ခေါင်းခါပြလိုက်သည့် CEO Park က Chanyeol ၏အဖြေကို စောင့်ဆိုင်းနေဟန်။
'' mission fail တယ်လေ ''
Chanyeol အဖေကလည်း ခေသူတော့မဟုတ်။
ရယ်စရာကောင်းတဲ့ ပြက်လုံးတစ်ခုကို ကြားလိုက်ရသလို
ဗြုန်းစားကြီး အားရပါးရရယ်မောပြီး လက်ခုပ်တီးနေသည်။'' အင်း၊ ငါ့သားက ဘယ်လောက်သောက်သောက် မမူးတဲ့သူဆိုတာကို ငါမေ့သွားတယ် ဟားဟား .. ''
ထင်မှတ်ထားသည့်အတိုင်းပင် နောက်ဆုံးအခွင့်အရေးကိုတောင် Alex သည်ဖြစ်မြောက်အောင် အရမယူနိုင်ခဲ့။
Chanyeol ရှေ့မှာ အသည်းအသန်ရယ်နေပေမဲ့ ရင်ထဲမှာတော့ ရှက်စိတ်ကြောင့် နေမထိထိုင်မသာဖြစ်နေသည်ကို ကိုယ်တိုင်ပဲသိသည်။ဒီထက်ပိုပြီး Chanyeol ရဲ့အချစ်ရေးကို ဝင်စွက်ဖက်လို့ မရနိုင်တော့။
Chanyeol အသက် ၁၈ နှစ် လူပျိုပေါက်အရွယ်လေးမှာ နောက်မိန်းမနဲ့ကလေးကို အိမ်ခေါ်လာတုန်းက ကလန်ကဆန်မလုပ်ဘဲ လူကြီးလေးတစ်ယောက်လို နားလည်ပေးခဲ့သည်။
မိထွေးရယ်လို့၊ မယားပါသားရယ်လို့ မောက်မာစွာဆက်ဆံခြင်းမရှိ၊ လိုက်လျောညီထွေစွာ အလိုက်တသိနေပေးခဲ့တဲ့ Chanyeol၊
ဘာမဟုတ်တဲ့လောဘတစ်ခုက Chanyeol ရဲ့စိတ်ကို
မမြင်နိုင်အောင် တံတိုင်းခြားထားသလိုမျိုး ကိုယ်ဖြစ်ချင်တာကိုပဲ ကိုယ်သိပြီး သားဖြစ်သူ၏စိတ်သဘောထားကို လျစ်လျူရှုခဲ့မိသည်။'' တောင်းပန်ပါတယ် ''
Chanyeol မျက်လုံးလှန်ကာ ကြည့်လိုက်တော့
CEO Park က ကြင်ကြင်နာနာပြုံးပြလိုက်သည်။'' ကိုယ်တိုင်ကျတော့ နေချင်သလိုနေ၊ မင်းကိုတောင် ငဲ့မကြည့်ဘဲ ကိုယ့်အိမ်ထောင်ရေးကို ကိုယ်ကြိုက်သလိုဆုံးဖြတ်ပြီးမှ မင်းရဲ့နှလုံးသားရေးရာကိစ္စမှာ ဝင်နှောင့်ယှက်မိလို့ တကယ်တောင်းပန်တယ် ''
အဖေဖြစ်သူက သားလုပ်သူကို တောင်းပန်နေတာ အနည်းငယ် ကိုးလိုးကန့်လန့်နိုင်ပေမဲ့ Chanyeol မတားမိသေး။
'' ဆောရီး မင်းရဲ့ personal ကိုဝင်စွက်ဖက်မိတဲ့အထိကို
အဖေ စည်းကျော်သွားတယ်၊ အခု.. မင်းသဘောကျတဲ့သူကိုသာ တွဲတော့ ''
![](https://img.wattpad.com/cover/249741072-288-k490008.jpg)
[ 27 ]
Start from the beginning