البارت :الحادي عشر
الكاتبه :زمرد وليد
رائد اني مسافر صار ١٢ يوم من خلالها نسيت الي صار ويايه ويه شمس
بالليل اجاني اتصال
هذا رقم شمس .......
شتريد وليش هسه يالله اتصلت ؟؟؟
متردد احجي لو لا بين فرحان ومبين الي متردد خاف ارجع انقهر مره ثانيه منها
كلت خل اجاوب وكلت الو .......
الو رائد وتبجي سمعتها تبجي
كمت وكفت على حيلي وكتلها شمس شبيج ليش تبجين
تحجي وتبجي مثل الطفل الي فاقد شي ويبجي عليه بحركه
شمس جاي احجي وياج اهدئي وفهميني شبيج
شمس اششششش كافي بجي الله يخليج
رائد اني متاذيه ومحد راح يسمعني غيرك لازم احجيلك شي
كال اي اهدئي وبدون بجي واحجيلي اني اسمعج
رائد تذكر الرساله الي وصلتني وتعاركت وياي بسببها
كال اي اتذكر ليش شكو
كتله صاحب الرساله ولد بمنطقتنه وجان وياي بالدوام ويهدد بيه هسه
رائد :شنو يهدد بيج ولج شعندج وياه احجي
اسمعني رائد راح ادزلك سكرينات وانته احكم شعندي وياه
رائد :كلمه لا تحجين ودزلي شعندج خل اقره
شمس :دزيتله تهديد سيف وكل كلامه وياي وشلون يوكف باب بيتي
ومن اطلع للشغل الكاه كدامي
كل حرف دزيته الرائد
مضميت شي رائد اخذ نفس وحجه وياي
رائد :شفت تهديد سيف الها وشلون يطعن بشرفها وهيه خايفه على اهلها متكدر تسوي شي
هنا صفنت بيني وبين نفسي كلت شكد ضلمت هل انسانه ومسمعت منها شي
ضليت الوم بس مو وكت لوم هسه هيه بحاجتك لازم تخلصها من هل نذل
كتلها شراح اكولج تنفذينه بدون نقاش
كالت اي كول اسمعك
كتلها تروحين تحجين الاخوج كل شي صار وياج وتشوفينه الكلام
كتله شلون احجيله اخويه مخبل ويتعارك وياه
كال لا فهمي وخلي يمسك اعصابه
كتله رائد هذا مخبل ويتهمني ويسوي سالفه واهلي خطيه
ما اريد اذيهم اني
كال اسمعي مني وشوفي اخوج خلي امام الامر الواقع واني وياج لا تخافين من شي محد راح ياذيج مدام اني موجود
شمس :ارتاحيت من ملي هيج
تحجين ويه اخوج وتخلينه عاقل والدليل عندج وهوه متعرف وكايلج اني سيف
تروحين الصبح تقدمين بلاغ بحقه
كلي هيج اترددت وخفت حيل
كتله لا اهلي يتاذون كال محد يتاذه اني وياج واخوج واكيد الناس الي تحبج وتثق بيج راح تكون بصفج
واني اولهم وياج يله كومي فهمي اخوج ورجعي اتصلي بيه
شمس :رحت على اخويه وطلبت منه نتناقش بهدوء
كال احجيلي شمس شبيج
سولفتله وشوفته سكرينات سيف هوه تخبل
وضل يصيح وكال اني اعلمه هل نذل
كتله لا الخاطر اخوانك وامي لا تتسرع بشي نتندم عليه وانته وعدتني
كال لازم نربي كتله لا خلي ناخذ حقنه بالقانون قنعته نقدم شكوه ضد سيف من باجر الصبح
كال تمام باجر نطلع والدليل ويانه
رجعت خابرت على رائد كلي ها شصار وياج كتله تخبل وكوه اقتنع
كال عفيه عليج خليج قويه ولا تخافين من شي
اني مغلطانه بحق احد مجتمعج هوه الغلط وانتي صح
لان مره محد راح بنصفج ويوكف وياج بس اني موجود وياج
واخوج هم والناس التفكيرها صح راح تكون وياج ابد لا تخافين من شي
ولا تخافين على اخوانج انتي سويتي الشي الصح
شمس :احس كلامه طمني حيل ومعدت اخاف من شي همزين خابرته وشرحت اله
رائد :شمس باجر اني راجع للبصره اذا تحتاجيني راح اكون موجود
متقصر رائد اشكرك
