#لعائلتنا_اسرار
الحلقه:الرابعه
بقلم :فاطمه سالم الورفلي
............................................................................
عندي اني :
اني زفرت :قراري هو عشان شيماء بس موافقه
خطاب :خلاص اني ح نتكفل بي كل شي.. سلميلي زمام الامور بس .. واليوم ح يكون العرس.. جهزي روحك الظهر بتمشي لصالون ح تجيك سياره
شيماء :واميي؟
خطاب :امك الليلة هدي ح تبات في حوشها .. وتوا تقدرو تروحو
شيماء :دير لي يريحك.. ومحجوبه موافقه خودها مني اني..
خطاب يشبحلي :لا نبي نسمعها الموافقه منها هي
شيماء شبحتلي :شني محجوبه!
-اني اكتفيت ان نهز راسي وخلاص
شيماء :ها شفت!.. خلاص مالا الظهر نستنو فيك
-ناضت شيماء وفرحه مش سايعتها.. اما الخوف محاصرني.. خايفه من المستقبل .. خايفه شن بيصير.. كل خطوه نخطيها.. بألف سؤال في راسي.. لعند طلعنا من المكتب.. شفت بوي قدامنا لقيناه
بوي :كيف حال محجوبه!
اني مطبسه راسي :حمدالله بوي كيف حالك انت!
بوي :بخير بخير.. اا فكرتي في الموضوع!
-هو قال هك وجانا صوت خطاب من ورانا..
خطاب يحك في لحيته:موافقه موافقه يا حاج.. هيا نمشي اني وياك للمحكمه نعقدو الكتاب ونقرو الفاتحه
بوي مد ايده وشد وجهي رفعه جت عيني في عينه :شني بنتي موافقه!
خطاب :ايي يا حاج خيرك!
-بوي قعد يشوفلي ويستنى في رد مني
اني بلعت ريقي وهزيت راسي وقلت بتوتر :ايي موافقه بوي
بوي طلق وجهي وحط ايده على ظهري وكرني ليه حضني :ما تخافيش خطاب كويس وح يدير باله عليك
-يمكن هادي اول مره بعد ما كبرت بوي يحضني.. ونشوف نظرة الحن فيه.. اول مره نحس بمشاعر بوي وخوفه عليا.. ما نعرفش يمكن كنت نشوف شدة خوف بوي قسوة!..او يمكن اكيد مش شي محتمل.. عشان بوي هو لي قال لي سندس انها تبعد عليا.. وما سمعتش كلامه.. ومع هدا شفتله ان هو قاسي وجبار.. ماكنتش نفرق او حتى نتفهم بوي.. او نلتمس له عذر.. كنت ظالمه في حقه نعترف.. مش ديما الضحيه والمجني عليا.. والمظلومه.. لقيت روحي اني الجانيه والظالمه بدون ما نحس.. احيانا الانسان يشوف للامور بصوره وحده.. ما عنداش بعد نظر.. لانه ببساطه نشوفو بعواطفنا مش بعقلنا.. واني بين افكاري هدي.. والاحداث لي فات اوان ادراكها.. ادركتها وحسيتها توا.. بجد كنت في دوامه بسبب تشتت الاسري.. ومحمد كان واخد كل شي في دنيتي.. عطيت حقوق وعواطف لشخص الغلط للاسف..... بين الافكار هدي فطنت على روحي بصوت بوي..
