#لعائلتنا_اسرار
الحلقه :السابعه
بقلم :فاطمه سالم الورفلي
............................................................................
نصيحـه مني ليك ..اعتبريها من اخت لأختها..ننصحك يا اختي ان مش ڪل بنت تعاشـريها أديريها صـاحبتك وتوثقي فيها ..حتي لـو هي سلمت لك كل شي..بمعنى مفاتيح حياتها..اتتي هنا ساعديها انصحيها اي هنا معاك اني..بس انك توثقي فيها وتسلميها مفاتيح حياتك لا والفف لا ....لانـه يا عزيزتي فـي ناس أول ماتجيهم فـرصه يبيعـو ويبـانو عـلى حقيقتهم وحقـد والحسـد اللي ڪان مدسوس في قلوبهم يبـان ..بس يبان بعد فات الاوان..فا اني نحذرك قبل ما توصلي للمرحله هدي..لان ڪلمة الصـاحبه متنقالش بسهوله ولا تنطبق عـلى ايي وحـده ..والمـفروض واجب علينـا نحتفظو بخصوصياتنا ..عشـان ماننصـدموش في النهـاية ، مش ڪل من خش حياتك نقـولو عليـه صـاحب .. لان اكثريه الناس ح تكون لك عابرة.. مش الكل ح يقعد هدا شي اكيد.. بس في لي ما يمرش من حياتك ويبعد الا بعد ينهيك.. ويتعب نفسيتك.. زي سندس اهو هادي اقوى مثال.. وبي هكي ياريت تلتزمو بنصيحتي ياريت بجد ❤.. واما الا نبدو في روايتنا ويلااا نبللشش🍃
🌸🌸🌸🌸🌸🌸
عندي اني :
مشيتله بخطوات سريعه.. شديت المانويلا وسمعت صوت الحركه يقرب.. ويقرب.. اني هنا خفت خلااص.. مالقيتش روحي الا واني.. بدون ما نحس فاتحه الباب ونجري.. قريب عترت في الدروج.. طلعت طول من السور.. وكل شوي نشوف وراي.. وخايفه بنمووت من الخوف.. لقيت روحي ما نبعدش عن حوش ام خطاب الا خطوتين.. تفقدت روحي.. حمدالله لقيت روحي لابسه حاجه مستورة.. تعتبر بسيطه.. بلوزه وسروال.. خشيت للسور.. وطقطقت.. بلعت ريقي.. ونطربق في صوابعي من الخوف.. ونتلفت يمين يسار.. والله زيجه وحصلت فيها.. الله يسامحك يا شيماء وخلاص.. وشوي سمعت الباب نفتح .. شبحتله.. لقيت خالد "اختبار خطاب "..
خالد :اهلين اختي محجوبه تفضلي تفضلي
اني ابتسمت بتوتر :اهلين بيك كيف حال.. عمتي قاعده !
خالد مطبس راسه :اي الداخل تلقيها.. اا الحمدالله وانتي..
اني :بخير في نعمه " وطول خشيت داخل.. لقيت خيريه اخت خطاب.. عرفتها امس بس لما ينادو عليها.. هدا وين وقتها عرفت انه عنده اخت خطاب..
خيريه مدت ايدها :نورتي اهلين خشي خشي لصالة
اني سلمت عليها :سلمك الحوش منور بأهله
-وخشيت وراها للصالة.. لقيت ام خطاب.. وسلفاتي.. منعرفش اسمائهن.. وهن اول ما شافني.. قعدن يوشوشن.. وام خطاب كشرت وجهها.. وتلقتني من الفم قتلي..
ام خطاب :ره هلك قالو مش جايين خيرك جيتي
اني نحرجت :اا احمم اا سبر عندنا ان يوم الصبحيه نجي لحوش امالي العريس
ام خطاب بصوت واطي :لي يسمعك يقول حق و ولدي ميت فيك وتبيه ويبيك همم عبرج.. "وعلت صوتها قالت ".. باهي باه يا بنتي لاباس على اسبار الناس خشي خشي قعمزي
