Unicode
ဝေါ့ခနဲ အန်ချလိုက်တဲ့နောက်မှာ လေတွေကလွဲပီး ဘာမှထွက်မလာပေမဲ့ လူက အတော်ကိုပင်ပန်းမောဟိုက်နေရသည်...။
တဆစ်ဆစ်နဲ့ ထိုးကိုက်နေတဲ့ခေါင်းကို လက်နဲ့ဖိရင်း Sunghoonဖြေးဖြေးချင်းထရပ်ကာ နံရံတွင် ကပ်မှီလိုက်သည်...။မလှုပ်ချင်လောက်အောင်နွမ်းနယ်နေတဲ့ကိုယ်ကို သယ်ပိုးဖို့တောင် အားမရှိလွန်း၍ ကျောင်းခန်းထဲကိုလျှောက်လှမ်းဖို့ခြေလှမ်းတွေကို အတော်အားယူနေရသည်...။
လွန်ခဲ့တဲ့တစ်ပတ်ကနဲ့သိသိသာသာကွာခြားလာတဲ့ကျန်းမာရေးကို ကိုယ်တိုင်သတိပြုမိပေမဲ့ ထွေထွေထူးထူး ဂရုမစိုက်ဖြစ်ခဲ့..
ဒီရက်ပိုင်းခေါင်းကိုက်တာရက်ဆက်လာသလို...သတိမေ့တာကပါဆိုးရွားလာသည်...လက်ကိုဆေးရင်းမှန်ထဲကပုံရိပ်ကိုမြင်လိုက်တဲ့ခဏ ပြုံးမိသည်...
တကယ်ကို လူမမာရုပ်မပေါက်နေရုံတမယ်ပါပဲ...
မျက်ဝန်းအောက်က မျက်ကွင်းညိုတွေကို သတိထားမိသလိုမေးလာတဲ့Jaeyunကို အိပ်ရေးပျက်လို့ ဆိုတဲ့စကားတစ်ခွန်းနဲ့လိမ်ညာထားနိုင်ခဲ့သည်..။
လွန်ခဲ့တဲ့တစ်ပတ်ကလဲ စကိတ်ကွင်းမှာ Jaeyunတိူ့နှစ်ယောက်တည်း မေ့ကာထားမိခဲ့ပီးမှ သတိပြန်ရသည်...။
အာရုံအထူးစိုက်မိတာမဟုတ်ရင် အမှတ်တမဲ့တွေက တအားကိုများလာခဲ့သည်...။ကော်ရစ်တာတစ်လျောက် နံရံတွေကိုထိန်းကာ ဖြေးဖြေးချင်းခြေလှမ်းတွေကိုလှမ်းလျှောက်ရင်း Jayကိုလှမ်းတွေ့လိုက်ရသည်...။
ဟိုကြည့်ဒီကြည့်နဲ့Jayက သူ့ကိုရှာနေတာတော့မဖြစ်လောက်ဘူးထင်ပါတယ်...။" မင်းကဘာလို့ကြာနေတာလဲ ထမင်းစားဖို့စောင့်ဆိုပီး.."
မျက်ခုံးတွေကိုတွန့်ချိုးပီး လက်ကိုလာဆွဲကာဆိုလာတဲ့Jayစကားကြောင့် ခေါင်းတစ်ချက်ကုတ်ဖြစ်လိုက်သည်...။
တကယ်စောင့်ခိုင်းခဲ့တာလားတော့မသေချာပေမဲ့ ပြောမိခဲ့သည်ထင်သည်..။
ဒါကြောင့်လဲ Jayအခုလိုလာရှာနေတာပေါ့...။" ဆောရီး...ငါနည်းနည်းကြာသွားတာ...."
" နေတော့ကောင်းတယ်မလား Sunghoon..မင်းကြည့်ရတာ အားမရှိသလိုပဲ.."
" စာမေးပွဲနားနီးနေပီလေ စာလုပ်တာညဥ့်နက်လို့ ပင်ပန်းနေတာ.."
YOU ARE READING
𝑬𝒏𝒅𝒍𝒆𝒔𝒔 // 02𝒛
Fanfiction- C o m p l e t e d - ချစ်ခြင်းတွေရှိတယ် မင်းရယ် ကိုယ်ရယ် သူရယ်