صفنت علئ نفسي واتذكرت شجانت تسوي بيه منال من كتل وتعذيب وجوع واذية
عبالك فلم وانعاد كدامي وكاعدة اشوفه
اذا اني اتحملت لان جبيرة
بس خواتي شلون
مستحيل يتحملن هالالم
نغم جبيرتهن عود
وبعدهه طفلة وفوكاهه حالتهه النفسية تعبانة ..يعني متكدر تعتني بيهن بشكل صحيحياربي لااتحرمني من خواتي
يكفي انحرمن من ابوية وامي وهنة كلش صغار عفية ربي خليهن وياية
واهدي ام علاء حتئ تقبل بيهن
يعني شكو بيهه اتزوج واخذهن ويايه
قابل راح يخرب الزواج لو يخلص اكلهم لو يزدحم بيتهملحونة رادت تنام هية
دائما الضهرية تنعس
خليتهه بحضني
ويمي خواتي يلعبن واني اسمع راديو بالتلفون
الاخبار كلهه مفخخات وانفجارات
كلبي انقبض راسا غيرتة علئ قنوات الاغاني
صارت سااعه 3 ونص الضهر
كعدت العب اتاري وية خواتي ونسمع راديو شوي اغيرلهن جو
فصل الراديو وجاني اتصالهوووف .. اكيد علاء ديتصل
شلت التلفون حتئ اجاوبة
شفت انمار يتصل بگ
ضحكت علئ حظي ..
هذا شذكرة بيه ؟
صارلة فوك الشهر ممعبرني ولا ذاكرني
سافر وكال عدولي
وهسة يريدني اجاوبة
عفتة يتصل وذبيت التلفون علئ جهه
مترهم بعد اجاوبة واحجي وياه
طالما علاء راح يخطبني
فـ ماكو داعي احجي وية غيرةنغم ـ ليش متجاوبين نونة
ـ احسن ..
ـ زين منو ديتصل عليج
ـ رقم غريب ماريد اشيلة
روحي لعبي ياحبيبتي معليج بهالسوالفـ يعني ليش متحجيلي ؟
شايفتني بعدني صغيرة وما افتهم
ترة كلشي اعررف
والمريت بي خلاني اكبر كلش هواي هوايـ استغربت من حجيهه ..
و قبل لا احجي وياهه
رد اتصل انمار عليه اخذت التلفون وسويته صامت ورجعت اسولف وية نغم ..
شنو تعرفين بالضبط!ـ اعرف هذول الناس يريدون يزوجج وتروحين بعيد وتعوفينه
حالج حال امي وابوية وعمامي وخوالي
كلهم عافونة وراحو ومحد سأال علينة بعدـ لالا مو هيج نغومةة
ـ اي هيج
اني سمعتج تحجين ووية واحد اسمة علاء وتكليلة اذا تريدني صدك لازم تقبل بخواتي وياية
وهسة سمعت هاي خاله تكلج عوفيهن واتزوجي وشوفي حياتج انتي مو ارملة وهنة بناتج حتئ تحيرين بيهنـ دتحجي وراسا كامت تبجي متحملت دموعهه وحسرتهه جريتهه عليه وحضنتهه ..
ولج مو هيج تقصددـ لا هييج اني سمعتكم تحجون
وحتئ سمعت خالة وداد من خابرت رجلهه الحقير جانت تبجي وتكلة تعبت من مسؤليتهن امهن ماتت وابتليت اني وسامحني واعذرني وخلينة نرجع لخاطر جهالنة
ليش هووو منوو الاتاذة ومنو لازم يطلب السماح
ليش كل الاذونة الله ما اذاهم
ليش الله يقبل هيج يصير بينة
ESTÁ A LER
ليلة من فبراير
Literatura femininaقصة حب تجمع دينين مختلفين باسباب وضروف غريبة وصعبة علئ كلا الجنسين
part 35
Começar do início