البارت :السابع عشر والاخير
الكاتبه :زمرد وليد
طلع الدكتور وكال منو ويه رائد ............
سابقئ وفيآ لكي حتى عند موتي 💔
تمسك بي حيدآ ربما نفترق ولن يكون لنا لقاء أخر ......
انا وانتي ضحيه لهذا المجتمع
ضحيه عادات وتقاليد واهل عقولهم عايشه بزمن الماضي
انتي وأنتي حبنه طاهر ومحد بارك بي
ربما نلتقي في مكانآ أخر
سا أنتظرك حتى وأنا على فراش الموت
........
لحظات صعبه وانتظار قاتل
معقوله معاناه ٦ سنوات تنتهي بخيبه أمل
تنتهي بوجع للابد
................
رعد :اني وياه رائد
باوع عليه الدكتور وكله للاسف 💔💔💔💔💔
مابيدنه شي غير الدعاء الرائد
سوينه الي نكدر عليه وبقت يم الله
رعد :دكتور سوي اي شي اريد اخوي يعيش
اريده منك دكتور شتريد شتطلب
كولي احسن دكتور منو اريد اخوي هذا حزام ضهري
ماعندي غيره بهل حياة
ادعيله الاخوك
الله يكون بعونكم ويصبركم
.........
شمس الدكتور من كال منو ويه رائد احس نفسي انشليت
ما اكدر احجي ولا اكوم على حيلي بس الدموع تصب والقرأن بيدي
اسمعه يكوله للاسف مابيدنه شي بس الدعاء
يعني شنو دكتور شدكول انته
ليش دكول للاسف
دكتور الله يخليك رجعلياه ما اريده يروح
نهد حيلي رائد لا تعوفني
ولك والله ارجع احجي وياك والله بعد ما اتركك ولا أسافر
رائد بس اكعد بس كول شمس
اريدك من الله لا تتركني يا روح شمس انته
ما احس الى امه اتخربطت من سمعت ابنها مستحيل يرجع 💔
اوف رائد وليدي ولك يمه اني صوجي
ولك يمه تذكرمن اكولك ازوج ودكول يمه راح تدفنيني
سوده بوجه امك اكعد ولك اكعد بعدك شباب
هاي شمس هنا تريدك اكعد شوفها
والله اني ازوجكم بيدي واخلي عرسكم كلها تسولف بي
بس اكعد ولك بس كولي يمه
تروحلك فدوه أمك
أمك دمرتك والله جاي يجازيها
امك اذت هل مسكينه
ارجعلي وليدي
ولكم ابني هذا
هذا رائد الي مايوم زعلني ما يوم ردلي طلب رائد كلها تحبها وتحترمه
يمه جمالك ميروح للترب اموت وراك والله
امه تخربطت حيل عليه
اخذتها وابر ومهدئات
اوف خاله شسويتي بنفسج
التمو كرايب رائد وعمامه وخواله ومن ضمنهم ايلاف
اجت يمي ويم ام رائد شافت خاله نايمه
تقدمت عليه وتضحك ابتسامه حاقد
هااا عيني شموسه شمنتظرره برجعلج رائد هههههههههههههههه
اخخخ يا شمس الجهنم اثنينكم انتي وياه
والله يالله ولج شنو شاف بيج وفضلج عليه
بس يله ربج ميكطع الحمدلله دشوفي رأىد هسه ع السديه باجر جوه التراب
شمس :شفت وحده دخلت وتضحك احسها شماته
عرفت هاي ايلاف
دكولي اليوم ع السديه وباجر جوه التراب
باوعت عليها والدمعه بعيني
حسبي الله ونعم الوكيل
ما اكولج بس هل كلام
ورائد راح يكوم ويوكف على حيله
ايلاف :هههههههههههههههه تحلمين
تره اني دكتوره وقطعت كل هل مسافه علمود اشوف التقاربر
حبيبتي انسي شي اسمه رائد
رائد ماكووووو بعد راااح تره
الدكاتره كلولي ماكو امل ههههههههههههه
اوووي شكد فكر انتي دفنتي زوجج وراح ادفنين ابن خالتي فكريه
يله الله بعوضج بغير زلم شو همه ضالين يركضون وره هيج شكول
شمس : كلتلي رائد ماكو منه أمل ومراح يكون موجود
فقدت اعصابي بس شسوي ياربي
وضعي ميسمح احجي واصرخ
واكولهم طلعوها
ضلت دكول فكر وراح تدفنين رائد
احس كلامها سجاجين بكلبي
تضحك ضحكتها طويله
اطلعي بره ولا تصغرين نفسج
ايلاف شنو ولج تطرديني
شمس اي اطردج اطلعي منا
ايلاف :ههههههههههههههههه يله معذوره راح اطلع لان ادري وراج بجي على رائد
اخذي قسط كن الراحه يا شمس هههههههههههههه باااااي حبي نلتقي بفاتحه حبيبج
طلعت وسدت الباب وراها
...........
