البارت الخامس ::::
الكاتبه :زمرد وليد
اني رائد صديق علي اريد احجي وياج بموضوع
تركت الرساله ورحت بدلت ملابسي ورجعت
شمس : تفضل
رأئد :زاد فضلج البقاء في حياتج احنه خسرنه انسان عزيز علينه
ربي يرحمه برحمته ويصبركم
شمس :اشكرك
رائد: الموضوع الي اريد اتكلم بي بخصوص علي
اعرف مو وقته بس لازم يكون عندج علم
شمس :شنو الموضوع تفضل
رائد :علي مشترك ويانه بسلفه سنويه ومن وفاته لحد لان صار ٧ أشهر
ولازم يكون عندج علم
شمس :صحيح وحقك ان شاء الله باجر احول الفلوس كولهم بس انطيني العنوان
دزلي العنوان علمود احوله الفلوس مال السلفه
رائد:
خل اعرفكم بنفسي
رائد :من البصره عمري ٣٤ اعزب طويل شويه اسمر وما احب اختلط باحد بس اهلي وشغلي وكم صديق عندي
مهندس ودائمآ من الاوئل على دفعتي
عايش ويه امي واخوي وزوجته بيت واحد
عمري محاب احد ولا عندي علاقه معقد الدرجه
مخلص حياتي سفر وشغل ودراسه وبيت
فد يوم سمعنه احد من اصدقائنه انقتل بالشركه
الي هوه علي اتالمنه عليه هواي لان كان علي من ضمن الكروب الي احنه بي رجال مسالم ومااله شغل باحد وحتى بالشعل ميلتقي ويانه اغلب الاستراحه يحجي بالتلفون ويه عائلته نحبه ونحترمه وتاذينه على وفاته
علي من ضمن الجماعه الي نسوي سلف سنويه مبلغ كبير علمود نخلص بي اذا عدنه مشروع
مر على وفاته ٧ اشهر والسلفه لازم تندفع
اجتمعو الكروب وكالو نتواصل ويه عائله علي
علمود الفلوس كتلهم احجو ويه عائلته اخذو الرقم من الشركه
كالو رائد انته اتكفل بالموضوع
كتلهم يمعودين اني لادخلوني احجو ويه ابو اخو زوجته
كالو اهله مالهم شغل
الفلوس يم زوجته وابنه
كتلهم تمام اني احجي وياها جيبو رقم العائله ويصير خير
وره ساعه اجاني الرقم بدون تردد دزيت رساله
سلمت وكلت عندي موضوع كان ماعدها نت يمكن او حاذفه الوتساب لان الرساله متوصل
كل ربع ساعه ادخل الكه خط واحد
باجر اذا محد جاوبني اتصل كلت الجماعتي
الساعه ١١ وشويه وصلتني رساله
مكتوب تفضل
حجيتلها ع الموضوع وجاوبتني بكل أدب
صار من عيوني باجر احولهم الك بس اريد عنون المكتب ورقم موبايل
تشكرت منها وكتلها باجر الصبح الساعه ٩ كالت ان شاء الله
سديت التلفون ونمت
كعدت ب السبعه سبحت وبدلت
صارت الساعه تسعه الى ربع اتصل عليه رقم
الو السلام عليكم
صوت هادئ
تفضلي
اني زوجه علي الحواله دزيتها على المكتب ....... وهذا رقمهم سجله يمك
اني اشكرج تعبتج
شمس :لا عيني حقك هذا ون شاء الله كل شهر راح ادزهم على نفس المكان
مع السلامه
رائد :مع السلامه
سدته وراحت
رحت استلمت الحواله وسلمت فلوس السلفه الاهلها
ورجعت للبيت
تغديت ونمت
شمس : كعدت الصبح اتصلت عليه علمود ادزله الفلوس
وصلت للمكتب حولتهم واتصلت عليه
تشكر مني وراح
ضليت كل شهر احولهم وانطي خبر
الى ان اجه يوم وصل الاسم النه لازم اني استلم والمبلغ هوايه
راسلني كال هذا اخر شهر والكم راح يكون
وما اكدر احولهم كتله تمام خليهم يمك اني اخلي احد يستلمهم منك
رائد :شلون اخليهم يمي ومسؤليتهم هسه اني شورطني وياها وشلي بهل دوخه
زين عيني خليهم مع السلامه
شمس :مع السلامه
ضليت افكر شلون الفلوس تبقى يمي ما اريد اتحمل مسؤليتهم وبعد يومين دوامي واني تورطت وياها هسه اني شجابني على هل اذيه ضليت افكر وراها قررت اروح الكربلاء واسلمها الفلوس
رجعت راسلتها الساعه ٣ هيه كاعده كتلها اني جاي الكربلاء
وره اذان الفجر اطلع
وراح اجيب الفلوس ويايه
وين تحبين اجيبهم او اخليهم الج بمكان
اتفقت وياي تجيني العصر بمكان بكربلاء ........
كتلها من اوصل ادزلج ونلتقي
كالت ان شاء الله
كمت حلقت وسبحت وطلعت الكربلاء
وصلت الساعه ١١ تعبان ومنايم اخذت غرفه بفندق
راسلتها كتلها اني وصلت كالت تمام العصر نلتقي
نمت وقتت تلفوني الساعه ٥ كعدت
اخذت حمام وبدلت ورحت للمكان الي كالتلي بي
اتصلت كالت نص ساعه واكون يمك انتضرني
كعدت اشرب عصير
دخلت وحده هيه وابنها ..........
يتبع ارئكم اكمل لو لا
