ـ وج تدرين منال شكالت عليج
ـ ما استغرب اي شي تحجي عني
ـ بس هالمرة حجايتهه مو هينة وانتي اثبتيهه بتصرفج هذا..
ـ قابل شنو كالت؟
ـ وج كالت شردت وية صاحبهه وخلت فوك راسج حجي مينحجي وتهايم متنعد حتئ دعاء كالت جانت عندج علاقة بواحد اسمة مازن والثاني احمد وبعد مدري منو
عدت كومة اسماء عود جانت عندج علاقة بيهم
ـ لان تشوف نفسهه ام الولد متصورة الكل مثلهه
ـ منو يكدر يحجي وياهه يمعودة
وامهه الكلبة ماقصرت
ختهمتهه بححاية عوجهه مثل خلقتهه
ـ شنو كالت
ـ كالت مبين صارت حبلة من صديقهه وانهزمت ..
وضلت تحجي وتألف بهالحجي
وشيشت عمامج وولد عم ابوج عليكم
شفتي بهروبج شسويتي
ـ والله فلا استغرب منهه شي هالشيطانة وبعدين التهايم مو جديدة علئ منال
ـ وج عمة ارجعي وكذبي حجيهم واني وام عمر نوكف وياج
ـ هاي شبيج عمة صدك تحجين انتي؟
ارجع علئ مود منو؟
ومنو يستاهل اضحي بخواتي وبنفسي حتئ اثبتله اني شريفة
ـ حتئ اني وخالتج ام عمر منستاهل ؟
ـ انتي وخاله ام عمر ممقصرين ويانة ومينكر فضلكم
بس من رادت تحركنة وتموتنة منو وكف بوجهه
ومنو كدر يثبت عليهه شي
اشو الشارع كله انكلب ومحد كدر يذب تهمة عليهم
وقبلهه من سممتنة بالاكل
ووراهه من كامت تخوفنة وترعبنة بتوالي الليل اني وخواتي
منو كدر يحمنة منهه
منو كدر يوكفهه عند حدهه ..
ـ هية نــ ـغلة ومينكدر عليهه
ـ اي لعد شلون تريدني ارجع يا عمة اذا ارجع اني وخواتي نتاذة واكيد راح نموت
بس انتي وخاله ام عمر بغيابنة متتأذون ولا احد يكدر يذب الصوج بيكم
ـ والتهايم الذبته عليج كدام الناس
ـ صارت زلاطة عندي
اصلا هالحجي مو جديد عليهه
يعني ياما وياما سمعت وشفت من مصايبهه ومحد منكم نقذني منهه
بالعكس عفتوهه تفرغ غضبهه بيهه واني طفلة لاحول ولاقوة الي ..
بقت علئ الحجي ياعمة
خليهه تحجي
بس لا محلل ولا ماهوب الحجي عليه وعلئ خواتي
وشكد تريد تعيش هالشيطانة بعد اطلبهه حقنة بالدنية قبل الاخرة
ـ متتعض هالمرية ابد
ـ يعني الله بعد شيشوفهه
اخذ ابنهه وسام منهه خطية
مات وما اتعضت ولا خافت من الله شتترجين من هيج وحدة
ابنهه ممهتمة اله
راح تهتم بينة
لو تخاف الله بينة و متاذينة مستحيل ..
ـ اي والله بعدهه طاغية ومنكسرت شوكتهه
ـ خليهه بعد عدهه جم ولد وعدهه بنية جبيرة وحوبتتي وحوبة خواتي متكدر تخلص منهه لان اطفال وما اذنياهه بشي
part 48
Börja om från början
