Bad Chick [COMPLETED]

45

"Jennie!"

Jin, one of the student council officers called my name the moment he saw me walking inside their office. Gulat na gulat pa siya at di makapaniwalang andito ako pero hindi maikakaila yung ngiti sa mga labi niya. Isa si Jin sa mga estudyanteng nanligaw at nangulit sa akin dito sa university. Gwapo naman siya, kaya lang masyado siyang mabait para sa akin. Feeling ko lang hindi kami magkakasundo, kaya ayun binasted ko.

"Si Lisa?"

Nawala ang ngiti sa mga labi niya biglang kumunot ang noo.

"Hey!" tawag ko dahil hindi niya ko sinagot.

Tumayo siya sa kinauupuan niya at saka tumingin sa may pintuan.

"Kakalabas lang di mo ba nakita?"

I rolled my eyes and said, "Hindi naman siguro ako magtatanong kung nakita ko siya diba?" pagmamaldita ko sabay labas ng office nang hindi man lang siya tinitignan.

Tinatawag niya pa yung pangalan ko pero di ko na siya inintindi. Hindi siya ang ipinunta ko rito. Teka nga, nasan na ba kasi yung babaeng yun? Akala ko ba dito ang punta nun sa student council office? Bakit bigla na lang nawala.

Bumaba ako ng hagdan habang palinga linga sa bawat classroom na nadadaanan ko. Baka sakaling andito yung taong hinahanap ko. Inisa isa ko na ang bawat classroom sa building na to pero ni anino niya hindi ko man lang nakita.

"Asan ka na ba Lisa?" bulong ko sa sarili ko nang may narinig akong nag uusap sa may likod ng music lab. Pamilyar yung mga boses kaya kahit na masama ang makinig sa pribadong usapan ng iba, hindj ko napigilan ang sarili ko para pakinggan ang pinag uusapan nila. Lumapit ako at nagtago sa may gilid ng pader.

"I'm sorry if I made you cry. Don't worry, I won't let that happen again. Basta palagi lang akong andito para sa'yo. I'm happy for us. You know, I've waited for this moment to come. You just made me so happy, Snow"

Agad na tumulo ang mga luha ko nang marinig ko ang mga salitang yun mula kay Lisa, lalo na nung niyakap niya pa at hinalikan si Snow sa noo. Ibig bang sabihin nito na nahuli na ako? Na pumapayag na siyang magpakasal sila? Narealize niya na ba na sila talaga ni Snow ang para sa isa't isa? Na all this time, si Snow pala ang mahal niya? Ang sakit! Parang pinipilipit yung puso ko sa sobrang sakit. Halos hindi ako makahinga. Kung hindi lang sana ako nagmatigas. Kung binigyan ko lang sana siya ng chance na kausapin ako, hindi sana kami darating sa ganito. Kasalanan ko namang lahat to eh. Hindi ko pala kayang mawala siya sa akin. Hindi ko kayang marinig at makita na masaya siya sa iba. I cried so hard to the point na hindi ko na namalayan na napapalakas na pala ang paghikbi ko. 

"Jennie?" napalingon ako nang tawagin ni Snow ang pangalan ko.

Nakita kong agad na bumitiw si Lisa sa pagkakayakap sa kanya at halata ang pagkagulat at pag aalala sa mukha niya. Agad kong pinahid ang mga luha ko at inayos ang sarili ko. Tumayo ako ng diretso at saka ako nagsalita.

"I'm s-sorry... I... I d-didn't mean to listen" nauutal kong sabi dahil na rin sa sobrang pagpipigil ko nang iyak ko.

Pagtapos kong sabihin yun ay dali dali akong tumakbo palayo sa kanila. I heard Lisa calling my name but I didn't bother to look back. Sobrang sakit ng puso ko at hindi ko kayang makipag usap sa kanya ngayon. Hindi ko kayang marinig kung anumang mga sasabihin niya.

----

Lisa

Nagulat ako nang may mabangga akong estudyante habang naglalakad ako papasok sa university. Hindi kasi ako nakatingin sa dinaraanan ko dahil nakalingon ako sa likuran habang nagpapaalam sa mga nakasama ko sa seminar na dinaluhan ng school namin. Pauwi na kasi sila samantalang ako ay may kailangan pang tapusin na task para sa inoorganize na event ng student council. Kaya kahit gaano ako kapagod sa byahe, hindi pwedeng umuwi agad ako dahil sa dami ng trabahong naiwan ko rito.