البارت :الخامس عشر
الكاتبه:زمرد وليد
رائد ضربتها وكتلها منو ولج تروح الدار المسنين
لزمت ايدها وللغرفه يله شكو الج اخذي ولا تشوفيني وجهج بعد
شنوو رائد اني احبك اريدك ما اروح
ولج خلي عندج كرامه لا اطلعج بيدي وهاي مو تربيتي
يله ارجعي البيت ابوج ارجعي خلي يربيج عدل والمحكمه بيني وبينج
ديري بالج توصلين الاهلي لو للبيت تره اشوفج وجه رائد الحقيقي
روحي للخدم مالتج امي تسواج وتسوه اهلج
صح امي دمرتني وحرمتني من اعز شي بحياتي بس تبقى أم
طلعت ايلاف الاهلها وما اريد اشوف وجها بعد بحياتي
اجتي امي للغرفه مالتي
كعدت تبجي سامحني رائد اني اعتذر
اني عقلي مو براسي جان اعتذر بس اني ام وكلش متأثره بالكلام والعادات
ومن جنت اشوفك ويه شمس اتخبل واكول وليدي مناقصه شي
وليدي ميزوج ارمله وهوه اعزب
اني اذيتكم يمه اعترف بغلطي لا دكولين هيج يمه انسي
شي صار وراح
يمه رائد اريد اعتذر من شمس واكولها الله جازني على الي سويته بيج
اخذني الها يمه
يمه شمس راحت ماكو شمس بعد
وين راحت يمه
سافرت وبعد مترجع
امي ضلت تبجي عليها وعلى حالتي وين وصلتني
مسحت دموعها وكتلها دموعج غاليه لا تبجين
طلعت وخلتني وحدي
باجر اروح اطلق ايلاف
احس براحه داخلي
بالليل احاني اتصا ل من اهلها وهيه منهاره وتبجي
كتلهم خلو عدكم كرامه وبتكم خلوها يمكم
والحمدلله مواصل يمها تره
وبعد لحد يتصل لحد ميطلع قرار المحكمه
حاولو يرجعونه اني وياها واني ارفض
اجه اليوم الي نطلك بي وكل واحد يروح الحال سبيله
الحمدلله رجعت مثل اول
هم ونزاح مني والفرحه الاكبر انو اني متقربت منها
حيل فرحت بهل شي خلصت من ايلاف وقرفها
رجعت للبيت وامي مقهوره عليه
الله يعوضك يمه ويسامحني
رجعت ذكرياتي الشمس
عندي صوره وحده الها
طلعتها اباوع عليها واضحك
كتلها ولج شمس مشتاقلج
ادري مترجعين بس شسوي
اني طلكت ايلاف شمس
طلكتها بدون ما اتقرب عليها حتى تعرفين اني شكد وفي الج
شكد احبج وميت عليج
ياريت لو ترجعيلي ما اضيعج لحظه والله
بدت ايام جديده بحياتي وشمس متفاركني ابد
وبكل دقيقه وياي
احبج الاخر نفس بيه حتلو متكونين وياي
شمس:مرت عليه اشهر واني تعب بتعب اريد اوصل الحلمي
اريد الشهاده والوظيفه الي تناسبني
حياتي صارت شغل وتعب ماعندي وكت افكر بشي
كله ماضي صار صح مرات اذكر بس حياتي وحياه وليد اهم
٦اشهر واني متفوقه لازم اخلص هل سنه بنجاح ساعدني ياربي
ساعدني احقق حلمي
اتاذيت هوايه اريد ارتاح ياربي
اطلع الصبح رياضه وراها ارجع للشغل ومن ارجع اروح دوامي
وتالي الليل كورسات لغه اخذ بحيث هلكت
كل شهر واني اقوه من القبله واثبت نفسي كدام الاداره
وكولهم يحترموني
اكو امل شمس توصلين للي تريدينه اتعبي بعد
اصدقائي يساعدوني
مرت اشهر راح يصير سنه واني بعيده .....
بعد اسبوع امتحاني نهايه سنه راح يحدد مصيري
لازم اتعب هل اسبوع ضليت حتى اكل ما اكل بس مركزه ع الامتحان
دراسه وتعب وضغط
يله راح تجاوزين ادري بيج قويه
ابني يشجعني دائمآ ويكولي ماما اني اثق بيج
وراح تنجحين
راح انجح مدامك وياي
اجه يوم الامتحان دخلت يارب وفقني تعبت صار سنه
قدمت الاختبار وبقت النتيجه بعد يومين تطلع
مو يومين سنتين
كلبي نار اريد اعرف النتيجه اريد اوصل للي اريده
اجه موعد الاعلان ......
