البارت الثالث :
بقلم ::زمرد وليد
اباوع بعيونه حمر ومغوركه من الدموع حسيت اكو شي
فتحت الباب اكو سيارتين نزلو منها عيالي سياره فوكاها تابوت
هنا صفنت وكتله ضياء منو بي هذا التابوت اسمع صوتهم يبجون وصوت حماتي تصيح خاله علي راح راح علي خاله
علي حبيبي وين راح هوه حالف ميعوفني ميتركني وحدي هذا مو علي انتو تجذبون عليه هذا مو علي
علي هسه يخابرني فقدت اصيح علي انت حلفت متتركني وحدي انت تحبني
احس اكو احد حضني ويكولي ماما بابا صدك ميرجع بعد ويبجي لا ماما بابا يرجع بابا ميتركنه ضليت اصيح لحد ما انغمى عليه
فتحت عيوني على ناس تطلم وتصيح واختي تبجي اخواني يمي
هنا وكفت الدنيا بعيني وكف كلشي حلو وكف حلمي وامنياتي
وكفت فرحتي وضحكتي هنا احس جزء انفقد مني
احس الدنيا بعد متصلح انو اعيش بيها
الشخص الي هوه دنيتي وفرحتي وضحكتي الحلوه
راح مني وبعد ميرجع
بعد منو يكمل وياي مشوار الحياه
ابني شلون يكمل حياته بدون أبوه
أني توقف كولشي بعيني اريده الزوجي
اريد اكمل باقي عمري وياه
شلون راح مني بهل سرعه هوه منطيني وعد ميروح
احس اخويه حضني وضل يبجي ويايه
اني اريده اكولهم اريده لا تاخذون خلوني اشبع منه
نزلوني يم التابوت مالته
اريد اشوفه اريد اباوع بوجه للمره الاخيره
خلوني احجي وياه الله يخليكم
الناس لازمتني ميخلوني اشوفه اشوف وجه وضحكته
مخلوني اشوف تفاصيله للمره الاخيره
انته راح تروح اخذها الروحي وياك
#حياتي الماعشت حتى بيها
ليش تموت
علي اكعد اني ما اكدر بدونك علي اذا ناوي تروح اخذني وياك
شالو التابوت واني اصيح خلوني اشبع منه
خلوني احجي وياه لا تاخذونه مني
بابا لا تتركني واني بحاجتك
اني محتاجك بابا ابني يحاجي ابوه
اخذوه واخذو روحي وياه
بدت ايام السواد والتعاسه والالم والحزن والمعاناه
اصعب شي بالدنيا من تخسر انسان يشوفك اغلى شي بحياته اغلى شي تملكينه راح بلحضه
اغلى شخص يروح من ايدج وانتي متكدرين تسوين شي بس الدموع والحزن
كملت الفاتحه وكل واحد راح بحاله وبقيت اصارع وحدي
اصارع كلام ناس اصارع الاهل والمجتمع
ماكو شي حلو بحياتي احس الدنيا ضلمت بعيني
وره ٣ اشهر كملت العده وضلو اهلي ويايه وعمو هم
اتصلو عليه الشركه الي كان بيها زوجي ......
يتبع
كلامكم يهمني اكمل او لا
