One More Time (Ghost Series #2)

Prologue

December 3, 2019

Kimbria Jeanette Green's POV.

"Sumama ka samin! Dali!" Mabilis kong hinablot ang kamay ni Greg kahit pa busy sya sa paglalaro ng kung ano mang nilalaro nya dito sa timezone ng mall.

"Anong--- Hoy! Ano ba yan?!" Agad din nyang binawi ang kamay nya mula sa akin.

"Please! Please, Greg! You have to come with us! Kailangan mong magtago, please.. Wala na tayong oras." Nanginginig ang mga kamay kong hinawakan muli ang isang kamay nya.

Kunot ang noo nyang pinagpalit-palit samin ni Jin ang paningin nya. At nang hilahin ko sya ay hindi na rin naman sya pumalag pa. Agad kaming tumakbo palabas ng mall na iyon at isinakay sya sa van ni Jin.

Wala din syang kaalam alam sa nangyayari. Pinakiusapan ko lang syang isakay kami at ibaba sa ligtas na lugar kung saan hindi agad ito matutunton ng kung sino man sa kanila.

Hindi ito pwedeng malaman ng kahit sino lalong lalo na si Jom.

Kailangan kong makarating doon sa tamang oras kun'di ay baka mahalata nila 'ko. Hindi nila pwedeng makuha si Greg. Hindi sya masamang tao.

Hindi sya tulad ng mga kaklase nya. Hindi nya alam ang tungkol sa misyon nilang pagpatay kay Rein kaya hindi sya pwedeng madamay sa kung ano mang gagawin namin mamaya.

"Ano bang nangyayari?" Bakas ang pag aalala sa kanyang muka nang harapin nya ko.

Ngumiti ako at kinagat ang pang ibabang labi para pigilan ang nagbabadyang luha sa mga mata ko.

"Maglalaro lang tayong hide and seek."

Ngunit hindi nagbago ang reaksyon nya. Mas lalo syang sumeryoso. "Ano nga, Kim? Anong nangyayari?"

I can't tell him..

Pinilit kong kumbinsihin ang sarili sa pamamagitan ng pag iling. Muli ko syang nginitian.

"Malalaman mo bukas." Unti unti kong inangat ang kamay ko at hinaplos ang kanyang muka. Laking pasasalamat ko na lang at wala syang ginawa para pigilan ako. "Magbakasyon ka muna ng ilang oras."

"May bakasyon ba namang ilang oras lang kun'di ka tanga?" Inis nang tanong nya.

"Alam mo? Manahimik ka na lang bago ka pa mauna."

Tumahimik ako buong byahe at dumistansya na rin ng upo sa kanya. Nasa labas ang paningin ko pero nasa kanya pa rin ang atensyon ko. Hindi ko alam kung paano nya tatanggapin o matatanggap. Alam ko kung gaano sya kasaya sa school dahil hindi naman nya nagagawa sa kanila ang mga nagagawa nya doon.

Alam ko kung gaano sya kasaya kasama ang mga kaklase nya.

Pero alam ko ring hindi na sila pwedeng manatili pa dito. Hindi na sila pwedeng magtagal pa dito dahil maya maya lang din ay mawawala na kami.. Maiiwan si Rein at malaya nilang magagawa ang balak nila.

"We're here." Umayos ako nang upo sa anunsyong yon ni Jin. Tumalikod sya para humarap sa amin. "Kailangan nyo ba ng kasama?"

"Hindi na." Umiling ako at nginitian din sya. "Thank you."

Tinulak ko pa si Greg palabas dahil ayaw pa nyang buksan ang pinto eh nasa side nya yon. Ano? Tatangahan lang nya 'ko dito?

At nang makalabas kami ay agad din syang humarap sakin. Ipinalibot nya rin ang tingin sa buong lugar at ganoon din ako. Hindi ko alam ang lugar na 'to pero ayos lang. As long as he's safe.

"Bakit ba kailangan nating magtago dito?"

"Ikaw lang. Kailangan mong maiwan dito kung mahal mo pa yang buhay mo."