#لعائلتنا_اسرار
الحلقه :احدى عشر
بقلم :فاطمه سالم الورفلي
.......................................
اكتر ناس شُفتها مُفتقدة الحب و السند في حياتها هُمّ اكتر ناس مصدر حُب و سند لغيرهم ، وكأنهم بيعتذروا لنفسهم عن قلة السند في حياتهم
•🌸•🌸•🌸•🌸•🌸•🌸
عندي اني :
واول خيط ح يكون اول خطوه.. والشخص هدا ح يكون "سليمه ".. هي لي لعبت بحياتي.. هي لي خبرت صالحه ان اني كشفتها لما سمعتني نحكي لي ماما.. خبرت هي وزهرة.. هي ام محمد لي خدعني وقهرني.. سليمه لازم تاخد حقها وبالتالي نقهر محمد زي ما قهرني لكن بالحقق والقانون . . وجت عيوني على القجر لي ماباش ينفتح.. عقلي معاه من هداكا ليوم.. نحس ان ح نلقى فيه شي.. وتوجهت عيوني لباب الدار وابتسمت بخبث.. لان معاش في صوت ضحك خطاب.. ولا التلفزيون.. رفعت راسي للساعه لقيت الساعه قريب 3 الليل..نضت من على السرير بهدوء.. عن السرير يدير صوت.. قعدت نمشي بتسلل خطوه بخطوة.. لعند ما طلعت من الدار .. وجت عيني على خطاب راقد على الصالون.. ارتحت كنت نحسابه في المكتب.. قعدت نمشي ونمشي لعند ماا وقفت جنب الطاوله.. قريبه من خطاب.. وابسط صوت ح ينوض طول.. درت روحي نلم في الصفرة.. لان نقلب على جيهة اليسار مرات يشوفني.. رفعت الصفرة بيد.. وشديت خوصه المفاتيح بصبعي.. ومشيت نجري للكوجينه فرحانه حطيت الصفرة على الطاوله.. وقعدت نشوف في الكوكش المفاتيح .. وعيوني يضحكو .. وسرحت في الخطة لي بنديرها..
:شن بديري بيهن!
-نجمدت في مكاني ..واني مصدومه من الصوت لي خلاني نفوق من سرحاني.. بلعت ريقي بخوف.. ودقات قلبي وكأنهن طبول ..يدقن بسرعه وبقوه..غمضت عيوني.. وفتحتهن.. شفتتت خطاب منعكس على مرش الروشن.. ايي خطاااب.. حسيت بيده على كتفي.. ولفني ليه..
خطاب برفعه حاجب :طلعتي مش هوينه!
-طبست راسي.. وشاده على المفاتيح بقوه.. من التوتر
خطاب :قوليلي شن بديري بيهن والا تشوفي مني الويل
اني تشجعت رفعت راسي شبحتله وعقدت حواجبي :بناخد حقي
خطاب بهزوه: تاخدي حقك بمفاتيحي! .. مش كأنه كدبه عبيطه شوي!؟
اني تعفلقت :بناخد حقي منهم.. منهم لي خلوني نتزوج منك.. ونحصل فيك . .
خطاب كتف ايديه على بعض :ومنهم هديم!
اني :مرت بوي صالحه وسليمه.. تغاضيت عليهم كله على عيون شيماء.. بس في الاخر الحق حق وكل ايد تمسح على وجهها
خطاب :همم اوك بعدين تقدري تستلمي ورقه طلاقك
اني نصدمت: بسهوله هادي هاينه عليك!
خطاب :هه شن بيني وبينك؟.. اصلا تزوجتك عشان انتقام خلينا واضحين.. وانتي عشان مصلحه مش كنتي تقولي توا نحصل فيك!.. اهو بتفتكي مني
اني ابتسمت مجاملة :اوك تمام
-خدي مني المفاتيح.. ومشي.. واني تبعته.. خش لدار.. واني وراه . . فتح القجر.. وطلع هلبا اوراق وكيس.. ومن بينهم الكاميرات..
