#لعائلتنا_اسرار
الحلقه :العاشرة
بقلم :فاطمه سالم الورفلي
............................................................................
عندي اني :
.. طلعت من السور و لقيت خطاب قدامي تماما.. اول ما سمع صوت الباب.. التفت وفنص فيا ..
خطاب :انتي باش تفهمي ها!.. باش تفهمي مش قتلك خشي داخل وصكري الدار
اني نفجرت فيه ومديتله التليفون قدام وجهه:افهمم افهمم بيغتالوووك بيغتالوك في وسط قعر دارك.. وتبيني نقعد!.. تي كيف تبيني نقعد هاا تبيهم يمرمدوني انت تبيني نكون بين ايديهم
خطاب قعد يشبحلي شوي وقال بحزم:بطولي والجيش هدا مش عاجبك!.. تشوفي فيا اني طرطور.. تي خشي ددااخل.. بدل ما تقولي لي بيا بيك.. من اول كلمتين قالوهن بتاخدي وجهك.. تي زيدي عليا غادي.. مالك زيجه حرفه
-كلامه ليا نزل عليا زي الرصاص.. فوقني.. حسيت روحي كنت بلا عقل.. شن لي كنت نبي نديره.. اصلا حتى لو هربت!.. وين بنمشي!..
خطاب يهز فيا بيده :نكلم فيك اني
-شبحتله بخوف.. وبلعت ريقي
-خطاب زفر .. ودفني بيده وخرني بقوه خششني.. وصكر عليا الباب
............................................
•🌸•🌸•🌸•🌸•🌸•🌸
عند خطاب واني :
-كلامها ليا قد ما هو مستفز.. قد ما هو عبيط.. وكل مال تصرفاتها وكلامها.. ينفي الاقوال لي في راسي عليها.. ويثبتلي انها عبيطه على قولت اسامه .. اي اسامه ما تستغربوش.. اسامه دارلي معروف كبير مستحيل ننساه.. ح تعرفوه مع الوقت.. على العموم.. قعدنا مسلحين .. وعلى اعصابنا نجارو.. وبعتت اربعه انفار يقتحمو الهنقر متاعهم تحت الكوبري . .
-بعد ساعات••بعد التخميم.. والتفكير.. والتوتر.. توتر من ايي لحظه او دقيقه تصير مداهمة.. في ايي ثانيه.. تكون نهايه حياتك .. اصعب شي ان تعرف نفسك مهدد بالخطر تماما.. ومع ذالك الناس لوطا.. وفوق السطح.. وفي السيارات.. ومن بدايه لنهاية الشارع.. شبه الامن كله هنا.. ومدرعين.. حتى السلاح مسحوب.. بمجرد الضغط بس الضغط على الزند .. بس الضغط على الزند مش على طول.. لاننا قوات امنيه.. و ماشيين على مبادئ.. اولهم دينيه وتاليها قانونيه.. لاننا ما نقدروش نقتلو طول.. مرات نقبضو عليهم.. مرات تكون ضربه لمحاولة تهدية الاوضاع.. مجبرين نحاولو معاهم بجميع الطرق حتى لو على حساب انفسنا.. شفتو اهميه ومسؤوليه الامن.. فا ياريت لكل واحد منكم يكون حريص اولا لكسب رضا الله والوالدين.. ثانيا للسلامه🍃••"اذا خلينا نرجعو لموضوعنا".. وفجأة جت السيارات.. من الخوف وقفنا استعداد لي ايي هجوم. . لعند ما نزلو الجماعه.. طلعت جماعتنا لي بعتناهم.. نسينا حتى السياره.. لام سياره ركبو فيها سياره مدنيه عن حد يشك..
خطاب : ها شن صار يا ولاد
البسيوني صفق بيديه :فص ملح وذااب
خطاب :تي كيف هكي!
البسيوني :مافيش اثر ليهم.. نجيبهلك في طبق من ذهب.. الموضوع فيه فبركه عندي واحد جلوتهم يزبط كل تحركاتهم.. قالي الموضوع مافيش منه وتو ندير تليفوناتي ونجيب ادمن الصفحه
