ماشالله عدهه هواي ولد وهواي بنات ..
يعني همين هواي مخلفة
بس شكد علاقتهم حلوة
حسيتهم واحد يحب الثاني ويهتم بالثاني ..
من شفت حنيتهم بالاكل واحد ينطي للثاني مو طماعين ويحتفظون بالاكل لنفسهم ..
كاعدين ناكل وصار صوت عياط وصياح ماعرف مين جاي
ماوية ـ همين اتعاركو
احمد ـ ليش همة اكو يوم فات بدون مصايبهم
حوراء ـ ترة مرة خالي انخطف لونهه خطية
ماوية ـ وليش ينخطف لونهه عادي مشاكل بيت لاتخافين
نهاوند ـ منو هذول تعرفوهم
حوراء ـ هذول عمامي بيتهم لزك ابيتنة احنة ماخذين الحديقة بانين بيهه وهمة بيتهم جوة
ـ ها
ـ بس عمامي مو صاحين
احمد ـ لاتخوفيهه من عدنة
همام ـ ميخوفون ليش تخاف ..
مرة خالي ترة مابيهم شي حالهم حالنة
ـ يعني شبيهم مفتهمت
حوراء ـ اني اسولفلج
ابوية الوسطاني بين اخوته
عندة اخوان وخوات اكبر منه
بس عمي الجبير جان اول طفل بالعائلة
وعود الكل يحبة
وصغار وكبار يشيلو ويفترون بي خطية
بيبي ام ابوية عدهه اخت صغيرة جانت مو كلش جبيرة ماعرف شكد جان عمره
ماوية ـ تقريبا 11 سنة جانت حسب كلام بيبتيج
ـ اي المهم شايلة عمي الجبير وتفتر يصير ابن اختهه وفرحانة بي عود صايرة خاله انوب هاي وين اخذته للمرجوحه
ماوية ـ جانت بيوت قبل مو مثل هسة خنكة وشي لازك بشي
لا بيهه حديقة جبيرة كدام البيت وورة البيت والحديقة بيهه نخل اشجار كلشي بيهه
حوراء ـ يمة كملي انتي
ـ هاااا مكصوفة الركبة عود ضاجت
ـ اي مو كلما احجيلي كلمتين وية مرة خالي تقاطعيني
ـ ديلة انجبي وكملي
ـ يمةة عيب كدام نهاوند تهينيينيي مرة خالي اصغرر مني والله فشلة
احمد ـ صوجج شحجاج خلي امي تنام ونكعد نسولف وياهه
ماوية ـ ليا ناقصين يا ادبسززيهه ..
اشو مانام كاعدة علئ كلوبكم
همام ـ منو هاي المتنام ههههههه هسة بس تشوفين المخدة بعد متندلين دربج
حوراء ـ ولكم احترموني كدام مرة خالي مو اول مرة تجي لبيتنة وتتعرف علينة
ولكم خلوني اكمل سالفتي وكعدو صنفو بعدين
ماوية ـ يلة انجبو كافي ..
كملي يمة فضيهه
نهاوند ـ ههه شكد حلوين
حوراء ـ اي ارجع لسالفتي احجيلجياهه علئ السريع لان هذول ميخلون واحد يسولف
عاد خاله ابوية..
يعني اخت بيبتي
جانت شايله عمي الجبير ومكيفة بي وتفتر كعدت بالمرجوحه وكامو يهزون بيهه وهي طفلة
لا عرفت تلزم عمي زين
ولا كدرت تلزم المرجوحه
دفعه من الدفعات ونشمر عمي من حضنهه وكع علئ الكاع وخطية صار مو طبيعي مختل عقليا لان جان بعدة صغير عمرة شهرين يمكن
YOU ARE READING
ليلة من فبراير
ChickLitقصة حب تجمع دينين مختلفين باسباب وضروف غريبة وصعبة علئ كلا الجنسين
part 23
Start from the beginning