رائد :مثل ما اتفقنه باجر من الصبح تروحين وتقدمين بلاغ
اني طالع الصبح ولليل يالله اوصل اريد اخبار حلوه شمس
شمس :ان شاء الله
رائد :يالله نامي واني هم انام وراي سفر
تصبحين على خير
شمس :وانته بخير
رائد سديت الخط وحيل فرحت لان اتصلت بيه وحجتلي
واني هم مشتاق اسمع اخبارها
كبرت بعيني هواي هل شمس كل مره اضلمها اني
الحمدلله بعدين تبين الحقيقه
شمس :فرحت لان حجيتله وكلي اني وياج لا تخافين
حسيت براحه
خل انام باجر لازم اكعد من الصبح اروح اقدم شكوه
كعدت ب ٨ بدلت واخذت اخويه وطلعت
قدمت بلاغ وشوفتهم تهديد سيف ومكالمته
اصدور القاء القبض بحقه
واخيرآ راح ارتاح منه الف الحمدلله يارب
صدور و الامر مال القاء القبض عليه
حيل فرحت لزمو لكو نفس الخط بعده موجود وهذا الشي من صالحي
الف الحمدلله يارب الف الحمدلله
خلص يومي تعب بس احس ارتاحيت
رجعت كتبت الرائد ماعنده نت بس اكيد من يوصل راح يقره
رائد سويت الي كتلي عليه والحمدلله القو القبض عليه
والقضيه الصالحي اشكرك اني هوايه
رائد :ضل بالي عليها ونت ماكو وتاخر يالله اوصل للعراق
يارب اوصل الكه اخبار حلوه
طول الرحله وهيه بالي شسوت شصار وياها
واخيرآ وصلت للعرق
اخذت سياره وكبل للبيت وصلت سلمت على امي ع السريع واخويه ودخلت للغرفه
فتحت نت وقريت الرسائل حيل فرحت
اتصلت عليها جاوبتني احسها فرحانه
كتلها عاشت ايدج انتي معدله وماكو منج
كالت اشكرك واشكر كلامك
كالت شوكت وصلت كتلها قبل عشر دقايق
ضحكت وكالت شنو يمكن حتى ع الاهل ممسلم
كتلها سلمت بس بالي يمج
سكتت محجت شي كتلها ها شو سكتنه
كالت روح ارتاح وبعدين نحجي
كتلها طرده هاي لو شنو
ضحكت وكالت لا والله بس اكيد تعبان ارتاح ونحجي تمام
يله تمام مع السلامه
شمس:مع السلامه
رائد :سديته ونزلت يم امي واخويه جايبلهم هدايه من السفر
امي ها رائد شو كبل للغرفه ولزمت التلفون شبيك متخبل هل فتره
شبيج يمه تعبان ورحت الغرفتي
هاج شوفي شنو جبتلج العطر وهل شالات الي تحبيهم بعد شتريدين
اريدك يالم وافرح بيك يمه
صحكت وكتلها هاج تفضلي
جبت هديه اخويه وزوجته وابنه سلمتهم وضلت كم هديه بالجنطه
رعد :رائد هلي شنو بالجنطه الي بقو
رائد:شغلاتي ذني
ولك رائد هاي الجنطه مال هدايه شو شوفني شجايب والمنو
كام دفعني وراح للجنطه واني ادفع بي واصيح بصوت عالي شبيك رعد تخبلت
شعليك شبيها الجنطه
دفعني وطلع باكيت بي كلاده وساعه
كال هااااا ولك هاي المنو حيل صجت منه وعصبت
كال شبيك يمعود صاير تتمعشك من ورانه ومحد يدري
تره هاي هديه مال نسوان المنو هاي احجي
رائد:انته شيخصك المنو رجعها يالله فقدت اعصابي وياه
جاوبني اكيد جايبها الوحده مت ذني امهات الاحمممم الي نشوفهم بالنت
كال هيج والتفت عليه وبوكسي على وجها ولك شتحجي انته
امي صاحت رائد تجاوز على اخوك بسبب وحده منعرف اصلها من فصلها
صحت بصوت عالي ولكم شبيكم ماعندي احد شيلو هل افكار من دماغكم
اي وهاي العطورات والساعات المنو ولك
اخويه يباوع عليه ويكلي تمد ايدك اني الك يا رائد
عفتهم ورحت الغرفتي
شجاي يصير وليش ضربت اخوي من جاب سيرتها
اني شسويت امي ضاجت مني اكيد
