Wicked Angel (Part Two) The Truth Untold

CHAPTER ONE HUNDRED FIFTY SIX

Kailangan nga ba?

Dapat nga ba?

Nagsisi ako bigla.

Hindi. Hindi 'yon Angel. Si Chad? Masasaktan? Malabo...

"Gaio," hinarap ko si Gaio, may itatanong sana ako kasi abala siya sa pagtitig sa kung saan, nakatingin siya ngayon sa labas, tulala siya ro'n kaya tinignan ko rin ang tinitignan niya. It was MG, with a teacher. Mukang kinakausap siya, bakas din sa muka ng babae na may problema. Tinignan ko si Gaio at agad kong nabasa ang pag aalala sa mata niya, "alam mo... hindi ko masasabi na hindi siya para sayo pero sana naman alam mo kung saan ka lulugar dahil hindi ikaw," sabi ko habang nakatingin sakaniya.

Nilingon niya ako at napatango. "alam ko, 'di ko lang tanggap." tapos ay mapaklang natawa siya, "Ano 'yon? Tinawag mo 'ko kanina, e." pag iiba niya ng usapan at ngumiti na, na parang walang lungkot na naramdaman kanina pero ang mga mata niya wala, e, hindi siya makapagtatago ng nararamdaman saakin.

"Ano... kunwari lang... kapag ba sinabi ko sayo na hindi kita gustong maging kaibigan kasi masama ka... anong magiging reaksyon mo?" tanong ko.

"Ako? Bakit? Ayaw mo ba akong maging kaibigan dahil masama ako? B-bakit? Mas masama ka naman keysa saakin ah! Baliktad! Dapat ako ang nagtatanong niyan sayo!" madramang usal niya. Napatayo pa siya at lumayo saakin, 'yan tuloy ay nilingon siya ng mga kaklase namin.

Napapikit ako dahil sa inis.

"Kunwari lang nga! Putang ina nito..." nauubusang pasensiyang usal ko.

Tumawa siya at awkward na nakatingin saakin habang kinakamot ang ulo niya.

"Biro lang 'yon! Ito naman! Syempre... masasaktan ako ano pa nga ba!" 

Syempre.

"Ganito naman." para batang namang humarap saakin si Gaio, nakatingin siya saakin at handang handa na makinig sa ano mang sasabihin ko,  "kunwari lang a. Kunwari may gusto ka saakin, at inamin mo na 'yon saakin... tapos sinabi ko sayo na hindi ako magkakagusto sayo kasi alam ko na may mga ginawa kang masama. Anong mararamdaman mo?"

"Masakit 'yon. Sobra. Kunwari lang 'tong ginagawa natin pero... nasaktan ako, ang sakit." hindi ko alam kung seryoso ba si Gaio sa sinabi niya dahil nakalabi siya habang nakahawak pa sa dibdib niya kung nasaan ang puso niya.

Agad na nakaramdam ang puso ko ng sakit. Bigla na lang kumabog 'yong puso ko at masakit 'yon sa dibdib.

"Pwede mo namang sabihin na hindi kita gusto ng direkta sa tao pero sinabi mo na hindi mo siya gusto dahil may masama siyang ginagawa? Aba! Masakit 'yon Angel!" kung magsalita si Gaio ay para siyang may pinaglalaban.

Tumayo ako bigla na kinagulat ni Gaio pero napaupo rin. Napayuko ako at napasabunot sa buhok ko.

"Problema mo?" tanong ni Gaio.

Umiling lang ako bilang sagot.

Bigla akong binalot ng guilt.

Bigla kung naalala kung paano siya nasaktan noong nalaman niya na may sama ng loob pala ang lahat sakaniya ang mga kaibigan niya.

Biglang sumulpot sa isip ko ang muka ni Chad na nasasaktan habang pinapakinggan niya ang mga sinasabi nila sakaniya.

Bigla na lang akong nasaktan din dahil alam ko na nasaktan ko siya.