البارت :الثالث عشر
الكاتبه :زمرد وليد
رائد :امي تعبانه حيل وحالتها متسمح للنقاش
خيرتني لو هيه لو شمس
رائد :اختار من هسه لو اني لو هل أرمله
ماعندي بعد غير كلام
يمه سدي الموضوع الله يخليج ارتاحي وبعدين نحجي
ولك رائد اختار بيناتنه لو اني لو هيه
لو امك الي ربتك وتعبت عليك وتريد مصلحتك
لو الارمله الي تفتر على راسنه هيه وابنها
اختار هسه لو اتبره منك اليوم الدين
رائد :شفت امي جسمها يرجف وتوها راجعه من المستشفى
خفت عليها حيل
رائد يله ولك شمنتظر ولك اني امك ربيت وتعبت وسهرت
ولك اني ادره بمصلحتك
يمه كافي الي تريدنه يصير
يعني راح تزوج بنت خالك
رائد:شنوو
اي هذا الي اريده منك ولازم تنفذه وذا صارلي شي بسببك مراح اسامحك طول عمري يا رائد
ليش يمه هيج تكسريني ليش يمه تدفنيني واني عايش
ليش يمه متفهمين شنو الي بكلبي
ليش يمه تاذيني هيج مو اني ابنج
طول عمري ما ارفض الج طلب
ساعدني ياربي
ليش كل هل حقد يا يمه على شمس بشنو اذتج
احجي ويه روحي واسمعها تصيح رائد
تعال هنا
كافي ولك بعد ما اتحمل سوالفك
راح تزوج بت خالك
مو كتلج ارتاحي وبعدين نحجي
رائد هذا طلبي منك وجاي تشوف حالتي انته وشنو كللكم الدكتور
صفنت بكلامها وحالتها صعبه ولازم منردلها شي تريده
اذا تختار امك راح تزوج ايلاف
وذا رحت للارمله راح تخسر امك يا رائد الطول العمر
واسلمها بيد الله هل شمس
لا يمه لاتدعين عليها الي تريدنه يصير يمه
يعني راح تزوج بنت خالك اي يمه راح ازوجها
عفتها وصعدت الغرفتي
معقوله راح اترك شمس
معقوله راح اكون ويه شخص ما اتقبله
ليش كسرتي ابنج يمه
ليش متت واني على قيد الحياه
ولكم اني احب شمس
اريد شمس اخلص عمري وياها ليش متفهموني
ليش كسرتي ابنج شهل حقد يا يمه
شمس ؟؟؟؟؟
شلون اتركج ما اكدر ولج
روحي بيج وعقلي يمج
ما اكدر اتقبل احد غيرج
اخذت التلفون وتصلت بيها
جاوبتني هلا رائد شلونك
شلوني يا شمسي انتي
شمس اني موزين
اسم الله شبيك رائد شصاير وياك
ضل بالي
سكتت محجيت كتلها شمس
كالت ها رائد
كتلها سامحيني
شبيك رائد فهمني شكو شصاير وياك
مصاير امي متخربطه ولازم اكون وياها
مراح اكدر ارد عليج بعد
سلامتها ان شاء الله تمام اخذ راحتك
سدته وراحت
مخنوك ولكم يا عالم حسو بيه
ما اريد شمس تروح من أيدي
اريدها يمي
اويد اصرخ بس ما اريد احد يسمعني
ليش كسرتو كلبي بشمس
هاي ثاني مره دموعي تنزل عليها
هيج اني متعلق بيج هيج اني ميت عليج ياشمس
صرتي روحي وحياتي تعودت عليج وعلى ضحكاتج وسوالفج
تعودت بالشغل واغثج بمكالماتي
اتعودت اسمعج وتسمعيني
شلون بهل سهوله نفترق
ليش ماكو عدل بهل دنيا ليش ماكو مساوه ياربي
شبيها الارمله شبي عقل امي وعقل المجتمع
ولكم ميهمني اني احبها اني اريدهااا بس هيه
اريدها افهموني يا ناس
تعبت ونمت ما ادري بشي
شمس :اتصل بيه رائد وصوته تعبان كتله شبيك محجه شي كال مابيه
سكت وكال شمس سامحيني
كتله شصاير مقبل يحجي كال امي مريضه ومراح اكدر ارد عليج
بس راد ميحجي طبيعي حسيت بي شي غاثه حيل
كتله تمام
سد الخط وراح
اني هم رتبت شغلي والبيت ونمت لان عندي شغل باجر
كعدت ملكيت رساله من رائد
كل مره يصبح عليه
الظهر رائد ماكو
لليل هم ماكو ضل بالي
اتصل ميرد
شبي رائد ؟؟؟؟؟
خلي يجوز امه تعبانه خلي وياها اكيد هوه يتصل
ضل رائد ماكو ما اتصل ولا دز مسج
مر اسبوع ورائد ماكو ادخل للوتساب اشوف الظهور مالته اطمأن
اكول مابي شي بس ملتهي يجوز
ضليت بشغلي ملتهيه بس مفتقده سوالف رائد وسؤاله عليه
