الملاك الشرس

الفصل الثامن عشر

بدأ الرجل بإختراق بعض المواقع لعله يأتي بشئ ليظل أكثر من ساعه يحاول الإتيان بأي معلومه وقد وصل الغضب والتوتر لآسر في أعلي مراحله..
تنهد الرجل بقوة وهو يقول : اخيرا الرقم يا باشا

إتسعت إبتسامة آسر وهو يقول : عايز خط سير العربيه بقا

_ لاء يا باشا دا صعب أوي

_ ما تنجز يا روح أمك أنا مراتي مخطوفه وقسما بالله لو حصلها حاجه بسبب تأخيرنا في اللك معاك لأعتبرك أنتي إللي خطفها..

إبتلع الرجل غثته في توتر لكنه كان أسرع في معرفة خط سير السياره عن رقمها، ليرسل الرجل لأسر خط السير عبر هاتفه وهم للخروج وتبعه يمان وهو يقول : سيدرا ونور خرجوا من البيت إزاي

إبتسم آسر في برود قائلا : إسمها مدام سيدرا الجراحي

_ دي أختي وأقولها إللي أنا عايزه

نظر له آسر بغيظ قائلا عن إستنتاج : أختك إللي طلعت من بيتك مكسورة الخاطر مش كدا..

نظر كلا من يزن ومحمود في تعجب ونظر يمان لآسر بحنق ثم قال : دا بيني وبين أختي متتدخلش

_ قولتلك مراتي

قاطعهم يزن بغضب وهو يقول : ما تحترموا الموقف اللي أحنا فيه.. أنت مراتك مخطوفه وأنت أختك مخطوفه هتمسكوا لبعض السكاكين ولا اي.. هي كدا كدا أتخطفت بدل ما ننقذ الموقف والبنت اللي معاها نقعد نتخانق أبو منظركم

_ نور بنت خالتي

ضحك يزن بسخريه وهو يقول : كمان..!! شابو ليك يا حضرة الضابط.. عدي يا محمود نروح أحنا نشوف هما فين..

ذهبوا كمان أتوا بسياراتهم يزن يركب مع آسر ويمان ومحمود كل واحد أستقل سيارته..

★★★

كانت ليلي تضم جيلان إلي صدرها لا تعلم من تواسي الأخري فقد أخبرها محمود بأنهم علموا بمكانها وسيأتون بها.. لتدلف مليكه تقول بقلق حقيقي : وصلتوا لحاجه

_ لاء

جلست مليكه بجانب ليلي وهي تمسح على كتفها بحنان قائلة : أن شاء الله خير متقلقيش
أماءت ليلي برأسها معتصمه عن الحديث فمليكه لم تروق لها حتي الأن..

_ هي ثو مس هتيجي بقا

مسحت ليلي على شعرها قائلة : زمانها جايه يا جيلو

مطت جيلان شفتيها بحزن قائلة : على فكله أنا فاهمه أنهم مخطوفين علسان أنا مس صغيره وأكيد آثل دلوقتي زعلان زيي بالضبط

هزت ليلي رأسها بنفي وهي تردف : مش كدا يا جيلو هما بس.. يعني.. مش محمود خرج بعد آسر ويزن
أماءت برأسها لتحاول ليلي إقتراح كذبه تشغلها عن التفكير بخطف سيدرا، فأكملت : هما بقا خرجوا علشان نور