البارت الثاني ....
الكاتبه :زمرد وليد
الو :انتي فلانه اي تفضل
خويه اني ضياء هلا ضياء شلونك ان شاء الله زين خويه احنه جاين بالطريق زياره الكم
شمس :اتفاجئت ضياء يجي زياره وهوه واهله شصاير ربي ليش اتصل بزوجي ميجاوبني زين اريد انطي خبر اهله راح يجون ضياء يصير اخو زوجي سديت اثناء المكالمه كتله داتصل بعلي وميرد من البارحه الساعه ١٢ بالليل محجه شي وسد الخط كال كم ساعه احنه يمكم
كمت نضفت البيت ورتبته وسويتلهم غده دانتظرهم يجون دك الجرص اجتي امي واخويه هلا يمه شلونج هلا بنيتي الحمدلله انتي شلونج الحمدلله ماما تمام احنه زينين تفضلو شنو هل زياره المفاجئه
امي :خابرتني اسراء وكالت خاله روحي يم شمس احنه جايين بالطريق ونريد نشوفج استغربت رجعت اتصلت بزوجي ميجاوبني كملت البيت والغده والترتيب ولبست وتعطرت ودانتظر عيالي يجون مرت ساعات وهمه ماكو اتصل يطلع مغلق كلت يجوز راح يزورون ويمرون علينه خليني انتظرهم كعدنه اني وامي نسولف وكلبي يم زوجي ودانتظر اتصاله على احر من الجمر اسولف ويه وامي وعيوني بالتلفون واكول هسه راح يتصل مرت الدقايق والساعات وزوجي ماكو
ياربي ليش وينه وين راح والله كلبي يمك ياربي خاف صايرله شي
ليش علي ميجاوب ولا يراسلني
احجي بيني وبين نفسي هوه نايم لو تعبان من الشغل
لو التلفون مو يمه
ياربي شلون بيه اريد احجي وياه يومي مو حلو بدونه
يوميه يكعدني الصبح بكلمه حلوه والضهر وكل وقت فراغ هوه وياي يارب اشتاقيتله وزوجي ماكو
انتبهت امي عليه شبيج اليوم وجهج مخطوف لونه مابيه شي يمه
كومي نامي شويه على ما يوصلون تره تعبتي اليوم واكيد راح يضلون يمج تعبين بالزايد
لا يمه ما اكدر انام خليني انتظرهم براحتج بس راح تعبين
ميخالف يمه خليني اتعب قابل همه يوميه جاين النه
كمت رتبت الاستقبال من جديد وعطرته
ورحت للمطبخ شفت شكو نقص
اسمع الجرص اندك
اي اجو واخيرآ وصلو
تعال ماما افتح الباب وصلو عمامك
حطيت حجاب على راسي وطلعت
داخل حمايه وعيونه حمر ويباوع بعيوني وساكت
تفضل خويه كل الهلا بيك حسيت اكو شي وره دموع ضياء
فتحت الباب واشوف سيارتين واكفات ............
يتبع القصه حقيقيه
انطوني رئيكم اكملها لو لا
