"အင်း မတက်သေးဘူး နာရီဝက်လောက်လိုသေးတယ် ဘာလို့လဲ ရင့်ခက်"
"အဟင်း ကျောင်းပထမဆုံးနေ့မို့ မနက်စာ မစားခဲ့ရလို့ အဲ့ဒါ"
ရင့်ခက်ကပြောရင်း ဗိုက်လေးကိုပွတ်ပြတော့ မှ
"သြော် ဒါဆို သာ ကျောင်းမုန့်စျေးတန်း လိုက်ပို့ပါ့မယ် "
မုန့်စျေးတန်းသို့ အသွားလမ်းမှာ သာတို့၂ယောက် စကားဖောင်ဖွဲ့မိ သည်။ သာက တော်ရုံလူနှင့် မခင်တတ်သလို တော်ရုံလူနှင့်လည်း စကားသိပ်မပြောပေ။အထူးသဖြင့် ယောက်ျားလေး တွေ။"သာ့ကိုလေ ရင့်ခက် မြင်မြင်ချင်းခင်သွားတာ သိလား ။သာ့ဘေးမှာ တခြားသူတွေ မရှိသေးပါနဲ့ဦးလို့တောင် ရင့်ခက်ဆုတောင်းထားရတာ"
"သာလည်း ရင့်ခက်ကိုခင်ပါတယ်နော် "
"ဟုတ်ပါပြီ ရင့်ခက်တော့ ကံအချီကြီး ကောင်းတာပဲ။ ပထဆုံးနေ့မှာပဲ သာ့လို ရုပ်ချောသဘောကောင်းတယ့် သူငယ်ချင်းရသလို ကောင်းနဲ့လည်း တစ်ခန်းထဲကျတယ်"
အပြုံးနဲ့ပြောနေသော ရင့်ခက်ကိုကြည့်ကာ သာ့ရင်ထဲ စပ်စုချင်စိတ်လေးပေါက်သွားရသည်။
"ရင့်ခက်နဲ့ သြဇာကောင်းက "
"ရင့်ခက်တို့က ငယ်ငယ်ထဲကခင်ခဲ့တာလေ ။ပြောရမယ်ဆိုရင် ရင့်ခက်မေမေနဲ့ ကောင်းအမေတို့က သူငယ်ချင်းတွေလေ။ရင့်ခက်တို့ မန္တလေး ကိုပြောင်းရာမှာလည်း ကောင်းမိဘတွေက အများကြီး ကူညီပေးထားတာ။ဒီကျောင်းမှာ ကောင်းတက်လို့ ရင့်ခက်ပါထားလိုက်တာ။တစ်ခန်းထဲကျမယ်လို့တော့ မထင်ထားဘူးလေ အဟင်း"
"သြော် အဲ့လိုလား"
" အင်း သာကဒီကျောင်းမှာတက်တာကြာပြီဆိုတော့ ကောင်းနဲ့မခင်ဘူးလား ခုနက စကားမပြောသလိုပဲ"
"အဟင်း ဟုတ်တယ် သာက အပေါင်းသင်းနည်းတော့ သြဇာကောင်းနဲ့ မခင်မိဘူး "
"အခုမခင်ပေမယ့် နောက်ခင်ရင်ခင်မှာပေါ့ ရင့်ခက်နဲ့သူငယ်ချင်းဖြစ်သွားပြီဆိုတော့ "
ရင့်ခက်စကားအဆုံး သာမျက်လုံးပြူးသွားရသည်။ဟုတ်သားပဲ ။ရင့်ခက်နဲ့ ပတ်သတ်ပြီး ခင်မင်လာရင်ရော။မဖြစ်ဘူး ။ သာ သူနဲ့ မခင်ချင်ဘူး ။
YOU ARE READING
A mysterious love story (Completed)
Romanceငယ်စဥ်ကထဲက မိဘ၏ဆုံးမမှုတွေကြောင့် အချစ်ရေးမရှာဖို့ဆုံးဖြတ်ထားသူ ၊ မတော်တဆ အလယ်တန်းနောက်ဆုံးနှစ်မှာ ကောင်ဇိုးလေးတစ်ယောက်ကြောင့် ...... ခင်မင်ရသော သူငယ်ချင်းမလေးက ပွင့်လင်းစွာ ဝန်ခံလာခဲ့သောအခါ ... ဆုံးဖြတ်ချက်တွေတင်းမာပြီး တစုံတယောက်ကိုဒဏ်ရာတွေပေးဖို...
8.ဘုရားရေ ရန်ပွဲလား
Start from the beginning