يارب ساعدني
اشوف اسمي اعلى درجه اني
ضليت اصرخ فرحاانه واخيرآ الف الحمدلله يارب
اجه ابني وحضني كال مو كتلج اني اثق بيج ويغمزلي
فرحت حيل يارب بعد هل تعب حققت حلمي الف شكر الك
خابروني اصدقائي باركولي وعزموني على عشه
اني هم كيفت ههههههههه
لان مرت عليه ايام صعبه
خل اطلع اتونس بعد ماعندي شي مده شهرين
واخيرآ راح اخذ استراحه ونوب نرجع للشغل والتعب هههههههه
طلعت وياهم وحيل فرحانه
فرحت بلمتهم وفرحانه بنجاحي
خلصت ليله حلوه ويوم حلو
محتاجه هل فرحه من زمااان
خلصت ورجعت للبيت والفرحه متنوصف
بعد هل تعب الله جبر بخاطري
الحمدلله يارب
..........
اشتاقيت الاهلي حيل والامي اخواني وكعدتهم
حيل مشتاقتلكم
.........
اني عندي عطله خل اروح للعراق
ميته على امي وصار اكثر من سنه مشايفتهااا
قررت احجز وارجع للعرق اني وليد اخلص هل شهرين هناك
........خابرتهم وكتلهم بعد يومين جايه حيل فرحو بيه
مشتاقه الناسي الي بالبوتيك هم راح اشوفهم
راحه وسعاده تغمرني
راح اشوف اهلي واصدقائي وصديقاتي
متشوقه اروووح
رحت اخذ هدايه الاهلي
اجه يوم الي اسافر بي للعراق
اخويه راح يستقبلني بمطار بغداد
واخيرآ راح اشوفكم مشتاقه وللله
وصلت طيارتي لكيت اخويه
اوووف با اهلي وناسي اخويه حضني بشوك ولهفه
حضن وليد والدمعه بعينه
وخيرآ وصلت مشتاقتلكم والله
راح اوصل الامي واشوفها الله
الحمدلله يارب
رائد :ضليت مستمر بشغلي وعملي
ورجعت للسفر علمود انسى سالفه ايلاف وتعاملها ويه امي
ايامي بالشغل مو حلوه بدون شمس
ابد مراحت من بالي ولا دقيقه
رجعت اجتهدت بشغلي وعملي
وركزت على شغلي
مرت اشهر وايام
حياتي استقرت
الحمدلله
امي تنقهر عليه وتلوم بنفسها
يله يمه ماضي وانتهى انسي
شلون انسى واني دمرتك يمه
لادكولين هيج يمه انسي
الله يوفقك وليدي وينطيك ع كد نيتك
اشكرج يمه
خلصت اشهر وكل فتره ادخل الاخو شمس اسأل عليها ويطمني
بس ميقبل ينطيني اي رقم الها
صار سنه وهيه ماكو
نستني اكيد الله يوفقها وين متكون
بصدفه دخلت للفيس اكلب حالات الماسنجر
شفت اخوهاا منزل صوره بالمطار وكاتب
الغاليه وابنها اليوم نورورالعراق
شفت هيج كمت وكفت على حيلي
وكلبي يدك سريع
شمس وليد رجعووو؟؟؟؟؟
حلم هذا ياربي لو شنو
اتصلت على اخوها وكتله سجاد شمس صدك رجعت
كال اي رجعت
مصدكت روحي طرت من الفرح
كتله سجاد انطيني عنوان بيتكم
كال لا لا تجي
كتله اترجاك
انطاني العنوان بدلت ع السريع وطلعت الكربلاء
واخيرآ راح اشوفج
ياربي اني جاي احلم صح لا هاي حقيقه
وصلت الكربلاء وخابرت اخوها وصفلي البيت
لكيت يمهم عالم الظاهر مسوين عزيمه
بمناسبه رجعوها
اولاد عمها وناس هوايه
ما اعرف احد اني بس اخوها
سلمت ودخلت رحب بيه وطلبت منه ميكول اني هنا
كتله خل يطلعون الناس
خلصو وكل واحد راح الاهله
بقيت وحدي كتله سجاد كللها اكو احد يريد يشوفج بس لادكولها منو اني
كال تدلل هسه اصيح الها
شمس:واخيرآ وصلت الاهلي حضنت امي واختي
بنات عمي موجودات حبل فرحانه طايره من الفرح وياكم
الكل يرحب بيه واهلي مسوين عزيمه للكرايب بمناسبه رجعتي ونجاحي
حيل فرحانين واني هم فرحانه بيهم حيل
كرايبنه كولهم موجودين وهوسه ضلينه نسولف وليد نام من التعب
كاعده ويه العالم اني والفرحه متنوصف راحو بقت بس بنت عمي يمنه
نسولف اني وياها ودخل عليه سجاد كال شمس اكو احد يريد يسلم عليج
كتله منو كال تعالي وراح تعرفين
حطيت شال على راسي ورحت
فتحت الباب لكيته رائد ...........
يتبع
