ـ ليش دائما تستنقصين من نفسج
ـ لان هذا الواقع ياسر
هواي صفات عندي
متخلي الشاب يفكر بية گ زوجه
اغلبهم يفكرون بأشياء ثانيةـ اني مو مثل هالشباب لا تقارنيني بيهم
ـ مستحيل اقارنك بأي واحد
اصلا ماكو مجال للمقارنة
انت مثل النجمة بالسمة
وهمة جوة الكاعـ فدوة الـ الله
لسان لو عسلـ لانحلة تكرص
ـ هههههه…
اكول نونة
اريد اسئلج سؤال
مأ سألتة الج قبلـ اي عادي اسأل شنو
ـ حبيتي احد قبلي؟
ـ ههههه لا ماجنت احب
يحبوني بس مو احبهمـ لابلة
ـ اي والله شبيك..
يعني بس زوجي الاول صباح
الله يرحمة
هو الوحيد الي شوي حبيتة
بس هو كلش حبني
من صدك حبني خطيةورغم سلبياتة
بس جنت فرحانة بي والله
لان الوحيد العاملني بحنية وگأنسانة كدامة مو حيوان ..
ضمني لصدرة واحتواني
صح مرات يفقد من يضربني وياذيني يصير شخصية ثانية تخوف
بس ما اكدر انسئ وكفاته ويايه
خلاني اشوف خواتي
وجابلي تلفون علمودهن
وااحلئ شي اخذني فررني بالسوك بالفين دينار هههههـ يعني شنو بالفين دينار مفهمت
ـ هههههههه خطية جان يكد ويشتغل وابوه الحقير ياخذ فلوسة ميبقيلنة ولا فلس
فمن اتزوجنة كام يشتغل شغل اضافي حتئ يوفر جم فلس
و جابلي هذاك التلفون بالاقساط
فمرة صارت مشكلة بالبيت واختنكت وبقيت ابجيكلي تحبين نطلع نتمشئ تغيرين جو
اني سمعت طلعه ماصدكت
لان الطلعه بالنسبة الي جانت حلم مشايفته
كلتلة اي ياريت
كلي كومي بدلي
اني هم ماقصرت كمت اركض بدلت وكملت
خطية لهسة اتذكر شلون وكف خجلان كدامي كلي ماعندي بس الفين دينار بجيبي ..
ما اهتميت وضحكت
كلتله عادي ما محتاجة شي من السوك بس اريد افتر
وصدك جنت بس اريد اطلع واشتم هوئ
وتالي طلعنة مشي ووصلنة للسوك
واشترينة لفتين فلافل بالف دينار وقوطيتين بيبسي
ورجعنة بجيبنة خمسمية دينارـ شنوو هاي ورجعتو وياكم باقي
ـ ههههههههههه اي والله
ـ الفين دينار وبقيتو منة بااقي
ـ هههههه
ـ خطية
مبين عليه فطير الله يرحمةـ اي صح عندة فطارية االه يرحمة
ـ يعني من كلامج استنتج
بس زوجج صباح بحياتج؟ـ اني ماحبيت احد حب رجال ومرة
كل الاجو كدامي شفتهم منقذ الي ولخواتي من ضروفي مو اكثر
يمكن نعجبت اي بس ماحبيت
YOU ARE READING
ليلة من فبراير
ChickLitقصة حب تجمع دينين مختلفين باسباب وضروف غريبة وصعبة علئ كلا الجنسين
part 66
Start from the beginning