مشينة تقريبا ربع ساعه
وصلنة شارع يجنن بيوتة كلهن فخمات وكبار وبيهن اشجار نارنج وبرتقال
من دخلنة بهالشارع
كل شوي نلوف بفرع
نوبة يسر ونوبة يمنة
تيهت وانكلب راسي
هذا وين دياخذني
دقايق ووكفت السيارة
لان اكو حديدة جانت سادة الشارع بالعرض
وولد واكف يمهه فتحهه ونرفعت ليفوك
سلم عليه انمار ومشينة ثواني ووكف يم باب كلش جبيرة حديد سودة وبيهه نقشة مذهبة علئ شكل وردة جبيرة
دك هورن وفتحو الباب
هالبيت كلش جبيــر ويخبل
الكراج مالته طويل
مبين هواي سيارات ياخذ
دخلنة بالسيارة ووكفنة جوة سقيفة السيارات
السقيفة ممبينة من الزرع المتسلق عليهه والنازل منهه
شلون حلوة صايرة
بس من شفت البيت شلت هم شلون راح انظفة
نزلت من السيارة علئ كيفي
علئ جهتي سياج عالي يبدي من بداية الباب الخارجية كله زرع متسلق وورد واشكال نباتات مشايفتهه
ومنا كراج السيارات
وعلئ الجهه الثانية النزل منهه انمار حديقة جبيرة
بيهه مرجوحه وكراسي وداير ميدورهه اشكال الورد..
عزة شكد حلوة
صافنة علئ هالمكان متخيلت اكو هيج بيوت جبيرة بالعراق
انمار ـ يمـــة وينج جبتهه للبنية
حكيمة ـ اي عفية زين تسوي عاشت ايدك
ـ طلعت خاله من البيت من صاحلهه انمار ..
شلونج خاله
ـ ياهلا بيج حبيبتي
تعالي دخلي
ـ ييلة يمة اني اروح كلش اتاخرت
ـ روح الله وياك من توصل خابرني لاتخليني بقلق
ـ اوگ.. يلة باي
ـ تعالي ليش واكفة هناك تعالي دخلي
ـ ها .. اي خاله اجيت
صعدنة درج من 3 بايات البيت صاير اعلئ شوي عن الكراج
الباب الخارجية خشب
دخلت بممر مو كلش جبير
وعلئ جهه اليسرة غرفة
وكدام الممر كوليدور
ـ بيتي جبير ويرادلة شغل ياهي الاجيبهه تنضف متعجبني لو تبوك لو تلوص بتنضيفهه واعوفهه
ـ ردت ابجي من هالبيت شلون راح انضفة..
ـ اشو لونج مخطوف شبيج
ـ ها.. مادري ليش خايفة
ـ من شنو تخافين لاتخافين ماراح ناكلج
ـ همست بكلبي بس راح ينشك حلكي بالشغل..
دخلتني بالمطبخ
هواي جبير والكاونتر مالته ماخذ الحايط من الطول للطول هذا التعليك والارضي بعد اكبر
المطبخ طالعه منة غرفة صغيرة علئ جهة يمكن مخزن مسويهه
ـ خلي جنطة هدومج هنا بهالغرفة وتعالي
ـ حطيتهه بالارض ورحت وراهه
ـ اريد تبدين من الاستقبال
وبعدين غرفة الطعام لان هذني صارلهن فوك الاربع اشهر محد منظفهن تنظيفة عدلة يادوب كنس ومسح
YOU ARE READING
ليلة من فبراير
ChickLitقصة حب تجمع دينين مختلفين باسباب وضروف غريبة وصعبة علئ كلا الجنسين
part 31
Start from the beginning