خليهم اني مغلطت بحقهم همه غلطو بحقي
عفتهم ونمت حتى شمس محجيت وياها
تعبان وهل مشكله اذتني
كعدت الصبح لكيت امي كاعده بست راسها وايدها
وكعدت اتريك وياها كالت شبيك يمه هيج ويه اخوك
كتلها هوه غلط بحقي
اني ممسويله شي
كالت وتمد ايدك عليه ولك هذا اخوك احزام ضهرك يا يمه
كاعدين وهوه اجه كمت اعتذرت منه وبسته براسه
رعد :حيل اخاف على رائد وحيل حريص عليه اني
من شفته مشوش وممستقر عرفت اكو احد بحياته بس ميكول ولا يحجي
شفته جايب هدايه ردت استفزه وحجيت كلام مو حلو اجه ضربني
حسيت بي يحب شخص وهل شخص مأثر عليه هواي
كعدت الصبح لكيته هوه وامي كاعدين كام باسني براسي واعتذر مني
واني هم سامحته
رائد :اتريكت ورحت الغرفتي اتصل بشمس لان نمت ومحجيت وياها
شلونج اليوم الحمدلله تمام وانته اني زين الحمدلله
ضلينه نحجي شصار البارحه وسمعت الجرس ندك
اسمع ابنها يكولها ماما شرطه بالباب حيل خافت
كتلها لا تخافين اكيد يردون يكملون تحقيق روحي ولا تخافين من شي
سدته وراحت وبالي يمها
شمس :جاي احجي ويه راىد وندك الجرص اجه ابني كال ماما شرطه بالباب
عرفت لازم اروح للمركز علمود الدعوه
رائد ع الخط كلي روحي ولا تخافين اجراء روتيني
من ترجعين طمنيني
سديته ورحت للمركز وصلت لكيت سيف
اشرلي من بعيد وكال اندمج والله لو اخر نفس بيه
دخلت كملت الشكوه ورجعت للبيت
خابرت رائد وحجيتله ع الصار
وكتله هددني كال خل يولي بيد الحكومه هسه لا تخافين من شي
ارتاحيت حيل من انلزم سيف
رائد :باجر يبلش دوامي لازم استعد للتعب
شمس:الله يساعدك ويكون بعونك
رائد :اشكرج
رائد:اكولج شمس
شمس :ها عيني
خليج ويايه خلينه نحجي
شمس؛ان شاء الله
رائد:اكيد شمس
شمس :اكيد
فرحت من كالتلي هيج
بلش دوامي والتعب كعدت الصبح لكيت امي مجهزه الريوك تريكت وبستها وطلعت قبل لا اطلع دزيت الشمس صباح الخير
ادري مكاعده بس راح تشوفها من تكعد
وصلت للشغل الساعه ثمانيه ونص لكيتها رادتلي صباح الخيرات
اني رايحه للشغل
اتصلت عليها كتلها وصلتي كالت لا بالطريق
رائد:جاي تسوقين
شمس:اي
رائد :اول متوصلين حاجيني
شمس تمام مع السلامه
مع السلامه
وصلت حاجيته شويه وكتله عندي شغل لازم التهي بي
كال اي تمام من تفرغين نحجي
راحت صارت الساعه ١٢ ومدزت شي
رجعت خابرتها ممكن دقايق من وقتح ست شمس
ضحكت وكالت ممكن كتلها شسوين كالت ملتهيه عندي زبائن
الله يساعدج
اشكرك
يله اتركج ويه الزبائن اني هم صار وقت شغلي لازم اروح
تمام بسلامه
سدته وراحت واني رحت على شغلي
ضلينه يوميه نحجي صبح. وضهر وليل
بعد ما اكدر افاركها لحظه وحتى مرات هيه بالشغل ازعجها ههههههههههه
تنحرج مني وترد حتلو عدها شغل
تعودت عليها هل مخلوقه
عطلتها جمعه وسبت اتي مرتاح لان نحجي طول اليوم
باليل نحجي وكالت باجر اروح البيت عمي معزومه
كتلها شنو تروحين البيت عمج
ادري اولاد عمها عينهم مو الهم وعينهم عليها
ما اريدها تروح بس شلون امنعها
كتلها منو عازمج كالت عمي وعمتي
كتلها هاااا وشكد طولين كالت للعصر
كتلها اتغدي ورجعي عوفي مالت العصر
كالت شبيك هوه جمعه استراحه مالتي ومشتاقه العمامي