احس يومي بي نقص
رائد :كعدت الصبح مالي نفس بشي لكيتهم كاعدين
امي كالت اخذت موعد من خالك الخطبه الاسبوع الجاي
كتلها يمه شبيح مستعجله
كالت اي احسن لازم تجهز نفسك واتفقون انته وخطيبتك وين تردون الخطبه بالبيت لو قاعه
كتلها بكيفح
شلون بكيفي هوه هل رائد ويمه عرسه ومن ايلاف
يوم الهنى عليكم
امي حيل فرحانه صار تواصل بيني وبين ايلاف
ولازم نجيب الحلاقات
ونحظر للخطوبه
بالي مو يم احد بالي يم شمس
بس مابيدي شي بعد
خلص حياتي تقررت ويه ايلاف
مراح انساج شمس وراح اكون وياج بكل وقت تحتاجيني سامحيني
حكم القوي على الضعيف يا حبيبتي
اشتاق الها بس ما اكدر ادز
اروح للوتساب اقره كلامنه وشقانه وضحكنه
ضل بس الكلام راح كلشي حلو يا شمسي
راحت ايامنه وضحكنه ولهفتنه
راحت يا حبيبتي
مابقى شي للخطوبه كلهم حظرو وجهزو بس اني بقيت
ممسوي شي وصار اسبوع محاجي ويه شمس
اليوم خطوبتي على انسانه نفرضت عليه
على انسانه ما اكدر اكمل حياتي وياها
بس الخاطر امي قبلت وراح اكمل حياتي
كعدت الصبح حلقت وبدلت وطلعنه البيت خالي للخطوبه
الناس فرحانه وامي تهلهل وكل العالم يمنه
اليوم خطوبه رائد
لا ولكم متوهمين اليوم موت رائد مو خطوبته
وصلنه والهلاهل وعمامي كاعدين وخوالي
اصدقائي والدنيا مخبوصه
دخلت يم ايلاف كعدت تضحك وفرحانه
لزمت ايدي صديقاتها موجودات ضلت تاخذ صور
اتمنيت شمس بهل مكان مو انتي
تمنيت حبيبتي تكون هنا واحظنها كدام الدنيا
لبستها الذهب وكامت كالت نركص
كمت وياها بس مجامله كدام ااعالم
احسها فرحانه حيل
افرحي ايلاف اخذتي الي تريدي انتي وامي
اختنكت اريد اطلع
اترخصت وطلعت منهم رحت يم الزلم
وراها رجعنه للبيت كتلهم لحد يدخل الغرفتي
دخلت ورحت على شمس
اقره كلامها والدمعه بعيني كلامنه القديم
مره نحجي اني وياها وعدتها ما اتركها وهسه تركتها
تركتج سامحيني يروح رائد
شمس: رائد غايب صار اسبوع ولا خبر منه
معقوله ميسال عليه مو طبعه رائد ؟؟؟
امه بيها شي لا ممعقوله
بالشغل وافكر بس ممرتاحه احس اكو شي صاير وياه
خلصت شغلي ورجعت للبيت
تعشيت وسبحت
وخلصت كم شغله بالبيت
ورجعت اكلب بالتلفون
رحت ع الوتساب شفت زوجه اخو منزله حاله
ومنزله صور رائد
خطوبه رائد ؟؟؟؟
شفته كاعد يم بنيه حلوه ويلبس الحلقه والعقد وهيه تضحك
فيدوات يركصون وامه تهلهل
شمرت التلفون وكعدت ابجي
ابجي بحركه كلب
رائد خطب ؟؟؟؟
زين ليش مكلي هوه يكولي انتي اقرب وحده الي
ليش رائد انته شاب ومن حقك احلى واحسن وحده
بس ليش ضميت عليه
ابجي بصوت ياربي ليش هيج
اني على شنو ابجي
وليش ابجي اصلآ شعليه خل يخطب
خطب رائد وبعد مراح نحجي ولا راح نتواصل
بس اني اتعودت عليه وهسه هوه حلال وحده
ليش اني هل كد اتعلقت بي ليش شمس
ليش خليتي كلشي بحياتج
راح رائد شمس
اريد اسكت ما اكدر كافي خل يتهنى ويه خطيبته
كافي شمس
بدون وعي اتصلت عليه
كوه احجي وياه
هلا شمس
شلونك رائد
زين اني
رائد
ها شمس مبروك
سكت محجه شي
كتله ليش ضميت عليه
اني اتمنالك كلشي حلو
كلي شمس انتي عرفتي
كتله اي
سامحيني
تستاهل كل خير رائد
رائد:شمس انتي باجيه
لا
جذابه
سديت الخط ورحت
كملت البجي مالتي اتصل مجاوبته
عليمن ابجي ما اعرف
الي اعرفه رائد راح ومترجع ايامنه لان ما اتقبلها مرتبط بشخص واني احجي وياه
رائد :اتصلت شمس عرفتها باجيه اعرفج ولج اعرفج تبجين
بس تكابرين
مبروك رائد كلتلي هيج احسها تعاتبني ودكولي ليش
مو بيدي يا شمس بيد امي
سدته وراحت مني
اعرف تبجين واعرف راح تنقهرين اعرفج اني شمس
