك المرائه التي ذاع صيت جبروتها تبكي تبكي وتتذكر كل شيئ تقبض بشده على قميصه تحاول الأختباء من ماضيها لثواني

اكرم وهو يربط على ظهرها/بسسس انا هنا جمبك ماتخفيش اهدي بسسس

حور بشهقات وهي تحاول الكلام/اك..رم ..ا.ن.ا

اكرم/هششش مش محتاجه تتكلامي انا هنا جمبك اطمني كلو هيبقي بخير كلو هششش

مرت دقائق كثيره وهم على نفس الوضع حتي هدئت حور تماماً

اكرم وهو يحيط وجهها بيديه/بقيتي احسن

حور واثار الدموع لازالت على خديها بعد/طول مانت جمبي هبقي احسن

أكرم وهو يشد على كتفيها بقوه/انسي انسي وماتخليش حور وضعفها يظهر تاني يا برنسيسه انتي الي الكل يخاف منها ويبكي لمجرد انك تعديه ارفعي راسك زي ماكنتي وزي ماهتكوني ديما

اه وألف اه من ذالك العبئ اه على تلك الكلمه التي كتب احرفها بالدماء فالبرنسيسه كما اعطتها اخذت من حور الكثير حتي حق الوجع لم يعد تمتلكه لتجفف دموعها بجمود/معاك حق وانت خارج ابعتلي أدم انا عارفه انو زمانو واقف على الباب

اكرم بهدوء/فكري بعقل زي مابتعملي واوعي مشعرك تتحكم فيكي سعتها هتخسري هو عمل الصح فبلاش يا حور تهور

لتبتسم له بسخريه ليخرج هو الي ذالك الاسد الغاضب على الباب

اكرم ببرود/حور عيزاك

ليندفع الاخر دون حتي الرد عليه

أدم ببعض الهدوء/ممكن اعرف في ايه وازي تطلبي مني اني أخرج