البارت :السادس عشر
الكاتبه :زمرد وليد
شمس :حطيت الشال على راسي
ورحت لكيته رائد .........
رائد ؟؟؟؟؟؟؟
شحابك شرجعك شجاب ذكرياتك
شنو اني مراح ارتاح بحياتي
باوعت عليه وكتله شجابك
انتي جبتيني شمس اجيت الج
شمس : تفضل منين ما اجيت ارجع
أرجع الامك والزوجتك ماعندي زوجه طلكتها شمس
كلي طلكها ........
ويباوع بعيوني
رائد اطلع من حياتي وما اريد اشوفك بعد نهائيآ
اني مستقره ومرتاحه ويه أبني
ما اريد اذيه أحد وانته الله يوفقك ان شاء الله
لزم أيدي وكال عفتج مره بعد ما اعوفج
عوف أيدي رائد واطلع بره لا تخليني اجاوز عليك
تره كارهتك ومطايقه اشوفك
احترم حالك واطلع بلا مشاكل ومدام عرفت أني هنا باجر وراجعه اسافر
خلص اتركوني بحالي
رائد كافي الله يخليك ما اريد احجي وياك افهم
ارجع وبعد لا تفتح صفحتي اطويها
رائد : رحت الاهلها
ولازم اشوفها لازم اخليها تبقى وياي ومتتركتي هل مره احنه تعذبنه لازم نصحح الغلط مال اهلنه ولا زم نكون سوه
اني احبها الشمس مستحيل اخليج تروحين مني هل مره
دخلت عليه شفتها اريد احضنهااا اريد اكولها مشتاقلج
اريد اعبر عن فرحتي بيها بس مكدرت
حليانه حيل هل شمس
وكفت كبالي وكلتلي ارجع منين ما أجيت
ما ارجع واعوفج شتحجين احجي
شسوين سوي
ضلت تحجي كلام حسيتها صدك مطايقتني ومتريد وجودي بحياتها
شيغرك يا حسن ضني 💔
شغيرج عليه وليش قسيتي وياي
امي أذتج اني مالي ذنب
ضليت تصيح بصوت عالي وكالت اطلع لا اسوي شي ميعجبك
اريد ارتاح عوفوني بحالي
اششش شمس اسكتي حبيبتي
اسكتي لا تضوجين
حقج متريديني حقج مطايقه وجودي
اش حبيبتي راح اخليج وغلاتج عندي
راح ابتعد للموت يا شمس بس انتي لا تضوجين
وعد مني مراح انساج انتي بكلبي لحد موتي
اباوع بعيونها واحجي والدمعه بطرف عيني
صار شمس
وعد متشوفيني بعد للموت
............
شمس اشوف العتب بعيونه ويلوم بيه
سامحني رائد مكان قصدي
بس لازم نبتعد انته اتأذيت واني هم
لازم نكمل حياتنه بدون بعض
مو كلشي الي نريده يصير
.............
طلع رائد بالليل للبصره بدون ميحجي شي وياي
بس كلي بعد متشوفيني للموت
نزلت دمعتي وراه الله يوفقك ان شاء الله وترتاح بحياتك
...........
هنا انتهى كلشي حلو بيني وبينه
وعدني ميرجع للموت وهوه كد وعده
............
وتستمر الحياه 💔
رجعت كعدت يم اهلي بس تعبانه من السفر
كعدت شويه وكمت لفراشي بصف وليد
حبيبي بعده نايم من التعب
بسته ونمت بصفه
.............
رائد عفتها وطلعت وكلبي محروك
اني احبج شمس اريد راحتج
راح اتركج حتى متعانين وياي وتعيشين بألم
طلعت والدنيا ضلمه لليل وهم ضلمه بعيني
امشي سريع حيل ومشغل اغاني
اريد اوصل اريد شي ينسيني الي كالته شمس
هنا قطعت الامل منها 💔💔💔
خلص حياتك وحيد عوفها ترتاح
امشي سريع واحجي ويه نفسي
ما احس الى هورن وسيارتي طارت
.................
شمس نمت يم وليد ونقهرت لان رديته بهل وقت
صراحه بالي يمه
خل أنام ماعليه شي
هسه يوصل نامي لا تفكرين بشي بعد
الساعه ٣ غافيه وتعبانه
اجه اخوي كلي اكو بنيه ع الخط تريدج
منو هاي وبهل وقت تتصل شتريد ؟؟
كتله منو كال ما اعرف هاج
الو
منو
شمس اني زوجه رعد
هلا حبيبتي خير شكو
شمس رائد سوه حادث على طريق الكوت وحالته خطره
احنه عرفنه رجعتي وهوه اجاج
شمس رائد بين الحياه والموت
رائد ؟؟؟؟ لاااااااا
مكدرت احجي
بس اسمعها دكول تعالي شوفي ولو للمره الاخيره
ركض على اخويه وطلعت للكوت
وطول الطريق ابجي
معقوله كلي للموت ليش هوه جان يعرف راح يموت
اذا صارلك شي ما اسمح نفسي رائد
اذا صارلك شي بسببي راح يكون
اريد اوصل اريد اشوفه
استعجل خويه
امشي سريع
يارب احفظه الشبابه وخلي
يارب يارب احفظه
وصلت للمستشفى
ما اكدر امشي اريد اوصل الهم
شفت امه واخوه يبجون
كتله رعد وين رائد
رائد ؟؟؟؟؟
رائد جوه شمس رائد بين الحياة والموت
اسم الله عليه لا دكول هيج
ولج شكول واخوي راح يروح من ايدي
رحت الامه ساكته ومصدومه
شافتني حضنتني وبجت
شمس ادعيله وليدي راح يروح
خاله اسكتي لا دكولين هيج
رائد يحبج شمس واني منعته منج
ما اسامح روحي على اذيتي الكم
خاله مو وكت هل كلام الله يخليج
ولج شمس رائد ما شاف احد غيرج
اريده يكعد وليدي
احجي ويه امه وابجي
شمس :صوجي اني
اني قسيت عليه وخليته يطلع
ليش ولج هيج سويتي ليش ولج
اجه الدكتور وكال عنده عمليه وحالته خطره نسبه النجاح قليله
ادعوله ومحتاجين توقيع اهله
رائد .....لااااااا
لا تروح مني رائد ارجوك لا تروح
لا تتركني وحدي
ايام علي رجعتلي معقوله رائد راح يتركني ويروح مثل علي
لا رائد لا تتركني الله يخليك ابقى وياي
شبابك وجمالك ونضافتك شلون انته تروح من ايدي
لا انته متروح جوه التراب
طلعت بره المستشفى
اصلي وادعي ربي يرجعه الي
يارب اريد رائد منك لا تحرمني منه
ياربي رجعه الي
فقدت هواي ما اريد افقده يا الهي
ابجي بصوت والعالم تباوع عليه ادعي الرائد
اجو نسوان اثنين كومي خاله
كافي تبجين
خاله ادعوله ادعو الرائد الله يخليكم ادعوله
ادعوله ولكم راح يروح من ايدي
لاااا رائد ميروح
بس هوه ليش ودعني وكلي للموت منلتقي معقوله رائد راح يروح
لااااا اسكتي ولج اسكتي
ولك رائد اني احبك 💔
لا تتركني بداعه أمك الي تحبها
مرت عليه ساعات وماكو اي شي من رائد
هوه بالعمليات ونسبه النجاح قليله
اربع ساعات وطلع الدكتور كال منو ويه رائد .......
سابقى وفيآ لكي حتى عند موتي 💔
يتبع 💔💔💔