شلون امنعج متروحين ادري بيج عنوديه ومتسمعين الاحد
زين روحي بس البسي عبايه
ضحكت وكالت اي البس عادي
ومكياج اتركي مو حلو عليج
كالت اي وبعد
كتلها ياريت لو ترجعين من وكت
كالت ان شاء الله
يله روحي نامي وراج كعده
تمام تصبح على خير
وانتي من اهل الخير
سدته وراحت اني ما اريدج تروحين العمامج بس بصفتي شنو امنعج
خليها تروح تغير جو وهم تنسى سالفه سيف
كعدت من الصبح خابرتها وهيه نايمه
كتلها اكعدي كافي نوم
كوه تحجي كالت شصاير كعدتني هيج وقت
رائد:مصاير شي بس ردت اكعدج اخبث ميصير
خل انام ساعه حباب
متنامين كومي يالله
شمس:اتصل عليه واليوم جمعه استراحه وكعدني من وكت شبي تخبل هذا
كتله خل انام ساعه مقبل
كعدت حجيت وياه وترخصت منه اروح اتريك
واخذ حمام علمود اطلع الاهلي وبيت عمي
رائد:سدته وراحت واني افكر بيها راح تشوف منو لو تلتقي بمنو ؟؟؟
خليها تتونس رائد اتركها
راحت وماعدها نت الساعه ٣وهيه ماكو
خابرتها ع الخط وكتلها وين انتي
حجت بصوت ناصي اني يم عمامي
كتلها شنوووو بعدج مرجعتي الاهلج
كالت لا بنات عمي وزوجه اخويه وكلهم مجتمعين واني وياهم
شمس ارجعي هسه يله
شبيك رائد هسه شويه ونرجع
ضجت من كالت بعدني بيت عمي
شسوين كل هل وقت يمهم ما اريد تروحيلهم ولج افهمي
كالت هسه شويه ونرجع
كتلها تمام اخذي راحتج باي
باي
حسيته ضاج مني يله شسويله وهوه شعليه ويكولي ارجعي
خليني بعل لمه الحلوه
رجعت اسولف واضحك ويه بنات عمي ونحشش
بعدين رجعت الاهلي تعشيت وكعدت شويهورجعت البيتي تقريبآ الساعه ١٠
رائد كل هل وقت وهيه ماكو معقوله بعدها بيت عمها ؟؟؟؟
لا هيه كالت راح ارجع افكر بيها
الساعه عشره كتبت اني وصلت للبيت
كتلها الحمدلله ع السلامه
شفتها اتصلت
ها شمس
شبيك رائد ضايج
مابيه سلامتج
لا بيك كولي احجي لا تضم عليه
تعالي نحجي مدام هيج
انتي متعرفين شبيه مووو
مو كلت ارجعي للبيت ليش تعاندين
شبيك عصبي وتصيح اهدء
شعصبي يمعوده انتي شهل برود الي بيج ؟؟؟؟
شبيك تتعارك وياي وليش تحجي وياي بهل طريقه
روحي شمس ما الي خلك نقاش وياج
راحت بدون متحجي شي
اوووووو اعرف طبعها اني
ضاجت وراح تكعد تبجي واني شدعوه هيج قسيت وياهاااا
نايم وافكر بيها
كمت فتحت وتساب واتصلت جاوبنتني عرفت باجيه
كتلها شمس باجيه
كالت لا
ولج شمس لا تبجين كافي
اني كلشي المصلحتج اسوي
كالت عادي مصار شي
لا تبجين كومي غسلي وتعالي نحجي
سدته وراحت حيل انقهرت عليها وتاذيت
اني اسف اذا نزلت دموعج بس مو بيدي شسوي
وره خمس دقايق اتصلت
كتلها هاااا خلصنه بجي
كالت اي
يله سمعيني ضحكتج الحلوه
كلتلي ماكو شي يضحك
كتلها ليش ماكو واني ما اضحك مثلآ ضلت تضحك
ارتاحيت حيل من سمعت ضحكتها
انتي ميلوكلج الحزن شمس اريدج دوم تضحكين توعديني
ان شاء الله رائد
اثناء الكلام وكالت باجر اروح للنجف
من كالت هيج عرفت راح تروح القبر زوجها
اتاذيت ما اعرف السبب بس ما اريدها تروح مو انانيه بس ما اريدها تتاذه هيه وليد
كالت هيج اني سكتت ومحجيت شي
كالت ليش ساكت كتلها لا توصلون بسلامه
شمس:الله يسلمك
باجر نروح اني واخويه وليد
تمام الله يسهل
اترخصت مني وسدت الخط وراحت