هوه هيج الناس تشمت بالمريض لو بالموت
ليش ياربي ليش ماكو عدل بهل دنيا
اني ورائد نحب الكل وماعدنه اذيه على احد
ليش يعاملونه هيج ......
شنو ذنبنه لو شنو الي سويناه
............
حطيت السجاده وتربتي صليت وقريت قرأن
ودعيت ربي اريد رائد منك
ضليت اصلي وادعي ودمعتي منشفت
يارب حققلي الي اريده ورايده رائد منك
اكيد راح تسمع شكواي وترجعه الي
يارب رجعلياه .....
خلصت وطلعت للمكان الي بي رائد
واكفه بالباب واحجي وياه
رائد تعال اريدك وياي
تعال خل نحجي ونتعارك ونضحك مثل قبل
تعال ناخذ وليد ونطلع للكورنيش مثل ثاني لقاء وتاخذلي صور ويه الغروب
تذكر من لزمت ايدي خاف اوكع بالشط ارجع من جديد الزمها علمود ما اطيح وينكسر ظهري بغيابك
يله رائد اني هنا ومنتظرتك
يله حبيبي كوم انطيني ايدك ولا تتركني بعد
............مغمضه عيوني وابجي
حسيت واحد صاح شمس بصوت ناصي
رعد
كافي تعبتي روحي نامي
خليني ميجيني نوم
شلون انام ورائد بهل حاله
لا زم تنامين تعبتي حيل
خليني يم الباب روح ارتاح انته
اسمعي الكلام وتعالي يم امي
ارتاحي شويه ورجعيله
رجعت للغرفه امه حست بيه
من فتحت الباب
ها خاله شمس عطشانه
هاج خاله اشربي
وينه رائد كعد مووو
لا خاله بعده ادعيله
شربت مي ونامت
حطيت راسي ع المخده ومن التعب غفيت
الباب انفتح بسرعه
شنس شمس يمه شمس اكعدو
هاا رعد
ولكم كعد رائد
رائد كعد
يمه كعد اخوي
ضحكه ودمعه بنفس الحظه
كعد رائد :اشكرك ربي
مرديت طلبي
رائد سمعني من حجيت وياه وكعد
الدموع تصب رائد عايش ولكم
خاله رائد صحى
ضليت احجي بدون شعور خلوني اشوفه الله يخليكم
ممنوع هسه
الى وره كم ساعه
شلون اريد ادخل
ولكم اريد اوكف كباله واحجي وياه خلوني ادخل
مرت ساعات وصحى رائد بس كوه يحجي
دخلت امه واخوه
وكرايبه
كتلهم خلوني اخر شي
وليدي كعدت تروحلك فدوه امك
بيه ولا بيك يومي قبل يومك رائد
رعد كلولي صحى رائد ضليت اصيح من الفرحه اخوي احزام ظهري رجعلي صح تعبان بس عدت الازمه
دعاء منو هذا الي خله رائد عايش
امي لو دموع شمس الي بجت المستشفى كلها
دخلت عليه كوه يفتح عيونه حيل تعبان
لا تحجي خويه اهم شي تكون بخير
احنه كلنه هنا هاي امي وخالي وعمامي
كوم على حيلك واحجي
احسه يريد يحجي شي بس ميكدر
كتله شبيك رائد
شمس راحت
ضحكت وكتله متروح شمس ارتاح
كتلهم تعالو نطلع خلو يرتاح
طلعتهم وصحت الشمس كتلها روحي اختي
رائد منتظرج
شمس :كلي رعد ادخلي الرائد
اوف شلون ياربي
ما اكدر اباوع بعيونه اريد احضنه وابجي راح اشوفه
فتحت الباب وشفته نايم 💔💔
كون اني بمكانك
باوع عليه وابتسم ابتسامه خفيفه
شمس كتله لا تحجي شي ارتاح
اني احلم
كتله لا كوه يحجي
احس دموعه نزلت يباوع ودموعه تصب واني هم
شمس
ها رائد
لا تسافرين
كوم رائد وصير زين لا تحجي شي
اوعديني متروحين
اوعدك رائد
مراح اروح
شل صافن عليه ودموعه تصب ميكدر يحجي
واني هم بس الدموع تصب
الف حمد وشكر الك يارب
مقصرت الله استجاب دعائي
رجعلي رائد
الله لا يحرمني منه
